Тарихтан сыныптан тыс жұмысты ұйымдастыру жолдары

ТАРИХ ПӘНІНЕН СЫНЫПТАН ТЫС ЖҰМЫСТАРДЫ ЖҮРГІЗУДІҢ

ТИІМДІ ЖОЛДАРЫ

Егеменді еліміздің ең басты мақсаты – өркениетті елдер қатарына көтерілу болса, ал өркениетке жетуде жан-жақты дамыған, рухани бай тұлғаның алатын орны ерекше. Қазіргі білім берудің басты мақсаты да –

сол, жан-жақты дамыған, рухани бай жеке тұлға қалыптастыру болып

отыр.

Елбасымыз Н.Ә.Назарбаевтың: «Бізге қажетті – жаны да, қаны да қазақы, халықтың тілі мен дінін, тарихы мен салт-дәстүрін бойына сіңірген, туған жерін түлетуді, егемен елінің еңсесін көтеруді азаматтық парызым деп ұғатын ұрпақ тәрбиелеу» деп атап көрсеткеніндей, жас ұрпақтың жан-жақты дамуын, дүниежүзілік алдыңғы қатардағы ақыл-ой мен тәжірибені өскелең өмір талабына жеткізуін, халқымыздың көп жылдар бойы тұншығып келген, мәдениетін,тарихын, тәлім-тәрбиесін жаңартуды талап етеді. Өмірде баланы тәрбиелеу, алға жетелеудің мазмұнын белгілеу маңызды рөл атқарады.Бүгінгі ғаламдастыру заманында Елбасымыз айтқандай, «Болашақта еңбек етіп, өмір сүретіндер- бүгінгі мектеп оқушылары. Мұғалім оларды қалай тәрбиелесе, Қазақстан сол деңгейде болады. Сондықтан жүктелетін міндет ауыр.»Сондықтан жас жеткіншектерге тәрбие мен білім беруде ұстаздардан терең біліммен тәрбиенің сан алуан қырын игеруді талап етеді.Ертеңгі күннің бүгінгіденде шуақты болуына ықпал етіп, адамзат қоғамын алға қарай жетелейтін күш- тәрбие мен білім.

НЕГІЗГІ БӨЛІМ

Қазақстан болашағы– білімді ұрпақ болатын болса, жас жеткіншектерімізді тәрбиелеуде ұстаздарымыз ерекше көрегенді пен тапқыр, білімді, дарынды, зерек, жан-жақты болуы керек. Біздің халқымыз қашаннан үлкенге құрмет, кішіге ілтипатты тәлім-тәрбиемен, ақ көңіл, кең пейілді дарқандылығымен, сөз тыңдайтын ынтымақты бірлігімен, қара қылды қақ жаратын әділдігімен, елі, жері үшін жан қиятын ерлігімен ақ қар, көк мұзда, кең далалы шың құзда мал бағып, күн көретін еңбекқорлығымен басқа халыққа үлгі болған.

Осындай өнегілі тәрбиеміз отарлау саясатының ықпалында тоқырауға ұшырады. Адамгершілік тәрбие мен мәдениеттілік батыста немесе Еуропа елдерінде деген көзқарас пен үгіт-насихат адам санасында берік орын алды. Халқымыз егемендік пен тәуелсіздік алған 20 жылдан астам мерзімде ұмыт қалған салт-дәстүріміз бен әдет-ғұрпымыз қайта жаңғырып, ұлттық тәрбие тізгіні қайта қолға алынды. Оқушыларға орта мектептегі сыныптан тыс білім берудің ерекшелігі, баланың пәнге деген қызығушылығы ескеріліп, деңгейіне байланысты мүмкіндігі ескеріледі. Сыныптан тыс жұмыстардың маңызы да, тәрбиелік мәні де зор.

Мектеп – халықтың ұрпақтан-ұрпаққа жалғасқан адамгершілік ізгі қасиеттерін жас жеткіншек бойына сіңіретін орта. Ендеше егемендік алған елімізде мектептің философиялық тамыры тереңдеген тұсында заман талаптарына сай білім беру мен тәрбие жүйесін құру керек. «Халықты халықпен, адамды адаммен теңестіретін - білім», - деп М.Әуезов атап көрсеткендей рухани ұлттық тәрбие нәрімен сусындаған ұрпақ қана болашақты гүлдендіріп, тәуелсіз елді нығайтушы ұрпақ. Ата- бабадан қалған өшпес мұра, мол қазынаны қабілетті жоғары ұрпақ бойына дарыту –мектептің міндеті. Ұрпақ ұлтты ғана жалғастырмайды, ұлттық рухты да жалғастырады, ұлт бірлігін, басқа ұлттар мен ұлыстардың әдебиеті мен мәдениетін, салт- дәстүрлерін насихаттау арқылы дәнекерлейді. Оқушыларға рухани-адамгершілік тәрбие беруде ұлттың тәлім- тәрбиенің деңгейін қарастырып, оның мазмұндық жүйесін қазіргі қазақ мектептерінде оқу-турбие үрдісіне ендіруге көңіл аударуда екенін байқауға болады. Ол міндетті де. Өйткені, ұлттық тәрбиенің жетістіктерін кең түрде пайдаланбауымыздың барысында жастар арасында мейірімсіздік, ізгілік, адамгершілік нормаларынан ауытқушылық, кісілік қасиет төмендеп кеткенін аңғару қиын емес. Ғұлама ғалым әл-Фараби дүние құб