Мектеп жасына дейінгі балалардың тілін дамыту жарысы

Сабақтың тақырыбы: «Мектеп жасына дейінгі балалардың тілін дамытудың әдістері мен тәсілдері» тарауы бойынша «Топ жеңімпазы» жарыс сабағы

Сабақтың мақсаты:

Білімділік: «Мектеп жасына дейінгі балалардың тілін дамытудың әдістері мен тәсілдері» тарауы бойынша берілген білім, білік дағдыларын қайталау арқылы оқушылардың теориялық және практикалық даярлығын бағалау.

Тәрбиелік:Болашақ мамандығына байланысты зерделілікке, сезімталдыққа, алғырлыққа

тәрбиелеу.

Дамытушылық: Өз бетінше ойлау,теорияны практикамен ұштастыра білу қабілеттерін дамыту.

Сабақтың көрнекілігі: Слайдтар,сұрақтар, дидактикалық материалдар,фишкалар,белгілер.

Сабақтың әдісі: Сұрақ-жауап, мәтінмен жұмыс,мәнерлеп оқу,талдау, қорыту.

Сабақтың түрі: Практикалық сабақ.

Сабақтың жоспары:

І. Ұйымдастыру кезеңі

Оқушылар түгенделеді, сыныптағы оқушылар 3топқа бөлінеді.

ІІ. Сабақтың жүрісі:

Эпиграф:

Бала тәрбиесі-бір өнер, өнер болғанда ауыр өнер, тұтас бір ғылым иесі болуды тілейтін өнер.

М.Жұмабаев

Оқытушы сөзі: Оқушылар!Бүгінгі сабағымыздың тақырыбы - «Мектеп жасына дейінгі балалардың тілін дамытудың әдістері мен тәсілдері» тарауы бойынша «Топ жеңімпазы» жарыс сабағы.Демек,бүгінгі сабағымызда өтілген тарау бойынша теориялық және практикалық бағытта ең үздік студентті анықтаймыз.Ол үшін бәріміз өзара ынтымақтастық,достық принципінде жұмыс жасап,әрбір іс-әрекетке әділ баға беруіміз керек.

Топтық практикалық жұмыс

Ең алдымен әр топшадан үміткерлерді іріктеуіміз керек.Ол үшін әр топшаға 10 сұрақтан қойылады.Сұрақтың 70%-ы пәнге қатысты,ал 30%-ы танымдық сұрақтар.Әрбір дұрыс жауапқа фишка беріледі.Кімде фишка көп болса,сол студент үміткер ретінде «Топ жеңімпазы» сайысына қатысады.

топқа қойылатын сұрақтар

1. Даму дегеніміз не?(қарапайымнан күрделіге төменнен жоғарыға қарай өзгеру процесі)

2. Шартсыз рефлекс деген не?(уйретуді қажет етпейтін рефлекс)

3. Бала тілі қызметтері? (қарым-қатынастық,танымдық,реттеушілік)

4. Оқыту әдісі дегеніміз не? (үйретуші мен үйренушінің арасындағы қарым-қатынас)

5. Интеллект (сыртқы ортаны тану)

6. Драматизациялық ойын (сахнаға лайықталған ойын)

7. Просодемаларды модулдеу (дауысты реттеу)

8. «Болашаққа бағдар:рухани жаңғыру»ненің атауы?(2017ж 12сәуіріндегі Елбасы мақаласы)

9. Маңғыстау облысындағы аудандар саны? (5)

10. Кіре беріс маңдайшада не жазылған?(миссия)

топқа қойылатын сұрақтар

1. Адамның жасына қарай дамуы неше сатыдан тұрады? (7)

2. Сөйлеу ортасының түрлері?(табиғи және жасанды)

3. Тіл үйренудің неше заңдылығы бар? (6)

4. Байланыстыра сөйлеудің түрлері?(монолог,диалог)

5. Дыбыстық реакциялар (гуілдеу, ызыңдау, былдырлау)

6. Дидактикалық ойын (оқытуға арналған ойын)

7. Толық интонация (аяқталған ой)

8. Күні бүгінгі таңда неше мамандық оқытылуда?(6)

9. Мектепке дейінгі тәрбие мен оқытудың үлгілік оқу жоспары қашан бекітілді?

(ҚР БҒМ 2016ж 22маусымдағы № 391 бұйрығы)

10. Мектепке дейінгі мекемелердегі білім беру салалары

(Денсаулық,коммуникация,таным,шығармашылық,әлеумет)

топқа қойылатын сұрақтар

1. Тіл қандай процесс арқылы дамиды?(еліктеу процесінде дамиды)

2. Тіл дамуының кезеңдері нешеу?(3)

3. Тілді оқыту құралдары? (дидактикалық тілдік материал,әдіс-тәсілдер,оқытуды ұйымдастыру)

4. Жалпылаудың дәрежесі нешеу? (5)

5. Коннотация (сөздегі қосымша мағына)

6. Орфоэпия (сөздің дұрыс айтылуы)

7. Колледждің қысқартылған атауы (БГЭК)

8. Бейнеу ауданының әкімі? (Әбілов Бейнеубек Көңілімқосұлы)

9. Мектепке дейінгі тәрбие мен оқытудың үлгілік оқу бағдарламасы қашан бекітілді?

(ҚР БҒМ 2016ж 12тамыздағы № 499 бұйрығы)

10. Колледж директорының аты-жөні (Жаманбаев Қаныбек Әбдібекұлы)

Мұғалім сөзі:

Біздің үміткерлер анықталды.Енді олар сайыс шарттары бойынша өзара сынға түспек.Ал

қалғандарымыз сайыстың әр шарты бойынша қалаған үміткерімізге арнайы белгілер арқылы ұпай береміз.

1-кезең: «Ертегілер елінде» деп аталады.Үміткерлер берілген ертегімен танысып,өз тобына