Мектеп пен жоғары оқу орны сабақтастығы туралы мақала

YESSENOV UNIVERSITY

«Жаратылыстану ғылымдары»

кафедрасының оқытушысы

Д.К.Семирханова

«Жалғасты білім беру кеңістігі: мектеп пен жоғары оқу орны арасындағы сабақтастықты қамтамасыз етудің педагогикалық негіздері»

Қазіргі таңда білім беру жүйесінде білім алушының тұлғалық дамуына жағдай жасайтын, үздіксіз әрі өзара үйлескен білім беру кеңістігін құру – өзекті мәселе. Осы тұрғыда мектеп пен жоғары оқу орны арасындағы сабақтастықты қамтамасыз ету білім берудің сапасын арттырып, оқушыдан студентке, ал студенттен кәсіби маманға өту барысын жеңілдетеді. Бұл мақалада білім берудің сабақтастығының педагогикалық негіздері, ұйымдастыру тетіктері мен практикалық үлгілері қарастырылады.

Мектеп пен университет арасындағы білім беру сабақтастығын қамтамасыз етудің ғылыми-теориялық негіздерін анықтау және тиімді практикалық тетіктерін ұсыну.

Білім берудегі сабақтастық ұғымының мәнін ашу;

Мектеп пен университет арасындағы байланыстың маңызын айқындау;

Оқу үдерісіндегі мазмұндық, әдістемелік және құндылықтық сабақтастықты талдау;

Жаңа буын бағдарламалары негізінде үздіксіз білім беруді ұйымдастыру жолдарын ұсыну.

Сабақтастық – үздіксіз білім берудің өзегі ретінде

Білім берудегі сабақтастық — оқытудың мазмұны, әдістері мен бағалау жүйелерінің бірізділігі мен үйлесімділігін қамтамасыз ететін құбылыс. Бұл тек мазмұндық жалғастық емес, оқушының дүниетанымын, құндылық бағдарын, оқу дағдысын дамытудағы жалғастық. Мектеп – білім берудің іргетасы болса, университет – кәсіби қалыптасудың шыңы. Осы екі деңгей арасында теориялық білім мен тәжірибелік дағдының үндестігі қажет.

Мектептен университетке: білім берудегі дайындық кезеңдері

Жоғары оқу орындарына түсуге дайындық тек ҰБТ-мен шектелмеуі тиіс. Оқушылардың зерттеу, талдау, аргументация, коммуникация дағдылары дамыған жағдайда ғана олар университеттің академиялық мәдениетіне оңай бейімделеді. Осы орайда:

элективті пәндер;

жобалық жұмыстар;

академиялық жазу мен сыни ойлау сабақтары;

ЖОО-мен бірлескен оқу-өндірістік кешендер тиімді болып табылады.

ЖОО мен мектеп арасындағы ынтымақтастық формалары

Бүгінде елімізде "университеттік мектеп" моделін дамыту өзекті. Мысалы:

ЖОО оқытушыларының мектептерге сабақ беруі;

Мектеп оқушыларына арналған университеттік элективті курстар;

Бірлескен ғылыми жобалар мен байқаулар (мысалы, "Жас зерттеуші" клубтары);

Университет базасындағы пәндік зертханаларда тәжірибелер жүргізу.

Цифрлық трансформация және сабақтастық

Цифрлық технологиялар сабақтастықты одан әрі нығайтуға мүмкіндік береді:

Moodle, Google Classroom секілді платформаларда мектеп–университет бірлескен курстарын жүргізу;