Математикадан ашық сабақ әдіс-тәсілдері 6 сынып

Бөлім атауы: Қатынас және пропорция

Мектеп: №266 мектеп-лицей Мұғалім: Ж.Акбаева

Күні:

Сынып: 6 класс қатысқаны: қатыспады:

Тақырыбы

Масштаб

Оқу мақсаты

6.1.1.5 масштаб ұғымын меңгеру;

6.5.1.3 картамен, сызбамен, жоспармен жұмыс барысында масштабты қолдану;

Сабақ мақсаты

- масштаб анықтамасын біледі және масштаб түрлерін анықтай алады;

- картамен, сызбамен, жоспармен жұмыс барысында масштабты қолданады;

Жетістік критерийі

- масштаб анықтамасын біледі, түрлерін ажырата алады;

- масштаб анықтамасын қолданады

- жер бетіндегі арақашықтықты есептейді;

- картадағы арақашықтықты есептейді;

- картаның масштабын есептейді.

Тілдік мақсат

Масштаб, қашықтық, кесінді, қатынас, карта, жер бетіндегі арақашықтық, пропорция.

Құндылыққа баулу

Қазақстан картасымен жұмыс жасау арқылы, туған елге құрмет, патриоттық сезімге тәрбиелеу

Пәнаралық байланыс

География

Алдыңғы білім

Сандар қатынасы, пропорция

Сабақ барысы:

Сабақтың жоспарланған кезеңдері

Сабақта жоспарланған жаттығулар түрлері

Ресурстар

Сабақтың басы

2 мин

5 мин

2 мин

3 мин

10 мин

1 мин

12 мин

І. Ұйымдастыру кезеңі

1. Оқушылармен сәлемдесу

2. Оқушыларды түгендеу

3. Топқа бөлу. Оқушылар орындықтарындағы стикерлер түсі бойынша«Сызықтық», «Атаулық», «Сандық» топтарына бөлінеді.

Топ басшысы, спикер сайланады.

ІІ. Үй тапсырмасын сұрау

Үйге берілген тапсырмалар: №215, 218

Топтағы оқушылар дәптерлерін сағат тілімен айналдыра бір-біріне береді, үй тапсырмасын тексереді. Тақтадағы дұрыс жауаппен тексереді. Қайтадан дәптерін алғаннан кейін оқушылар

үй тапсырмасы бойынша барлығын түсінсе «жасыл» түсті көтереді, сұрағы болса «сары» түсті көтереді, түсінбесе «қызыл» түсті көтереді. «Сары», «қызыл» түсті көтерген оқушылар «жасыл» түсті көтерген оқушылармен топтасып, сұрақтары бойынша талқылайды.

2. «Пазл» әдісі бойынша үй тапсырмасы бойынша сұрақтарға жауап бере отырып, алдарындағы суретті құрастырады. Белгілі бір фигураның суреті шығады.

1. Қатынас дегенміз не? 2. Қатынас нені көрсетеді? 3. Қатынастың негізгі шарты?

4. Тапсырма. Ләйлім тышқан массасының піл массасына қатынасын анықтағысы келді. Ләйлім: «Тышқанның массасы 50 г, ал пілдің массасы 5тонна. 50:5 қатынасын құрамыз, тышқан пілден 10 есе ауыр»-деді. Ләйлім дұрыс айтты ма?

Жауабы: жоқ , Ләйлім әртүрлі өлшем бірліктерін қолданды, дұрысы: 5 т = 5 000 000 г ; 50 : 5 000 000 = 1 : 100 000.

Критерий:

1. Сұрақтарға жауап береді

2. Тапсырманы орындайды

3. Суретті құрастырады

«Басбармақ» әдісі бойынша топтар өзара бағалайды.

Мақсаты: Оқушылар бір-бірінің білімдерін бағалау арқылы, білім алуға бағыттау.

ІІІ. Жаңа сабақ

«Ойлан, тап» әдісі

Тапсырма: Фигураны өлшеп дәптерге салу керек.

Сұрақ: қандай қиындық туындады? Берілген фигураны дәптер бетіне сыйғыза алмайды. Ол үшін өлшемін 5 есе азайтып салады. Дәптердегі фигураның 1 см нақты өлшемінің 5 сантиметріне тең. Мұны 1:5 қатынасы түрінде жазауға болады.

Бұл қатынасты қалай атауға болады?

Критерий:

1. Проблеманы анықтайды

2. Фигураның масштабын өзгертіп салады

4. Жаңа сабақтың тақырыбын анықтайды

«Мадақтама» әдісі арқылы бағалау. Мақсаты: оқушыларды сабаққа ынталандыру, қызығушылығын арттыру

Географиялық карта – адам мәдениетінің негізгі құжаттарының бірі. Үлкен аймақтар , мемлекеттер немесе географиялық карталарда жер жүзінің бөліктері көрсетіледі. Карта бетіндегі әр сызық,әр штрих – жер қопарушылардың, саяхатшылардың, зерттеуші – ғалымдардың көпжылдық еңбектерінің нәтижесі. Қазақстан картасына қараңдаршы –біздің еліміздің, туған жеріміздің картасы. Атластарыңды ашыңдар. Ел ордасы Астана қаласын табамыз және біздің облысымыздың басты қаласы Қызылорда қаласын табыңдар. Енді Астана қаласымен Қызылорда қалаларының арақашықтығын сызғыш арқылы өлшеңдер. Қандай арақашықтық табылды? Айтыңдаршы, негізінде солай ма? Жоқ. Өйткені картада жер беті кішірейтілген түрде көрсетіледі . Мысалы, 1 километр картада – бұл 1 сантиметрге тең кесінді. Топтық жұмыс

Мақсаты: жаңа тақырып бойынш өз бетінше білім алады, топта жұмыс жасауға, математикалық тілде сөйлеуге. Ақпаратты құрылым бойынша құрастыруға үйренеді.

Критерий:

1. Масштаб анықтамасын біледі, мысал келтіреді

2. Масштаб түрлерін анықтайды, мысал келтіреді

3. Картаның шығу тарихы және түрлерімен танысады, масштабты пайдалануды біледі

І топ «Фрайер моделі» әдісі.

Масштаб анықтамасы

Қолданылуы

Мысалы

Пікір

ІІ топ «Фишбоун» әдісі

Түрлері

Мысалы

Масштаб

Жазылуы

ІІІ топ «Графикалық органайзер»

Картаның шығу тарихы

Картаның түрлері

Масштабты картада қолданылуы

Топтар бірін-бірі «Бес саусақ» әдісі бойынша алдын-ала белгіленген критериалды бағалайды.

Мақсаты: оқу материалын меңгергендігі жөнінде обьективті ақпарат алу

білім алушының кемшіліктерін дер кезінде анықтау

мұғалім-оқушы арасында кері байланысты орнату

Сергіту сәті. «Қанша адам?» Мақсаты: оқушылардың ойларын шоғырландыру, сергіту, аңғарымпаздыққа дағдыландыру.

Мұғалім «Менің үйіме қаладан қанша қонақ келе жатыр?» деп айтып тұрып, аяғын бірнеше рет тоқылдатады, қолымен шапалақтайды да, қолын қолының үстіне қойып саусақтарымен қанша адам екенін көрсетеді. Оқушылар тоқылдаған аяқ, шапалақ дыбысын санау мүмкін. Аңғарымды оқушы қолмен көрсеткен санды байқайды. Аяқты тоқылдату, қолды шапалақтау оқушы назарын басқаға аудару әдісі.

Сабақты бекіту «Саяхатшылар» біліммен практиканы ұштастыру.

Оқушыларға арналған нұсқаулық:

1. Қазақстанның атлас картасын қолданып, Қазақстанның қалаларымен жүріп саяхат жасалады.

2. Тақтада үлкен картада саяхат жасау маршрутының сызбасы беріледі.

Қызылорда – Байқоңыр – Ақтөбе – Қостанай – Көкшетау – Астана

3. Оқушылар бірінші Қызылорда қаласының тапсырмасын жеке орындайды, топ болып жауаптарын талдайды, одан соң презентация немесе бейнеролик арқылы оқушыларды қаламен таныстырады. Тапсырманы дұрыс орындаған оқушыларға келесі қалаға жолдама беріледі. Дұрыс шығара алмаған оқушыларға мұғалім бағыт бардар беріп қолдау жасайды.

- Қызылорда, Байқоңыр, Ақтөбе қала тапсырмаларын барлығы;

- Қызылорда, Байқоңыр, Ақтөбе, Қостанай- Көкшетау қала тапсырмаларын көпшілігі;

- Астана қаласының тапсырмасын кейбіреуі орындайды

Соңында оқушылар өздері келген қалалар бойынша өз жетістіктерін бағамдайды.

Критерий:

1. Масштаб анықтамасын біледі, түрлерін анықтайды.

2. Жер бетіндегі арақашықты есептейді

3. Картадағы арақашықтықты есептейді

4. Масштаб анықтамасын қолданып шығармашылық тапсырманы орындайды.

«Номинация» әдісі бойынша бағалау жүргізіледі.

Мақсаты: Оқушы жетістігін мадақтау арқылы оқушылардың білім алуға қызығушылықтарын арттыру.