Мейірімділік ізгіліктің жолы ашық сабағы 8 сынып

Өз i н-өз i тану сабағының жоспары

Мектеп: №8 гимназиясы КММ Мерзiм: №_____ Тақырып: «Мейірімділік – ізгіліктің жолы» Құндылық: сүйіспеншілік, дұрыс әрекет, қиянат жасамау Қасиеттер: Мұғалiм: Кулмурзаева Н.О. Сынып 8. Оқушылар саны 24

Сабақ мақсаты: Оқушыларға әңгіме желісі арқылы мейірімділік туралы түсінік бере отырып, сүйіспеншілік, дұрыс әрекет және қиянат жасамау құндылықтарын ашу және түсініктерін кеңейту. Міндеттері: • Оқушыларға адами қарым – қатынастағы мейірімділік пен өміріндегі мейірімділіктің орны мен маңыздылығын түсіндіру. • Өмірге деген құштарлығын,ниетін ояту және өзара сыйластығы мен ізгілігін дамыту. • Қоршаған ортаға жанашыр болуға және сүйіспеншілік пен шынайылықпен жұмыс істеуге тәрбиелеу.

Ресурстар: (құралдар, мәлiметтер) Бейне фильм, түрлі – түсті қағаздар

Сабақ барысы:

1. Ұйымдастыру кезеңi. Тыныштық сәтi. 2. Су асты патшалығына ойша саяхат. (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз). Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз. Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан- жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап ә

Сабақ барысын талдау:

тыныштық. Осы тыныштық күйде болыңыз.(Мұғалім бірнеше секунд үнсіз қалады). Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз. Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

1. Тыныштық сәтінде қандай күйде болдыңыздар? 2. Адамдарға жақсылық тілеуден қандай әсер алдыңыздар? Ой түйін. Өз ісіне шын ықыласпен, өмірге сүйіспеншілікпен қарайтын адамдар ғана ұлы жаңалықтар аша алады

2. Үй тапсырмасын тексеру Екі қасқыр Аңыз әңгіме Ерте-ертеде бір қария өз немересіне өзі түйген өмір шындығын ашыпты. Әр адамның ішінде жемтікке таласқан екі көкжал қасқыр сияқты талас жүріп жатады. Бірі – жамандықты; қызғаныш, көре алмаушылық, өзімшілдік, қара ниет, өтірікті білдіреді. Екіншісі – жақсылықты, махаббат пен мейірімділік, сенім мен үміт, шындық пен ақиқат, ақ ниетті білдіреді. Атасының айтқанын ұйып тыңдаған немересі ойланып қалады да: Ата, соңында қайсысы жеңіп шығады? – деп сұрайды. Атасы мырс етіп күледі де: Қайсысына көбірек көңіл беріп, асырасаң, сол жеңеді, - деп жауап берген екен.

- Аңыз әңгімеде не жайлы айтылған? - Қандай себептен атасы немересіне бұл әңгімені өрбітуде? - Әңгіме желісінде адамның бойындағы қандай қасиеттер бейнеленген? Түйін. Өмірде барлығы бірге жүреді,өз өмірің өз қолыңда, сондықтан да бақытты болғың келсе мейірімділікпен барлығын жеңуге болатынын ұмытпаңдар балалар!

3. Дәйексөз. «Мейірімділікті анадан үйрен» халық мақалы Ана – халық ұғымында жаратушы. Себебі, табиғаттың жаратқан иесі, дүниеге әкелуші – Ана. Ал барлық нәрсенің дүниеге келуі үлкен мейірім мен шапағаттан пайда болады. - Мейірімді болу үшін не қажет деп ойлайсыңдар? -Мейірімділік пен адамгершіліктің айырмашылығы бар ма? - Мейірімділік жануарларға тән қасиет пе?