Мейірімділік шуағы ашық сабағы мектепке дейінгі топқа

Тәрбие сағаты

Тақырыбы: «Мейірімділік шуағы». Мақсаты: балалардың «мейірімділік», «қайырымдылық» құндылықтары туралы түсініктерін кеңейту;оқушылардың психологиялық ой-өрісін, ойлау қабілеттерін дамыту, өз ойларын еркін жеткізе білуге үйрету;оқушыларды мейірімділікке,қайырымдылыққа,кішіпейілдікке тәрбиелеу.

Міндеттері:

- Өзара сыйластық, достық, сүйіспеншілік туралы түсінік беру; - өзін және айналасын сүюге, жақсы көруге деген ниеттерін ояту; - қоршаған ортаға жақсылық жасай білуге тәрбиелеу;

Көрнекі құралдар: балапан, ешкі ,бала, шар, ағаш - бейнеленген суреттер, ноутбук, теледидар , презентация ,ақ парақ, түрлі - түсті қарындаштар.

Сабақтың барысы: I. Шаттық шеңбері. Балаларды шеңберге жинап: - Қане, балалар, бәріміз бір - біріміздің қолымыздан ұстап, шеңбер құрып тұра қалайық! - Балалар, шеңбер неге ұқсайды? - Дұрыс айтасыңдар, шеңбер допқа, күнге, айға, жүзікке т. б. дөңгелек заттарға ұқсайды екен. Күн бізге жылу береді, бізде шеңберде дөңгелене тұрып бір - біріміздің бет - жүзімізді анық көріп, жылы тілектерімізді, сөздерімізді айтамыз.

Бәріміз қосылып өлең жолдарын қайталайық:

Біздің топта балалар Тату - тәтті ойнайды. Дос көңілі әрқашан Тек жақсылық ойлайды.

- Балалар, бүгін біз «Мейірімді жүректер» қаласына мейірімділік жолымен барамыз.

Осы қалаға менің сұрағыма жауап бергендер ғана кіре алады.

Ал менің сұрағым осындай: - Қандай жүректі біз «мейірімді» деп айтамыз? Балалардың жауаптарын тыңдау

- Сендердің араларында қай баланы « мейірімді жүректі» бала деп айтуға болады? Неліктен олай ойлайсыңдар? - Мінеки, біз «мейірімді жүректер» қаласына кірдік, өйткені сендерде барлықтарында ашық, мейірімді, жылы, аялы жүректерің бар. - Сендердің жауаптарын тыңдап, сендерде шынында мейірімді жүректерің бар екенін көзім жетті. - Қараңдар, балалар сандық тұр , ішінде хатбар екен, кімнен екенін оқып жіберейін. Бұл хат Махаббат перизатынан екен. (сандықтың ішінде ішінде сақина және хат ойын шартымен)

- Махаббат перизаты бізге ойын ойнауға ұсыныс білдіріпті , сандықтың ішінде Мейірімділік сақинасы бар, кімнің қолына сақина түседі, сол Махаббат перизатындай мейірімді, ілтипатты болып қалады екен. Шеңбер жасап тұрайық, ортаға санамақ арқылы бір баланы шығарамыз, ол Махаббат перизаты болады.

Сендер көздеріңді жұмып, қолдарыңды алға созып тұрасыңдар. Махаббат перизаты шеңбермен жүріп сендерге білдіртпей біреулерінің қолына сақинаны салады. Содан соң перизат ортаға тұрып осылай айтады: «кім бәрінен мейірімді тезірек ортаға шық».

Кімнің қолында сақина болады сол ортаға шығып Махаббат перизатына жылы сөз айтады да , өзі Махаббат перизатқа айналады.

2. Сергіту сәті Мынау – менің жүрегім, Бәрі осыдан басталады, Мынау – басым ақылды, Бәрін осы атқарады. Мынау – менің оң қолым, Мынау менің – сол қолым Барлық істі атқарады. Мынау - менің оң аяғым, Мынау - менің сол аяғым Жақсылыққа апарады.

3. «Мазасыз балапан» әңгімесін көрініс түрінде тамашалайық

Бір мазасыз балапан өмір сүріпті Бір күні ол анасынан «Мейірімділік деген не?»- деп сұрайды. Сен әлі кішкентайсың өскеннен кейін түсінесің дейді анасы. Бірақ балапан мазасыз еді. Ол мейрімділіктің не екенін білгісі келіп жолға шығады.