Мектеп президенті болуға арналған бағыт-бағдар, 11-сынып

Мектеп президенті болғыңыз келе ме?

Мектеп президенті – бұл құрметті атақ қана емес, сонымен қатар үлкен жауапкершілік пен белсенділік талап ететін маңызды қызмет. Президент мектеп өмірінің ұйымдастырушысы, оқушылар мен мұғалімдер арасындағы байланысты нығайтушы, түрлі бастамаларды іске асырушы тұлға ретінде ерекше рөл атқарады. Бүгінгі мақалада мектеп президенті Сагидрахманов Асылжан өз тәжірибесімен бөліседі.

– Мектеп президенті болуға не түрткі болды?

– Мектеп президенті болуға әсер еткен негізгі жайт – өзімнің өмірге деген көзқарасым. Бір күні: “Мен достарым мен басқа оқушылардың мектептегі оқу үдерісін қалай жақсарта аламын?” деген сұрақ туындады. Осы уақытта мектеп президенттігіне сайлау басталатынын естідім. Бұл мүмкіндікті жіберіп алмай, бар күшімді салдым.

– Осы рөлге келгенде қандай қиындықтарға тап болдыңыз?

– Әрбір жұмыстың өз артықшылықтары мен кемшіліктері болады. Негізгі қиындық – жеке сабақтарымды және мектептегі өзін-өзі басқару ұйымының жұмысын қатар алып жүру. Бірақ артықшылықтары да көп: оқушылармен жақын байланыс орнату, олардың мәселелерін түсіну, мектеп өмірін жақсарту жолдарын табу. Бұл мен үшін үлкен тәжірибе мектебі болды.

– Сізден кейінгі мектеп президенттеріне қандай кеңес берер едіңіз?

– Әрдайым жаңа нәрселерді көруден, үйренуден жалықпаңыздар. Менің ең басты кеңесім: “Көріп өкінгеннен, көрмей өкіну әлдеқайда жаман.” XXI ғасыр – мүмкіндіктер заманы. Қазіргі таңда кез келген оқушы әлемдік деңгейдегі жаңалықтарға қол жеткізе алады. Осы мүмкіндіктерді тиімді пайдаланыңыздар.

– Президент ретіндегі тәжірибеңіз болашақта сізге қандай пайда әкеледі деп ойлайсыз?

– Мектеп президенті болу – көшбасшылық қабілеттерді дамытуға және ұйымдастырушылық қасиеттерді жетілдіруге үлкен мүмкіндік. Бұл қызмет өзімді жақсырақ танып, жауапкершілік пен тәртіптілікті бойыма сіңіруге көмектесті.

– Президент болуға ата-анаңыздың көзқарасы қандай болды?

– Ата-анам әрдайым мені қолдап, менің шешімдеріме сенім білдіреді. Президент болу туралы шешімімді естігенде, олар өте қуанды және өз кеңестерімен көмектесіп отырды. Сонымен қатар, сыныптастарымның

қолдауын да ерекше атап өткім келеді. Олар әрдайым жылы лебіздерін айтып, мектептегі іс-шараларды ұйымдастыруда көмектесті.