Мектеп мәдениеті туралы мақала және қарым-қатынас

«Бозой негізгі орта мектебі мектепке дейінгі шағын орталығымен» коммуналдық мемлекеттік мекемесінің информатика пәні мұғалімі Б.Мауленова

Мектеп мәдениеті дегеніміз не? (эссе)

Мен өзімнің эссемді Олжас Сүлейменовтың «мәдениет дегеніміз- кісілер арасында адам болу өнері» - деген сөзінен бастағым келіп отыр.

Ал, мектеп мәдениеті дегеніміз педагогикалық менеджментте мектеп ұжымындағы әдет-ғұрып, салт-дәстүр,ұстаным, құндылықтардың жиынтығы жіне білім беру мекемелеріндегі қарым-қатынас, әдеп нормаларын сақтайтын бірден-бір құрал деп Потанин мен Моисеевтің еңбектерінде атап өтілген.

Қазақ тіліне мәдениет деген термин арабтың «Маданият» - қала, қалалық деген сөзінен енген. Мәдениет тарихи құбылыс ол өзінің кең мағынасында бір ұрпақтың келесі ұрпаққа жолдаған өмір сүру тәсілі болғандықтан осы жалғастықты, мұрагерлікті жүзеге асыратын салт-дәстүрлер жүйесі мәдениет өзегін құрастырды.

Осы мәдениет туралы ойдан мектеп мәдениетіне келетін болсақ. Мектеп мәдениеті дегеніміз-ұжымдық құндылықтар жүйесі, ұжым мүшелерінің қызметтегі , өмірдегі бірлескен, қабылданған іс-әрекеттері мен ережелерінің жиынтығы. Мектеп мәдениеті екі түрге бөлінеді.

1. Ішкі мәдениет

2. Сыртқы мәдениет

Ішкі мәдениетке парасаттылық, сабырлылық, мейірімділік, сыпайылық,ұқыптылық, жауапкершілік жатады. Бірақ қазіргі заманда осы ішкі мәдениетіміздің төмендеп бара жатқандығын байқауға болады. Қазіргі кезде кейбір жастардың бойынан сабырлылық, мейірімділік, сыпайылық, жауапкершілік қасиетін қасиеттерін табу өте қиын. Қарапайым мысал ретінде қазіргі кездегі оқушы мен мұғалім арасындағы қатынастың әлсіреп бара жатқандығын көруге болады. Мұғалімге дөрекі сөйлеу,менсінбеушілік, жала жабушылық белең алып бара жатқандығы айтпаса да түсінікті. Сонымен қатар мектеп оқушылары арасында бір-біріне деген мейірімділіктің де азайып бара жатқаны да әрбір адам баласын ойландырмай қоймайтыны анық. Оған қазіргі кездегі балалардың бір біріне зорлық –зомбылық, әлімжеттілік көрсетуі мысал бола алады. Оған ең алдымен отбасы кінәлі деп ойлаймын. Себебі, ең алдымен тәрбие отбасында беріледі және бала уақытының көпшілігін өз үйінде ,яғни отбасында өткізеді. Сондықтан бала тәрбиесіне жауап беретін ең алдымен отбасы болу керек. Қазіргі кезде баланың барлық тәрбиесін мектепке аударып өздерінен жауапкершілілікті мүлдем алып тастаған ата-аналар көбейіп келе жатыр. Ондай отбасында отбасы мәдениеті деген болмаған дег