Математикадан байқау сабақтарын ұйымдастыру туралы мақала

Жаркент жоғары гуманитарлық – техникалық колледжі

Математика пәнінің оқытушысы

Ашимбекова Г.Н

Математикадан байқау сабақтарын ұйымдастыру

Бүгінгі студент-ертеңгі маман болғандықтан, болашақ мұғалімді практикалық жұмысқа дайындаудың бір кезеңі-байқау тәжірибесі болып табылады және оның негізгі мазмұнын студенттің практикалық оқу-тәрбие

іс-әрекеттері құрайды. Байқау тәжірибесі кезінде мұғалімдерге, мектептің ұжымына колледж тарапынан шығармашылық сипатындағы көмек көрсетіледі. Бұл іс-тәжірибе ең алдымен оқу мақсаттары мен кәсіби даярлықтың міндеттерін көздейді.

Байқау тәжірибесінің мақсаты:

Студенттерді бастауыш сынып мұғалімінің педагогикалық қызметіне дайындау. Студенттерді кәсіптік педагогикалық пракатика барысында бастауыш мектепте математикадан сабақ беруге дайындау және педагогикалық практиканы талдап, қорыту әдістерін меңгерту.

Байқау тәжірибесінің міндеті:

-Машықкерлерде оқу үрдісін бақылау және оның нәтижелерін талдау біліктерін қалыптастыру;

-Сыныптағы оқу-тәрбие үрдісін ұйымдастырумен, жекелеген мұғалімдердің жұмыстарымен таныстыру,

-Бастауыш сынып мұғалімінің оқу жұмысын жоспарлау жүйесі мен мазмұнын зерттеу;

-Білім алушы – машықкерлердің бастауыш класта оқу жұмысын ұйымдастыру іскерліктері мен дағдыларын қалыптастыру;

-Білім алушыларды сабақты өткізудің әдіс-тәсілдерімен қаруландыру және мектеп білім алушыларының оқу қызметтеріне,танымдық іс-әрекетіне басшылық жасау, олардың жас және дара ерекшеліктерін білу.

-Электрондық оқулықтар, АКТ пайдаланып математика пәні бойынша сабақтың жоспар-конспектісін, сыныптан тыс сағаттарын құруда әдіс-тәсілдерді пайдалану,

-Машықкердің байқау сабақтарына қатынасу және талдау жасау,

-Математикадан байқау сабақтарына таратпа материалдарды, көрнекі құралдарды, дидактикалық ойындарды пайдалану,

-Болашақ мұғалім портфолиосын жаңарту,

-«Математиканы оқыту әдістемесі» пәні бойынша жобалар презентациясын қорғау.

Математикадан байқау сабақтарын өткізу нәтижесінде қалыптасатын іскерліктер:

пәндік және сыныптан тыс сабақтардың мақсаты мен міндеттерін, түрлері мен әдістері анықтау;

оқу-көрнекі құралдарын жасақтау және қолдану, кіші мектеп жасындағы білім алушылардың зерттеу және жобалау жұмыстарын ұйымдастыру;

тақырыптық – күнтізбелік жоспар және сабақ жоспарларын құрастыру;

сабақта инновациялық технологияларды пайдалану;

пән бойынша сабақтар мен сыныптан тыс жұмыстарды өткізу;

балалардың жас ерекшеліктерін ескере отырып, сабақты өткізудің тиімді формаларын, әдістері мен тәсілдерін таңдау;

практика кезінде өз қызметін бақылау және талдау;

- болашақ мұғалімнің портфолиосы мазмұнын жаңарту.

Байқау тәжірибесі педагогикалық колледж студенттерін бастауыш сынып мұғалімінің оқу жұмысын жүзеге асыруға тәжірибелік түрде даярлау кезеңі болып табылады. Математиканы оқыту әдістемесін теориялық оқытумен қатар жүргізіледі.

Байқау тәжірибесі кезінде студент әрбір сабағына өз бетінше дайындалуға, сабақ жоспарын жазуға және сабақ беруге, өтілген сабақты талдауға және сыныптан тыс жұмыстарды жүргізуге үйренуі керек.

Сабақ жоспарын жазуға дайындық жұмыстары «Математиканың теориялық негіздері және математиканы оқыту әдістемесі» пәнінде өтілетін сабақтар барысында басталады. Практикалық-зертханалық сабақтарда сабақ жоспарларын жазу үлгілері көрсетіліп, талданады.

Атап айтатын болсам: «Бастауыш сыныпта математика сабағын ұйымдастыру», «Жаңа тақырыппен таныстыру», «Мәтінді есептерді шығаруға үйрету», «Математикадан сыныптан тыс жұмыс өткізу» сияқты жұмыстарда көрнекі және техникалық оқыту құралдарын тиімді пайдалану әдістері толық көрсетіліп, қажетті әдістемелік әдебиеттер тізімі беріледі. Студенттер әдебиеттермен танысқаннан кейін әдіскерге жолығып сұрақтарына жауап, бағыт-бағдар алады. Әдіскер өтілген бір сабақты толық талдап, талдау барысында неге ерекше көңіл бөлу керектігін көрсетіп, студенттердің сол нұсқаулар бойынша өз ойларын айтуын талап етеді.

Осындай дайындықтардан кейін, базалық мектептердің бастауыш сынып мұғалімдерінің сабақтарына қатысады және сабаққа толық талдау жасайды. Сабақтың құрылымына, оның өтілу барысына, сабақтың алдына қойған мақсатының орындалуына ерекше көңіл бөлінеді. Студенттердің зейіні сабақта қолданылған көрнекі құралдардың, орындалған әрбір жаттығулардың, мұғалімнің қойған сұрақтарының қандай мақсатпен қойылғанына, сол сияқты алғашқыда қолданылатын көрнекі оқыту әдісі – нақты заттар мен практикалық жұмыстардың орындалуына, көрнекіліктің абстракт түрі – сөздің қолданылуына, көрнекілік ретінде математикалық жазулардың қолданылуына, геометриялық және алгебралық ұғымдарға байланысты көрнекі оқыту әдіс-тәсілдеріне, есеп шығару барысында қолданылатын көрнекіліктерге: заттық иллюстрация, схемалық иллюстрация, оқушының түсінігін басшылыққа алу, есепті қысқаша жазу, ережеге сілтеме…