Математикалық сауаттылық және логика курсының жобасы

М.Әуезов атындағы жалпы орта мектеп.

Бағдарламаның атауы: «Математикалық сауаттылық және логика»

Пәні: Математика.

Сыныбы: 10- сынып оқушыларына арналған.

Жылдық сағат саны: 34сағат.

Бағдарламаның авторы: Нарымбетов Дархан Серікұлы.

Мекен-жайы: О.Қ.Облысы Отырар ауданы Көксарай ауылы.

Бағдарламаны жасаған жылы: 2017-2018жж.

Түсінік хат

Қазіргі уақытта мектеп түлектері 2017 жылдан бастап ҰБТ-ді жаңа форматта тапсырып келеді. Жаңа формат бойынша міндетті пәндердің бірі «Математикалық сауаттылық»-тан 20 тест тапсырмасына жауап беруі қажет. Ал мұндай мәтіндегі есептер мектеп математикасында өте аз қарастырылған, сондықтан осы пәннен 10,11- сынып оқушыларына кем дегенде аптасына 1-рет функционалдық сауаттылықтан сабақ қойылғаны дұрыс. 10-сыныптан бастап оқушылардың функционалдық сауаттылығын жоғарылатсақ, 11-сыныпта оқушылардың логикалық ойлауы еселене арытады деп ойлаймын.

Әлемдік білім кеңістігіндегі жалпы білім берудің басымдық мақсаты- өзгермелі білім жағдайына тез бейімделетін , өз жолын дұрыс таңдай білетін тұлға дайындау болып отыр. Елімізде оқушылардың функционалдық сауаттылығын дамыту іс-қимылдарының біртұтастығы мен жүйелілігін қамтамасыз етуге бірқатар талаптар қойылып отыр. Функционалдық сауаттылық адамдардың әлеуметтік, мәдени, саяси және экономикалық қызметтерге белсенді қатысуына, сондай-ақ өмір бойы білім алуына ықпал ететін базалық факторлардың біріне айналуда.

Бұл бағдарлама «Математикалық сауаттылық және логика» 10-сынып оқушыларына математика пәнінен қолданбалы курстарды оқытуға арналған. Бағдарлама құрылымында оқушылардың жас ерекшеліктері мен даму деңгейі ескерілген-«Курстың мазмұны мен құрылымы» бөлімінде оқытылатын оқу материалының тізімі мен көлемі ұсынылады; «Оқу материалдарын тақырыптық жоспарлау» бөлімінде берілетін курс материалының көлемі мен реті,тізбегі оларды оқытуға жұмсалатын сағат саны көрсетілген; «Оқушылардың білім- білік деңгейіне қойылатын талаптар» бөлімінде оқушының дайындығы мен міндетті деңгейі сипатталады; «Пайдаланатын әдебиеттер тізімі» бөлімінде курсты өткізуге қажетті әдебиеттер тізімі берілген.

Тақырыбы: Математикалық сауаттылық және логика.

Мақсаты: Оқушылардың пәнге деген ынтасын арттыру, математикаға оның қолданылу саласына деген тұрақты қызығуын ояту.Білімді жалғастыру үшін,практикалық іс – әрекетте қолдану үшін нақты математикалық білімді меңгерту. Оқушылардың математикалық мәдениеті мен шығармашылық қабілеттерін дамыту.

Міндеттері : Математикалық сауаттылық арналған есептерді шешудің құпия сырларын ашуға оқушыларды ынталандыру.Оқушылардың ой- өрісін, ойлау, есте сақтау қабілеттерін дамытумен қатар өздігінен білім ала алатын және сол білімді пайдалана алатын қасиеттерін қалыптастыру. Оқушының пәнге деген…