Мектепалды даярлыққа арналған қайталау сабақ жоспары

Сабақтың тақырыбы: Қайталау тапсырмалары.

Сабақтың мақсаты: 1- ден 10 – ға дейінгі сандар бойынша есептер шығарту, тура және кері санату мақсатында қайталау тапсырмаларын меңгерту.

Көрнекі - құралдар: 1-ден 10-ға дейінгі сандар,логикалық ойындар,геометриялық пішіндердің суреттері.

Әдіс - тәсілдері: Әңгімелесу,түсіндіру,сұрақ-жауап.

Сабақтың барысы

Ұйымдастыру кезеңі.

Амандасу.

-Амансың ба,алтын күн,

-Амансың ба,көк аспан,

-Амансыңдарма,қонақтар.

-Аспанымыз ашық болсын!

Көк туымыз биік болсын!

Деніміз сау болсын!

Еліміз тыныш болсын!-деген тілектер тілейді.

-Көңіл күйіміз жақсы болса, көңілді отырып сабағымызды бастаймыз.

-Біз қандай ертегілерді білеміз? Бүгін бізге "Шалқан" ертегісіндегі кейіпкерлер қонаққа келіпті.Ертегіні есімізге түсірейікші.Ертегіні айтып беру.

Бірінші кейіпкер Атай шалқанды жұла алмайды.Атайдың тапсырмасын орындап,оған көмектесейік.

Біз қандай сандармен таныстық?

1-ден 10-ға дейін тура және кері санайық.

Жақсы олай болса Атай шалқанға әлі келмей Әжені шақырады.Әженің тапсырмасы санамақ айту.

Жақсы балалар Атай және Әжейдің де әлі келмей немере қызын шақырады.Немере қызының тапсырмасы.

"Көршіңді тап" ойыны.Сандардың көршілерін табу.

Олар шалқанды әрі тартып,бері тартып жұла алмаған соң итті шақырады.Иттің тапсырмасы "Кім көп біледі?" деп аталады.

1)Ауада 6 құс ұшып жүр еді.Олардың екеуі ағашқа келіп қонды.Сонда ауада неше құс қалды? (4)

2)Бес алманың екеуін

Досың сұрап алады.

Айтшы сонда нешеуі

Өз қолыңда қалады? (3)

3)Туысқан бес кісі

Бірінен-бірі кіші

Бәрінің аты бар

Ең кішісі шеткісі?(5 саусақ)

4)Автотұрақта 6 машина тұрды.Оған тағы бір машина келіп қосылды.Барлығы неше машина болды? (7)

5)Табақта 3 алма

Қолымда 2 алма

Барлығын қосқанда

Болады неше алма? (5)

6)1 жұмыртқа 1 минутта піседі.6 жұмыртқа неше минутта піседі? (1 мин)

Ит мысықты көмекке шақырады.Мысықтың тапсырмасы "Құрамын тап" ойыны.Суреттер бойынша құрамын тапқызу.

Біз қонақтар тапсырмасын орындаймыз деп шаршап қалыппыз,демалып,сергіп алайық.

Сергіту сәті.

1,2,3-ал қанекей ұш,

4,5,6,7-мынау ауыл шеті

8,9,10-ал,қанекей қон.

Бәрінің әлі келмеген соң олар тышқанды шақырады.Тышқанның бізге көп тапсырмасы бар екен.Соны орындап көрейік."Жоғалған санды табу" ойыны.

Суретте үш үй берілген.Үйлердің өз кілттері бар.Бірақ қай кілт,қай үйдікі екені белгісіз.Ол үшін кілтте тапсырмалар бар.Сол есепті орындап,кілтті табуымыз керек.