Мейірімділік асыл қасиет 3 сынып сабақ жоспары

Сабақтың тақырыбы: Мейірімділік-асыл қасиет

Мақсаты: Балалардың «мейірімділік», «қайырымдылық» құндылықтары ,өзге адамға қайырымдылық жасай білу туралы түсініктерін кеңейту.

Міндеттері: Мейірімділіктің адам өміріндегі маңыздылығын түсіндіру.

Өзара сыйластық қарым-қатынастарын дамыту.

Мейірбандылыққа тәрбиелеу.

Көрнекі құралдары:интерактивті тақта, түрлі-түсті қағаздар, жануарлар мен адамдардың,гүлдің суреті, әртүрлі көлемде қиылған парақшалар

Сабақтың барысы:

Көңілді әуен ойналып тұрады.

Шаттық шеңбері:Балалар,ортаға тұрып шеңбер жасайықшы.Содан соң мына өлең жолдарын бәріміз бірге айтайық

Мейірімділік-асыл қасиетіміз,

Жүректегі таза ақ ниетіміз.

Жан дүние кілті, шаттық пенен күлкі.

Биік ұстап соны, қадірлейік біз!

Суретпен жұмыс

Ендеше балалар,қазір барлығымыз экрандағы көріністерге назар аударайық. (экраннан ұрыс-төбелес, атыс,жарылыс, зорлық-зомбылық сияқты суреттер көрсетіледі.)

Сендерге мына көріністер қалай әсер етті?

Осындай қатыгездік, соғыс, зорлық-зомбылықтың туындау себебі неде деп ойлайсындар? Мейірімділік байқала ма?

(Оқушылардың жауаптары тыңдалады)

- Олай болса, бүгінгі сабағымызда адамның бойындағы жақсы қасиеттерінің бірі мейірімділік туралы әңгімелесеміз.

Дәптерімізді ашып, дәйексөзді жазамыз.Содан соң ой бөлісеміз.

Мейірімділік- адам бойындағы ең асыл қасиет.Мейірімділік көрсете алмаған адам-қара таспен тең

Ойланайық, пікірлесейік

Мейірімділікті қалай көрсетуге болады?

Өздеріңе мейірімділік көрсеткен кезде қандай сезімге бөлендіңдер?

Адамдар бір-біріне жылы сезімдерін білдіріп, айналасындағыларға тек жақсылық ойлап, игілікті істер жасау арқылы ғана мейірімділікті таныта алады. Адамдардың бір-біріне деген мейірім шапағаты-әдептіліктің белгісі.

Мәтінмен жұмыс

«Сары тауық және оның балапандары» мәтінін оқып, түсіндіру. Сұрақтарға жауап алу.

Сары тауық балапандарын қандай жақсы қасиеттерге баулыды?

Сары тауық өз аналық мейірімін қалай көрсете білді?

«Күн ашылып ана жүрегіндей жадырады» дегенді қалай түсінесіңдер?

Ал сендер мейіріміділікті, қайырымдылықты кімдерден үйреніп жүрсіндер?

(оқушылардың жауаптары тыңдалады)

Дәйексөз: Мейірімділікті анадан үйрен. Халық даналығы

Ана –халық ұғымында жаратушы. Олай дейтініміз табиғатты да, адамды да дүниеге әкелуші ана. Ал барлық нәрсенің дүниеге келуі үлкен мейірім мен шапағаттан пайда болады. Табиғаттың барлық жанға бірдей мейірімді болуы сондықтан. Адамның да ананың кіршіксіз мейірімен берілген мейірімділігін сақтап қалу өз қолында.

Шығармашылық тапсырма

І топ: «Мейірімділік гүлін» құрастыру

Оқушылар түрлі-түсті қағаздан әртүрлі гүлдерді қиып, табиғат көрінісін жапсырады.

ІІ топ: «Балапан бейнесін құрастыру»