Математика және логика бойынша ашық сабақ 3 сынып

Мектеп № 6

Сынып : 3 «Ә» Күні:

Сабақтың тақырыбы:

Математика - ақыл-ойдың әуені

Сабақтың мақсаты:

1.Математика пәніне байланысты қосымша факультатив сабағында білім алушылардың әртүрлі байқауларға дайындық негізінде тапқырлық, логикалық ой-өрісін дамыту, тексеру, байқау, үйрету және жеке, жұптық, топтық, ұжымдық жұмыс жасай білу қабілеттерін арттыру;

2. Жан-жақты ойлауға, түрлендіріп берілген тапсырмаларды шапшаң орындай білуге, тез шешімін таба білуге жаттықтыру.

Күтілетін нәтиже:

Білім алушылар сабақтан тыс қосымша әртүрлі логикалық, шығармашылық, суретпен берілген, сіріңкемен берілген тапсырмаларды шығарып үйренеді.

Тілдік мақсаттар:

Жылулық, ақыл-ой, сіріңке, үшбұрыш, геометриялық фигура.

Бағалау критерийлері:

Жұмбақ сөздерді мағынасы бойынша тауып, сөздер арасындағы байланысты табады.

«Сен білесің бе?» тапсырмасындағы логикалық сұрақтарға жауап береді.

«Жұбыңды тексер!» тапсырмасында сурет бойынша өрнектер құрастырады.

«Шырпы есеп» тапсырмасы бойынша топпен жұмыста сіріңкелерді қозғау арқылы дұрыс жауаптарды табады.

Үшбұрыш фигураларынан жануарлар пішінін құрастыра алады.

Пәнаралық байланыс:

Қазақ тілі, жаратылыстану

Құндылықтар:

Жұпта, топта өзін-өзі ұстай білуге, бірін-бірі тыңдай білуге, қателерін түзете білуге үйрету, тапқырлыққа, шапшаңдыққа, ұқыптылыққа, тапсырмаларды түсініп орындауға баулу

Ресурстар:

Интербелсенді тақта, слайд, фигуралар, маркерлер, А4 форматтағы ақ қағаз, стикер, т.б

Сабақтың барысы:

Сабақтың жоспар

ланған кезеңдері

Сабақтағы жоспарланған іс-әрекет

Ресурстар

Сабақтың басы

Ұйымдастыру бөлімі

І. Ұйымдастыру.

а)- Балалар, көңіл-күйлерің қалай?

- Барлық сабаққа қажетті құрал-жабдықтарымыз бар ма?

- Сабаққа дайынбыз ба?

- Балалар, қазір жылдың қай мезгілі? Ауа райы туралы не айта аласыңдар? Неге қыста күн суық болады? Жылы болу үшін не жетіспейді? (Күн)

«Шаттық шеңбері».

Олай болса, осы күн сияқты жылу сыйлайтын бір-бірімізге жақсы, жылы сөздерімізді арнайықшы. (Балалардың бір-біріне айтатын жақсы тілектерін тыңдау)

Кіріспе. Жаңа тақырыпты ашу.

ә) «Тапқырлығыңды тексеріп көр» ойыны. Сөздер жасыру. Балалар жасырынған сөздердің мағынасына қарай сөздерді таба білу керек.

-Балалар, бұл сөздердің арасында қандай байланыс бар деп ойлайсыңдар? – деген сұрақтар қоя отырып жаңа тақырыпты ашамын.

математика

ақыл-ой

Сабақтың ортасы

Белсенді әдістер

ІІ. Жаңа сабақ:

1-тапсырма. «Сен білесің бе?» Ұжымдық жұмыс.

Қызықты логикалық сұрақтарға жауап бер.

1. Астанадан Қарағандыға жету үшін 2 сағат 30 минут қажет. Ал Қарағандыдан Астанаға қайтуға 150 минут керек. Неге олай?

2. Абдулланың он бес қойы бар еді. Он төртінен басқасының бәрі өліп қалды. Сонда Абдулланың неше қойы қалды?

3. 1 өгіз 5 литр сүт беретін болса, 5 өгіз қанша литр сүт береді?