Мектеп пен балабақшадағы отбасы байланысы

Мектеп-балабақша кешеніндегі отбасы мен балабақшаның байланысы

Қазақстан Республикасы Білім және ғылым министрінің 2009 жылғы 28 қаңтардағы №27 бұйрығы негізінде «Мектеп-балабақша» кешені қызметін ұйымдастырудың ережесін және Қазақстан Республикасының 2007 жылғы 27 шілдедегі «Білім туралы» Заңын басшылыққа ала отырып,Бейнеу аудандық әкімдігінің 2012 жылғы 25 мамырдағы «Коммуналдық заңды тұлғаларды қайта құру туралы» №76 қаулысы негізінде қайта құру жолымен Маңғыстау облысы Бейнеу ауданы Сам селосындағы «Сам балабақшасы» мемлекеттік коммуналдық қазыналық кәсіпорны мен «Аманкелді атындағы орта мектебі» мемлекеттік мекемесін біріктіру арқылы «Бейнеу аудандық әкімдігінің «Сам мектеп-балабақша кешені» коммуналдық мемлекеттік мекемесі 2012 жылдың 24 тамызында қайта құрылды.Сол күннен бастап «Сам мектеп-балабақша» кешені өз жұмысын бастады.Біршама қиыншылықтардан өтіп,жұмысымызды жүйелеп бастадық.Кешен педагогтары Кешен Жарғысын басшылыққа ала отырып жұмыс жасауда.Кешеннің негізгі міндеттері:

1.Жеке тұлғаның ойлау,шығармашылық,рухани және физикалық мүмкіндіктерін дамыту,адамгершілік және салауатты өмір салтының берік негіздерін қалыптастыру;

2.Жеке тұлғаны қалыптастыру мен дамытуға бағытталған ұлттық және қоғамдық құндылықтар,ғылым мен тәжірибенің жетістіктері негізінде сапалы білім алуға қажетті жағдайлар жасау;

3.Білім берудің барлық деңгейлерінде оқу-тәрбие процесіндегі сабақтастықты қамтамасыз ететін білім беру бағдарламаларының келісушілігіне қол жеткізу;

4.Отандық және әлемдік мәдениеттің жетістіктеріне қатыстыру,қазақтың және республикадағы басқа да халықтың тарихын,салт-дәстүрлерін үйрету,мемлекеттік,

орыс,шетел тілдерін оқыту;

5.Азаматтық және ұлтжандылыққа,өз Отаны-Қазақстан Республикасына деген сүйіспеншілікке,мемлекеттік рәміздерді құрметтеуге,ұлттық дәстүрлерді қадірлеуге тәрбиелеу болып табылады.

Кешендегі білім беру мазмұны Мектепке дейінгі тәрбие мен оқыту,мектепалды даярлық,бастауыш,негізгі орта және жалпы орта білім берудің мемлекеттік жалпыға бірдей білім беру стандарттарына сәйкес келеді.Кешеннің мектепке дейінгі топтарында 3 жастан бастап қабылданады.Балабақша бөліміндегі тәрбиеленушілер болашақ иесі болғандықтан дүниежүзілік мәдениетті танитын,өзінің төл мәдениетін білетін,сыйлайтын,рухани дүниесі бай,саналы ойлайтын деңгейі жоғары білікті болуы міндетті.Бүгінгі таңдағы өзекті мәселердің бірі-ол бала тәрбиесі,яғни бала тәрбиесі –баршаның ісі.Бала тәрбиесі ана сүтінен басталып,өмір бойы қалыптасатын күрделі құбылыс.Тәрбиенің ең алғашқы негізі отбасында қаланып,балабақшамен байланыс арқылы одан әрі жалғасады.Яғни,бала тәрбиелене отырып білім алады.Педагог ғалымдардың тұжырымына сүйенсек:тұлғаның қалыптасу нәтижелігі ең алдымен отбасындағы ересектердің мінез-құлқына,әдебіне,іс-әрекетіне қарап өсіп,тәрбие көрген баланың да қандай екенін тану қиын емес.Отбасының да,балабақшаның да,мектептің де мақсаты-болашақ ұрпақ тәрбиесі. «Баланы өмірге икемдеуде ата-ананың тәрбиелегені жақсы,ал өнерге баулуда кәсіби маманның қөмегіне жүгінген жөн» дегендей,баланың тәрбие,үлгі алатын

Мектептегі оқу процесінің де сәтті болуы сәбидің балабақшада,отбасында алған білімі мен тәлім-тәрбиесіне тікелей байланысты болмақ.Балабақшадағы тәрбие мен отбасындағы тәрбие бірін-бірі толықтырады.Отбасы-қоғамдағы шағын мемлекет десек,ол-ең алғашқы тұлғаны дамытатын әлеуметтік орта.Ана тілінің тағдыры да осы отбасыдан басталады.Біздің ауылдық жердегі қазақ балалары қала балаларынан таза қазақша сөйлеуден,таза қазақы дәстүрді тани білуден,қазақы ойындарды ойнаудан көш ілгері тұрады.Себебі олар осы тәрбиені күнделікті көзімен көріп,ішінде біте қайнап өсіп келеді.Осы тұрғыдағы тәрбиені қаладағы педагог тәрбиешілер бүлдіршін жанына құя білуі тиіс.Бала отбасыдан жақсыны да,жаманды да бойына сіңіреді.Олай болса,ата-ана өзін бала алдында дұрыс ұстай білуі тиіс.Рас,қандай ата-ана болмасын балам жаман болсын,тәрбиесі нашар болып жатыр демейді.Бірақ,олар өз бойларынан кетіп жатырған кемшіліктерді байқамайды.Демек,алдымен ата-ана өз бойындағы қасиеттерді зерделей білу керек.Дана халқымыз: «Ұяда не көрсең,ұшқанда соны ілесің» деп бекерге айтпаған.

Баланың отбасындағы тұлғалық қасиетін жетілдіретін жағдайдың бірі-отбасы ішіндегі және отбасынан тысқары атқарылатын еңбек.Отбасындағы күнделікті тұрмыстан туындайтын еңбек баланы әлеуметтік қатынасқа түсіріп,оны ересек өмірге тәрбиелейді.Тәрбиешілер баланы жан-жақты дамытуға оның білуге құштарлығын арттыруда,есі мен зейінін тұрақтандыруда,тілдік қатынасы мен сөздік қорын байытудағы отбасының мүмкіншіліктерін анықтап,олармен байланыс жасауы керек.Әр ата-ана өз баласының қалай дамып,қалай өсіп келе жатырғанын көріп,білу мүмкіндігімен кешенде толық қамтамасыз етілген.Ол үшін ата-аналармен түрлі шаралар ұйымдас-тырылып,өткізіліп тұрады.Тәрбиешілер ата-аналармен қарым-қатынас жасаудың тиімді түрлерін пайдаланады.Мұндай қарым-қатынастың негізгі принципі-балабақшаның…