Математикада цифрлық технологияларды қолдану 8 сынып

Математика сабағында цифрлық технологияларды қолдану арқылы сабақтың тиімділігін арттыру

Жәрдембек Ғалима

Астана қаласы «№71 мектеп-лицейі» ШЖҚ МКК

Аннотация:

Білім беруде цифрлық технология және ұстаздың цифрлық сауаттылығы маңызды рөл атқарады. Қазіргі қоғам ұстаздардан мәдениеті жоғары, білімді болуды, жаңаша ойлауды, шығармашылықты, жаңа технологияларды заман ағымына сай білуін талап етеді. Цифрлық технологиялар – бұл жаңа бастамалар мен жасампаздықты ашатын орта.

Мақалада цифрлық технологияларды мектептегі математика пәнінде және ашық тәрбие сағаттарында қолданылуы туралы жазылған.

Цифрлық технологияларды қолдану келесі нәтижелерге жеткізеді:

Оқушылардың шығармашылық белсенділігін арттырып, ұжымда бірігіп жұмыс істеуге тәрбиелейді;

Өзі талаптанып білім алатын, цифрлық технологияларды жақсы меңгерген, цифрлық сауаттылығы жоғары, білімді жеке тұлға қалыптасады.

Тірек сөздер

Цифрлық технологиялар мен әдіс-тәсілдер

Цифрлық білім беру

Цифрлық ұстаз

Цифрлық сауаттылық

Қазіргі білім берудегі цифрландыру – бұл оқытудың электрондық нұсқасына көшу. Барлық оқуға қатысты материалдар (оқу құралдары, электрондық кітаптар) сонымен қатар барлық ақпараттық құралдар онлайн режимде орындалады. Күнделікті дәптерге орындалған тапсырмаларды ұялы телефонда да орындауға болады. Оқушылар оқу бағдарламалары бойынша материалды өздері оқи алады, яғни олар білімді өздері игере алатын мүмкіндікке ие болады. Цифрландыру оқу процесін жеңілдетеді және оны оқушылар үшін де, мұғалімдер үшін де ыңғайлы әрі қолжетімді етеді.

Білім заманауи қызметтің тетіктерін дамытып, өмірлік маңызды мәселелерді шешудегі шығармашылық жолдарды табуы, шығармашылықты адам өмірінің нормасы мен формасына айналдыруға әсер етуі керек. Цифрлық технология яғни заманауи қызмет өзара байланысқан жұмыс түрлерінің жүйесін қамтиды, оларды қорытындылау нәтижесінде нақты бір инновациялардың пайда болуын қамтамасыз етеді. [1.25 бет]

Мұғалімдік тәжірибемде мектептегі алгебра пәнінде көптеген цифрлық технологияларды қолданып келемін. Соның ішінде «Renderforest» бағдарламасы арқылы жасалған видео-презентация, desmos.com графикалық калькуляторы, learnis.ru сайты арқылы жасалған квест ойыны, D-ID платформасы арқылы жасалған бейнелер қолданылды. Сонымен қатар Google Forms бағдарламасы арқылы жасалған тест, «Flippity» бағдарламасы, «OnlinetеstPad» бағдарламасы арқылы жасалған тест тапсырмалары, Padlet тақтасы да сабақ барысында жиі қолданылады.

Топқа бөлу кезінде әлеуметтік желілер бейнеленген қағаз арқылы оқушыларды топқа бөлуге болады. Сабақтың соңында қағаздың артына пікірлерін жазғызып, кері байланыс алуға да ыңғайлы.

Renderforest бағдарламасы арқылы жасалған видео-презентацияны интерактивті тақтада көрнекілік ретінде қолдануға болады. Видео-презентация сабаққа ерекше көңіл-күй сыйлайды. Күнделікті презентацияға қарағанда Renderforest бағдарламасы арқылы жасалған видео-презентация ерекше, креативті, балалардың да назарын бірден аударады. Анимациялық видео-презентация сабақтың кезеңдерін көрсетіп, қызығушылықты ояту үшін қойылған видеомен толықтыруға болады. Бұл бағдарламада анимацияға ер адамды, әйел адамды, әр түрлі мамандық иелерін, фотосуреттер, видео қойып өз сабағыңызға реттей аласыз. Презентацияны ұялы телефонмен де жасауға болады.

Сабақта есептерді шығару барысында desmos.com графикалық калькуляторын оқушылар жиі қолданады. Функциялар тақырыбын өткен кезде, функцияға есептер шығару кезінде оқушылар графикалық калькуляторды қолдануға жақсы машықтанған. Графикалық калькулятор өте жақсы, тиімді көрнекілік құрал. Кез келген ұялы телефоннан онлайн түрде қолданылады.

Есептер шығару кезеңінде learnis.ru сайты арқылы жасалған квест ойын оқушыларға өте қызықты болды. Learnis.ru сайтында квест ойынмен қатар, викторина да жасауға болады. Мысалы бір бөлменің іші беріледі. Немесе басқа да шаблондарын таңдауға болады. Арнайы бағдарлама арқылы осы бөлменің ішіне есептер жасырылады. Оқушылар есептерді тауып алуы керек. Сабақта қолданылған квест ойында тоқтап тұрған сағат болды. Ал осы сағаттағы сандар сейфті ашатын құпия сөз болып шықты. Есікті ашу кезінде де құпия сөз сұралды. Оған арнайы Қазақстан Республикасының тәуелсіздігін алған жыл 1991 деген сан қойылды. Қағаздағы жазу кішкентай деп жазылып, арнайы микроскоппен қараған кезде үлкейді. Осы сияқты қызықты сәттермен 6 есеп жасырылды. Оқушыларға ойын сілтеме арқылы жіберіліп әрқайсысы есептерді табу және шығару кезінде белсенді қатысты. Квест ойын түрінде балаларға есеп шығарту тиімді әдістердің бірі. Сабақта қолданып балалардың қызығушылығын арттыруға, сабаққа белсенді қатыстыруға көп көмегін тигізеді. https://www.Learnis.ru/647878/…