Мейірімді болса жүрек орындалар тілек ашық сабағы

«Алтыншоқы орта мектеп- бақшасы» КММ

Мектеп психологы Карыбекова Р.Н

2020 оқу жылы

Мақсаты: балаларды мейірімділікке, достыққа, адамгершілікке, әдепті болуға тәрбиелеу, эстетикалық тәрбие беру арқылы сұлулықты сезіне білуге баулу, олардың әдеби сөздік қорын молайтумен бірге дүние танымдарын кеңейту.

Көрнекіліктер: нақыл сөздер, түрлі- түсті жүрекшелер, күн суреті, тамшылар, дария суреті.

Тренинг барысы:

І. Шаттық шеңбері. Балалар, бүгін мен сендермен осындай әсем, жарық, кең бөлмеде кездескеніме өте қуаныштымын. Қазір ортаға шығып, шеңбер айналасында жылы лебіздеріңді білдіруді сұраймын. Әрбіреуіміз қасымызда тұрған досымыздың жақсы қасиеттерін ізгі сөздермен, жылы жүрегімізбен жеткізейік.

ІІ. Тыныштық сәті.

Көзімізді жұмып, біраз демалып, жақсы істерді көз алдымызға елестетейік. Біз қазір керемет, әрі сиқырлы, мейірімділік пен сүйіспеншілікке толы әлемге саяхат жасаймыз. Бұл әлемнің ауасы таза, жұпар иісті. Бәріміз де сол әлемге қарай қадам басайық! Мейірімділік, сүйіспеншілік, ізгілік нұры бізге қонып, жан дүниемізді осы жаққа сезімге толтырады. Адамдар бір- біріне тек жақсылық, қуаныш, ізгілік сыйлап жатса қандай жақсы болар еді.

Қайтатын да уақыт келді. Осы әлеммен қоштаса отырып, мейірімділік нұрын өзімізбен бірге ала кетейік. Енді балалар көздеріңді аша қойыңдар.

Оқушылардың өзіндік пікірлерін білу үшін мынадай сұрақтар қоямын.

Балалар өзіміздің жан дүниеміздегі қандай өзгерістерді сезіндік?

Бұл сиқырлы әлемнен біз қандай нұрды алып келдік?

Мейірімділік нұрын әкелдік.

Ендеше балалар, мейірімділік дегенді қалай түсінесіңдер? (Оқушылардың жауабын тыңдау, талдау).

ІІІ. Тақтада күннің суреті. Балалар қараңдаршы, күн- ана өзінің мейірім шуағын төгіп, біздің жан- дүниемізге жарық сәулесін шашып тұр. Күн сәулесі біздің бетімізге, саусақтарымызға, алақанымызға мейірім шуағын төкті. Енді осы жүрек жылуымызды бір-бірімізге, сыйлайық.

1 бала: - Мен Жанельмін. Мені анам «Ботам» дейді. (Жіпті келесі жанында тұрған балаға ұсынады).

2 бала: - Мен Әділмін. Анам мені «Әдикөн» дейді. Ойын осылай жалғасу арқылы шеңбер бойында күн бейнеленеді.

Түйіндеу. Міне, балалар, біз мейірім шуағын төгу арқылы Күн- ананы бейнеледік.

Әңгімелесу. Балалар, сендер жүрек жылуларыңды кімге сыйлар едіңдер? Балалардың жауаптары тыңдалады. Мен өз жүрегімнің жылуын анама сыйлаймын, себебі ол сондай сүйкімді.…