Математика сабақтарында танымдық ізденісті арттыру

Қызылорда облысы, Жаңақорған ауданы,

Түгіскен ауылы № 256 жалпы орта

мектептің матиматика пәнінің мұғалімі Башарова Ұлпан

Математика сабақтарында оқушылардың танымдық ізденістерін арттыру

Қазіргі кездегі ғылым мен техниканың даму деңгейі әрбір адамда сапалы және терең білім мен іскерліктің болуын , жастардың белсенді , шығармашылықпен жұмыс істеуін және кеңінен ойлауға қабілетті болуын талап етеді .Сондықтан да , мектептегі оқу процесінің негізгі мақсаты – арнайы педагогикалық әдістермен мақсатты және жүйелі түрде оқушылардың шығармашылық ойлауын дамыту , өз бетінше білім алу дағдыларының дамуына негіз салу болып табылады . Математиканы оқыту процесін жетілдіру оқушылардың танымдық белсенділігі мен ізденімпаздығын арттыруға негізделген. Оқу танымдық қызметі барысында оқушылар қажетті көлемдегі білімді игеріп қана қоймастан, танымдық қабілеті мен шығармашылық ойлауы да дамытылады .Яғни , шығармашылық таным қабілетінің артуы үшін мұғалім мен оқушының шығармашылық ізденулері өзара ұштасуы қажет .Біз жаңа білімдердің ішінен ғылыми зерттеушілік қызметі мен оқу зерттеушілік қызметін сипаттайтын жаңа білімді ажырата білуіміз қажет . Оқу зерттеушілік процесс барысында оқушылар белгілі бір фактілер мен құбылыстарға берілетін түсініктемелер мен дәлелдеулерді өз бетінше іздестіріп, түсінуіне тура келеді .Оқу зерттеушілік қызметте оқушылар тапсырманың орындалуына және оны орынд

Математиканы оқыту процесінде қолданылатын ғылыми зерттеудің жалпы әдістері бір- бірімен тығыз байланыста. Оқушыларды математикалық зерттеу әдістеріне үйрету, оларда зерттеушілік дағдыларын қалыптастыру арқылы математикалық танымдық қабілетін дамытуға мүмкіндік тудырады.

Оқу үрдісін жетілдірудің негізгі тенденциясы оқушылардың өз бетінше жұмыс істеуі мен танымдық белсенділігін көтеру болып табылады. Педагогика ғылымы тиянақты білім маңызына әсер етпейді, қайта оқушыларды оқытуда тәрбиелеу мен жетілдіру бағытында жаңа мақсаттардың рөлін айқындап береді. Олардың қатарына мыналар кіреді:

білімді өз бетінше қабылдау қасиетін ұлғайту

қисынды ой-тұжырым білігі мен дағдысын, ғылыми ойлау тәлім тәрбиесін кеңейту

математиканы оқып – үйрену кезінде кездесетін барлық танымдық бастауларды өз бетінше пайдалануын қалыптастыруды, атап айтқанда: мұғалім түсіндіруі, кітап оқу , тапсырмаларды орындау, бақылау

өз бетінше ойлануын, шығармашылық қабілетін арттыру

Оқушы алдында оқытудың тәрбиелеу және жетілдіру мақсаттары қойылса, мұндай жағдайда оқушылар қажетті білімді игеріп қана қоймай, сонымен бірге өзінің танымдық қызметін , ғылыми ойлау санасын , шығармашылық қабілетін жетілдіреді.

Зерттеу жұмыстарын жургізу жағдайында ұшырасатын танымдық қиындықтарды өз бетінше жеңу кейбір оқушыларға оңай соқпайтыны белгілі. Өйткені мұғалім ондай қиындықтарды жеңуге үлгерімі жақсы оқушыларды кеңірек тарта отырып ұжымдық талқылау жолы арқылы бүкіл сыныпқа көмектесуге әрекет жасайды.Оқушының өз бетінше жұмыс істеуіне мұндай бірлескен іс- әрекет тиімді әрі қонымды.

Оқу танымдықжұмысының құрылымын математиканы оқытуда үш кезеңге бөлуге болады.