Математикада өзіндік жұмысты ұйымдастыру жолдары

Жамбыл облысы әкімдігінің білім басқармасының «Саңырау және нашар еститін балаларға арналған облыстық «Мейірім» арнайы түзету мектеп - интернаты» коммуналдық мемлекеттік мекемесі

Баяндама

Тақырыбы :

Математика пәнін оқытуда өзіндік жұмыстарды ұйымдастыру жолдары

Мұғалім: Шамбетова Дурия Абдрахмановна

Тараз қаласы

Қазақстан Республикасының «Білім туралы» заңында «Білім беру жүйесінің басты міндеті – ұлттық және жалпы адамзаттық құндылықтар , ғылым мен практика негізінде және адамды қалыптастыруға , кәсіби шеберлігін шыңдауға бағытталған білім алу үшін қажетті жағдайлар жасау; оқытудың жаңа технологияларын енгізу , білім беруді ақпараттандыру , халықаралық ғаламдық коммуникациялық желілерге шығу» деп білім беру жүйесін одан әрі дамыту міндеттері көзделеді.

Бұл міндеттерді шешу үшін мектеп ұжымдарының , әр мұғалімнің күнделікті ізденіс арқылы барлық жаңалықтар мен қайта құру, өзгерістерге батыл жол ашарлық жаңа тәжірибеге , жаңа қарым –қатынасқа өту қажеттілігі туындады.

Егеменді елдің ертеңі оқу – білімінің тереңдігімен өлшенеді. Толассыз , үздіксіз өзгеріп тұрған әлем адамнан да қабілет пен қажеттіліктерді толассыз, үздіксіз дамытуды талап етеді.

Оқушының білім деңгейін арттыру – оқушыны жан- жақты тәрбиелеп , ғылым негіздермен берік білім беру ,болашақ қоғамға пайдалы қызмет ететін азамат етіп шығару, оқушының бойындағы білімін ары қарай тереңдетіп, жетілдіре түсу.Өздігінен жұмыс істеуді оқушылардың сабақ үстіндегі қызметіне енгізу сабақтың құрылымына да, элементіне де әсер етеді.

Есту қабілеті бұзылған балалардың білімге деген құштарлығын,білім деңгейін арттыру жұмысында ең алдымен ол оқушының математикалық терминдерді дұрыс айтуын,формулаларды дұрыс қолдана білуін қадағалауымыз керек.

Әр баланың есту қабілетіне қарай,яғни олардың есту дәрежесіне қарай, математикалық білім деңгейіне қарай өзіндік жұмыстар ұйымдастыруымыз қажет.Басқа пәндерге қарағанда математика пәнін есту қабілеті бұзылған,яғни естуі нашар балалардың игеріп кетуі қиынға соғары сөзсіз.Сондықтан оларға неғұрлым өз дәрежесіне сай өзіндік жұмыстар қолдана білуіміз қажет.Сонымен бірге бұл балалардың есте сақтау дәрежесінің төмендігін де ескере отырып, оларға формулаларды қолдануда мұғалімнің көмегінің қажет екенін айта кеткен жөн.

Дегенмен де өзіндік жұмыс орындауда ,оның нәтижесін бағалап,оны талдап, балаға айтып отырса,ол баланың пәнге қызығушылығы артатыны сөзсіз.

Сонымен, оқытудың барлық жаңа технологиялары оқушының өзіндік оқи білуін үйретуге бағытталған.Яғни осы күндері уағыздалып жүрген, оқытудың инновациялық технологиялары оқушының әртүрлі дәрежеде өз бетінше білімін жетілдірулері меңзелген.Өзге көптеген пәндер бойынша бұл тәсілдерді қолдану нәтижелері жемісті боларын күмәніміз жоқ.Ал математикада жағдай мүлде өзгеше.Ешбір оқушы ( қаншалықты дарын иесі болса да) , жеткілікті дәрежеде тәжірибелі мұғалімнің , немесе өзге біліктілер көмегінсіз математиканы…