Мәтінмен жұмыс және оқылым тапсырмалары 9 сынып

Оқылым. Мәтінді оқып,төмендегі тест сұрақтарына жауап беріңдер

Емтихан

Емтихан - шәкірттер білімін тексеру тәсілдерінің бірі. Алғаш рет орта ғасырларда Еуропа университеттерінде қолданылған. Ресейде тұңғыш рет Глюктің мектебі (1703, Мәскеу) мен Санкт-Петербург Ғылым Академиясы жанындағы гимназияда (1726) шәкірттерден емтихан қабылданды. 1786 жылы халық училищелерінде көпшілік алдында емтихан тапсыру (қыста, жазда) тәртібі енгізілді. 1837 жылы «Уезд училищелері мен гимназияларындағы сынақ ережелеріне» сәйкес оқушылардың білімін бағалауда 5 балдық жүйе және емтихан билеттері іске асырылды. Қазақстанда емтихан қабылдау алғаш рет Алтынсарин мектептерінде (жылына 2 рет) қолданылды. 1966–67 оқу жылынан бері мектептерде сыныптан сыныпқа көшіру емтихандары өткізілетін болды. Осы тәртіп Қазақстан мектептерінде әлі күнге дейін сақталуда. Кәсіптік-техникалық училищені бітірушілерге алған мамандығы бойынша белгілі бір разряд беріледі. Көптеген жоғары және арнаулы орта оқу орындарында мемлекеттік емтихан орнына негізгі пән бойынша дипломжұмысы қорғалады. Қазіргі кезде оқу орындарына қабылдау емтихандары компьютерлік техниканың көмегі арқылы тестік тәсілмен жүргізіледі.

1. Емтихан қай жерде алғаш рет өткізілді?

A) Глюктің мектебінде; C) Гимназияда;

B) Алтынсарин мектептерінде; D) Еуропа университетінде

2. Мәтінде не туралы айтылған?

A) Сынақ - шәкірттер білімін тексеру тәсілдерінің бірі.

B) Алтынсарин мектептерінде орта ғасырларда емтихан алғаш рет өткізілді

C) 1966–67 оқу жылынан бері мектептерде емтихан әлі күнгі дейін сақталуда

D) Глюктің мектебінде өткізілген емтихан 5 балдық жүйе бойынша бағаланған

3. Мәтінде кездесетін синонимдерін көрсетіңіз.

A) Рет, дүркін; C) Алғаш, бірінші;

B) Шәкірт, оқушы; D) Сәйкес, сай.

4. «Еңгізілу» сөзін аударыңыз.

A) Вводиться; C) Впервые;

B) Проводиться; D) Утвердиться.

5. Қай жылы бірінші емтихан өткізілген?

A) 1703; C) 1900;

B) 1837; D) Бұл мәтінде жоқ.

Жауаптар:

1.D; 2.C; 3.B; 4.A; 5.D.