Мектеп пен отбасы ынтымақтастығы туралы баяндама

Абуталипова А.Б., Игілік А.Д.

Қазақ тілі мен әдебиеті, Математика және физика пәні мұғалімдері

Әудиекөл ауданы әкімдігінің білім бөлімінің №28 Құсмұрын ОМ

МЕКТЕП ПЕН ОТБАСЫ ЫНТЫМАҚТАСТЫҒЫ -ТАБЫСТЫ БАЛА НЕГІЗІ

Кілтті сөздер: Отбасы, мектеп, тәрбие, ынтымақтастық, бала.

Аңдатпа: Бұл мақалада отбасыға қатысты тәрбиенің рөліне үлкен сипаттама берілген. Отбасы мен мектептің ынтымақтастығы арқылы балаға берілетін тәрбиенің берік болуы туралы айтылған. Осы ретте атқарылған жұмыстар бойынша тәжірибе бөлісілген.

«Баланың жақсысы – қызық, жаманы күйік» деп Абай атамыз айтқандай баланың жақсы және жаман болуы тәрбиеден басталатындығы баршаға мәлім. Абай атамыз өз заманында өзінің тәрбиесін ұлы Зере әжесі мен заманының қатал адамы әкесі Құнанбайдан алған болатын. Осындай қатты тәрбиеге мейірімділік пен тәрбиенің ең таза үлгісінің қосылуы нәтижесінде әлемге аты мәшһүр болған Абай атаны танимыз.

Тәрбие – жеке тұлғаның адамдық бейнесін, жақсы мінез-құлықтарын қалыптастыратын өмірге бейімделу мақсатында жүргізілетін жүйелі үрдіс. Қазіргі уақытта осы өмірімізде тәрбиенің ешбір қатысынсыз араласуымыз, тілдесуіміз, қатынасуымыз, жүздесуіміз өте қиындыққа соғуда. Себебі тек тәрбие ғана жеке адамның әлеуметтік бағдарламасын, яғни өмірлік мақсатын, мұратын, мүддесін жүзеге асырып, оның қабілеттілігін ерекше түрде жетілдіретін шешуші күш. В.Г. Белинский өзінің бір еңбегінде «Тәрбие – ұлы іс, тәрбие арқылы тұлғаның тағдыры, өмірі шешіледі» деген болатын. Осы орайда тәрбиенің маңыздылығы, қажеттілігі сонша, біздің болашақ, келешек ұрпақтарымыз, жарқын болашағымыз тәрбиеден ғана аса рухани байлық алып, тәрбие арқылы ғана ерекше тұлға болып қалыптасатындығына кепіл. Осы орайда «Отан отбасынан басталады» деген Бауыржан Момышұлының осынау бір керемет сөзі тілге тиек болуда. Осыдан әрбір отбасы Отанның бір берік мүшесі болу үшін жанұядағы тәрбиенің мықты болуы керектігін білдіреді. Ал тәрбиенің мықты болуы әке мен ананың ақ сүтінен екендігі мәлім. Осы орайда «Жер бетіндегі жақсылық, ізгілік, қайырымдылық атаулының бәрі де ананың ақ сүтінен тарайды» деген елбасы Н.Ә.Назарбаевтың осынау бір

Инабатты болса – әйел көрікті,

Ақсақал жарасса –шал көрікті,

Сүйікті болса –ағайын көрікті,

Үлкен шаңырақтың жанында отау көрікті,

Жібек шатырдың жібі көрікті