Математикада функционалдық сауаттылықты дамыту әдістері

Математика сабағында функционалды

сауаттылықты арттыратын тиімді

әдіс-тәсілдер.

Менің мақсатым: Бәсекелестікке бейімделген мектеп түлегін өсіру, өмір

жолдарында табысты болуға баулу.

Міндетім :

- Кәсіби құзыреттілікті қалыптастыру;

- Мұғалімдерді шығармашылық ізденіске баулу;

- оқушы әрекетіне бірыңғай талаптар құру;

құзыретті-бағдарлы тапсырмалар құру;

Бақылау-өлшем жинағын құру:

Оқу үдерісіне құзыретті-бағдарлылық енгізу;

Өзектілігі:

Жаңа технологияларды қолдану - заман талабы, ал заман – ағымды бұлақ, сондықтан да жас ұрпақты тәрбиелеу, білім-білік дағдыларын жетілдіру үшін, тиімді әдіс-тәсілдерді қолдана білу – бүгінгі күннің сұранысы.

Білім мазмұнын жаңарту аясында мектепте білім алушылардың функционалдық сауаттылығын дамыту білім берудің басым мақсаттарының бірі ретінде айқындалып отыр.

Функционалдық сауаттылық әр мектеп пәнінің негізінде қалыптасады. Білім алушылардың функционалдық сауаттылығын дамыту және оның қалыптасуын тексеру құралы шығармашылық сипаттағы тапсырмалар (зерттеу жұмыстарына бейімделген тапсырмалар; экономикалық, тарихи мазмұндағы тапсырмалар; тәжірибеге бағытталған тапсырмалар т.б.) болып табылады.

Білім алушылардың оқу жетістігін сырттай бағалау (ОЖСБ) аясында білім алушылардың функционалдық сауаттылығы бағаланады. Функционалдық сауаттылықты тексеруге арналған тест тапсырмалары алғаш рет 2014 жылы ОЖСБ тапсырмаларына қосылды.

Функционалдық сауаттылыққа бейімделу, оның қалыптаса бастауы бастауыш мектептен бастау алады. Қазірде олар оқитын пән оқулықтарының мазмұны көбіне алғашқы сауаттылықтан басталып, әрмен қарай дамып, жүйелене түседі. Ол үшін функционалдық сауаттылыққа жататын білімдер мен біліктердің, әсіресе, жиі қолданылатын іс - әрекет түрлерінің өзара тәуелділігін, бірімен бірінің үндестігін байланыстыру қажет. Сонымен қоса білім беру деңгейлеріндегі оқушының функционалдық сауаттылығын қалыптастыру бойынша біртұтас әдістемелік жүйенің жасалуын талап етеді. Сондықтан мақсатқа қол жеткізудің басты құралы саналатын білім мазмұнын білім беру деңгейлерінде оқушының функционалдық сауаттылығына негіз деп құру тиімді болады. Функционалдық сауаттылықты қалыптастыру қазіргі таңда оқыту жүйесіне қойылып отырған әлеуметтік сұраныс талаптарымен сай келу үшін бастауыш сыныптардан бастап оқушылардың коммуникативтік, ақпараттық және проблемалардың шешімін табу және тағы басқадай негізгі құзіреттіліктеріне бағытталып жүргізілгенде ғана оң нәтижелерге қол жеткізеді. Функционалдық сауаттылықты қалыптастыру бастауыш сыныптардан бастап оқушының оқу, жазу сауаттылығын, жаратылыстану ғылымындағы сауаттылығын, математик

Функционалдық сауаттылық

ағылшын тілінде - functional literacy) дағды мен білімді қамтамасыз ететін жеке тұлғаны қалыптастыруға, білім алу мен мәдени жетістіктерін игеруге бағытталған білім нәтижесі, жаңа техниканы қолдануды игеру, кәсіби міндеттерді жетік меңгеру.

Функционалдық сауаттылық, кеңінен алғанда, тұлғаның мектепте алған білімі, білігі мен дағдысын адамзат қызметінің әртүрлі саласында, сонымен бірге тұлғааралық қатынастар мен әлеуметтік байланыстарда кездесетін тіршілік міндеттерін жан-жақты шеше білу қабілеті ретінде түсіндіріледі. Білім алушылардың оқу жетістігін сырттай бағалау аясында функционалдық сауаттылықтың мынадай түрлері бағаланады: оқу сауаттылығы (қазақ тілі, орыс тілі); математикалық сауаттылық; ғылыми-жаратылыстану сауаттылығы (физика, химия, биология, география).

Математикалық сауаттылық – әлемдегі математиканың рөлін айқындау және түсіне білу, математикалық тұжырымдарды дәлелді негіздей білу және қызығушылығы бар, ойлы азаматқа тән қажеттіліктерді қанағаттандыру үшін математиканы қолдана білу қабілеттері.

Математикалық сауаттылық

Есептерді шығарудың тиімді тәсілдерін табу, орындау,

өзін-өзі тексеру, өмірмен байланыстыру;

Дұрыс негізделген математикалық пайымдаулар айту;

Математиканың әлемдегі рөлін анықтау және түсіну;

Әр түрлі формада берілген сандық ақпараттарды оқу, талдау, түсіндіріп беру;

Математикалық білімді өмірлік жағдаяттарда кездесетін түрлі мәселелерді шешуде еркін қолдану. Бастауыш сыныпта математика пәнінен функционалды сауаттылықты арттыру үшін сабақ барысында тиімді әдіс-тәсілдерді пайдалану, мен 1 сыныпта жұмыс істегендіктен, 1- сынып бойынша математика пәнінен мынадай тақырып алдым «Екі таңбалы сандар»

Бұл сабақта оқушылар екі таңбалы сандарды оқумен және жазумен танысады. Екінші ондықтың сандарын оқығанда он санына 1-ден 9-ға дейінгі сандарды қосып айту арқылы оқылады. Мысалы: он бір, он екі т.с.с.