Мейірімділік асыл қасиет тәрбие сабағы, 1 сынып

Тәрбие сағаты. Тақырыбы: «Мейірімділік – асыл қасиет» Мақсаты: балалардың «мейірімділік», «қайырымдылық» қасиеттері туралы түсініктерін кеңейту. Міндеттері: -өзара сыйластық, достық, сүйіспеншілік туралы түсінік беру; - өзін және айналасын сүюге, жақсы көруге деген ниеттерін ояту; -қоршаған ортаға жақсылық жасай білуге тәрбиелеу; Көрнекіліктері: слайдтар, үнтаспа, бейнефильм, жүрекше, күн. Барысы: І. Ұйымдастыру кезеңі Мұғалім: Біз бүгін тәрбие сағатында адамның жақсы қасиеттерінің бірі мейірімділік жайлы әңгімелесеміз. Адамдардың бір-біріне деген мейірімділігі – әдептілік белгісі. Бәріміз шаттық шеңберіне жиналып, бір-бірімізге жақсы тілектер тілейік, жылы лебіздер білдірудің өзі жақсы қасиеттерге жатады: (Сары лентаны айналдыра отырып, күннің бейнесін шығару) Шаттық шеңберіне жиналу: Аманбысың, алтын күн Аманбысың жарқын күн Маған жылу, жарық бер Қуаныш пен шаттық бер. Мұғалім: Табиғатта жылу күннен тараса, жердегі жылулық, мейірім кімнен тарайды?(Ана) Алдымен топқа бөлінейік: «Сандықшадан» өздеріне ұнаған түстерді алып топқа бөліну І-топ «Сүйіспеншілік» ІІ-топ «Әдептілік» ІІІ-топ «Адамгершілік» ІV-топ «Сыйластық» Ендеше орнымызға жайғасайық. Мейірімділік жайлы қандай өлең жолдар

Жақсылық жерде қалмайды. Айғаным: Кішілерді аялайтын, Ақылы бар баламын. Үлкендерді құрметтеп, Айтқан тілді аламын. Абылай: Адамдарға кешіріммен қарайтын, Жан жылуы жылылық боп тарайтын. Кішіпейіл бала болғым келеді, Айналасын нұрлы күнге балайтын. Хор: Күлімдеген күн мейірімді! Кіршіксіз ақ қар мейірімді! Бәрімізді көтеріп тұрған жер мейірімді! Аяулы анам мейірімді! Қадірлі әкем мейірімді! Әлпештеген әжем мейірімді! Еркелеткен атам мейірімді! Жылы жүзді ұстазым мейірімді! Тату-тәтті достарым мейірімді! Олай болса балалар Мейірімділік — адамның өзге біреуге жылылығын, ізгі ниеті мен лебізін білдіру көрінісі. Мейірімділік адамдар арасындағы сыйластық, кең пейілділік, жанашырлық, ізгі ниет секілді қасиеттерге негізделеді. Көрініс Бір күні құмырсқа жаңбыр астында қалды. Қайда тығылуға болады? Қараса, алқапта кіп-кішкентай саңырауқұлақ өсіп тұр екен. Жүгіріп барып саңырауқұлақтың әдемі қалпақшасының астына тығылды. Жауын сіркіреп жауып тұр. Бір кезде қанаттары суланып, әрең ұшып Көбелек келеді: — Құмырсқа, Құмырсқа! Үстім су болды, ұша алмаймын. Саңырауқұлақтың астына мен де тығылайыншы! — Мен сені қайда кіргіземін?! Өзім де әрең сиып тұрмын, — дейді ол. — Түк те етпейді, көңіліміз кең