Мейірімділік асыл қасиет сабақ жоспары 3 сынып

Өзiн-өзi тану сабағының жоспары

Мектеп: №56 ЖОББМ Мерзiм: 15.03.2018

№25 сабақ Тақырып: Мейірімділік-асыл қасиет

Құндылық: сүйіспеншілік Қасиеттер: қайырымдылық, сыпайылық, қамқорлық

Мұғалiм: Курмашева Венера Класс: 3 «А» Оқушылар саны: 19

Сабақ мақсаты: мейірімділік – асыл қасиет екендігін сүйіспеншілік құндылығы арқылы туындайтыны туралы түсінік беру

Міндеттері:

- Оқушыларға қамқорлықтың адам өміріндегі мәнін ашу;

- сыпайылылық қасиеттерін дамыту;

-Оқушыларды қайырымлыққа тәрбиелеу.

Ресурстар: (оқулық, дәптер, аудио, видео материалдар, суреттер)

Сабақ барысы:

Ұйымдастыру кезеңi.Сәлемдесу.

Оқу құралдарына назар аудару. 5Т(талап, тәртіп, тыныштық, тазалық, татулық)

Шаттық шеңбері

Апам мені: «Айым» -дейді,

Мен мұңайсам, уайым жейді.

Апам мені: «Күнім» - дейді,

Мен қуансам күлімдейді.

Жағымды сөздер» әдісі арқылы топтастыру.

Үй тапсырмасын тексеру.

25-сабақ. -бет. «Сары тауық пен балапандары» әңгімесін оқу. М.Төрежанов

1.Сары тауық өз балапандарын қандай жақсы қасиеттерге баулыды?2. Сары тауық өз аналық мейірімін қалай көрсете білді?3. «Күн ашылып, ана жүрегіндей жадырады» дегенді қалай түсінесіңдер?4. Сендер біреуге мейірімділік танытқан кезде қандай сезімге бөлендіңдер?

5. Мейірімділікті қалай көрсетуіміз керек?

Сабақ барысын талқылау:

Дәйек сөз.

«Мейірімділікті анадан үйрен»

Ж.Баласағұни

4. Мен қандаймын? Жазылған сандар арқылы қандай екендіктерін айту.

Қағаз, қалам

Әңгiмелеу (сұхбат). (Мұғалімнің сыйы)

Ы.Алтынсарин. «Мейірімді бала»

Қытай жұртында ескі заң бар, біреуді алдағандығы мойнына түскен кісінің қолын кесетұғын. Бір төре осындай іспен күнәлі болып, әлгі айтылған жазаны беруге тұрғанда, күнәлі төренің жас қыз баласы әкем үшін жауап беремін деп, мәлім болды. Қызды патшаға алып келісті.— Тақсыр патшам, — деді қыз, — менің әкем жазаға лайық болғаны рас, соның үшін қолынан айрылуы керек болды, мінекей, тақсыр, әкемнің қолы, —деп өзінің қолын көтерді.— Бұл қол да менің жазықты болған атамның қолы, бірақ мұнымен бала-шағаларын асырауға шамасы келмейді. Бұйырыңыз, тақсыр, осы нашар қолын кесіп, жұмысқа жарап, бала-шағаларын асырайтын қолын атама қалдыруға.Патша баланың мұнша атасына мейірімділігіне рақымы келіп, төренің күнәсін кешті дейді.

Қытай жұртындағы заң қандай болды?

Кішкентай қыз бала қандай әрекетке барды?

Кішкентай қыз бала әкесін қалай құтқарды?