Мектепке дейінгі балаларға арналған арт-терапия әдістері

Мектеп жасына дейінгі балаларға түзету – дамыту жұмыстарын жүргізуде

арт – терапия элементтерін қолдану.

Ықшам сабақ

Мақсаты: мазасыздану деңгейін азайту, танымдық қабілеттерін молайту, өзі – өзіне деген сенімділігін қалыптастыру, психо-эмоционалдық қысымды түсіру, балаларды біріктіру, сенімділік ахуалын құру және қабылдау.

Әдістері: ертегітерапия, изотерапия, құм терапия және аромотерапия.

Қажетті құрал жабдықтар: шар, көзілдіріктер, сыйқырлы кітап, аромамасло “Мандарин”, құм, ойыншықтар, краска.

1. Шаттық шеңбері.

«Менің көңіл - күйім» жаттығуы.

Балалар мен тәрбиеші шеңбер құрып тұрады.

Тәрбиеші: Балалар, менде сиқырлы шар бар. Ол сендердің көңіл-күйлерің жайлы білгісі келеді. Ендеше, әркім «бүгін менің көңіл-күйім тамаша, себебі...», деп шарды келесіге береді. Егерде, көңіл-күйлерің болмай тұрса, не себептен екенін айтып түсіндіріңдер. Ал, мен бастаймын, менің көңіл-күйім тамаша, себебі далада жап-жарық күн маған қуаныш сыйлап тұр. Тәрбиеші балаға шарды береді. Бала өзінің көңіл-күйі туралы айтады да шарды келесі балаға береді. Солай әр бала өзінің көңіл-күйімен бөліседі.

Тәрбиеші: Барлықтарыңның көңіл-күйлерің жақсы екен. Балалар ертегілер әлеміне барғыларың келеді ма?

Балалар: Ия!

2. Ертегілер әлеміне кіру тәсілі

3. Цветотерапия.

Тәрбиеші: Балалар, біз кәзір сиқырлы ертегілер әлемі – Ғажайыпстанға барамыз. Мына дыбыстарды естіп тұрсыңдар ма – ертегілер әлемі бізді күтіп тұр. Бірақ Ғажайыпстанға кіру үшін, жан-жағында не болып жатқанын, құлағын түріп, тыңдай білетіндер ғана кіре алады. Сондықтан біз бір-бірімізбен әңгімелеспей тып-тыныш, аяғымыздың ұшымен басып Ғажайыпстанға кіреміз де, жан-жағымызға қарап, айналамыздағы дыбыстарды тыңдаймыз. Ертегілер әлеміне кіру үшін менде сиқырлы көзілдіріктер бар, оны көзімізге тағып айналамызға және жұлдызды аспанға қараймыз.

Балалар түрлі-түсті көзілдіріктерін киіп жұлдызды аспанға қарайды. Сол сәтте тәрбиеші сиқыршыға айналады,сиқыршының атынан сөйлейді

4. Сиқыршымен кездесу.

Сиқыршы: Сәлеметсіңдер ме, балалар! Сендерді көргеніме өте қуаныштымын! Мен ғажайыптар әлемінде бұрыннан бері тұрамын. Мың жылдың ішінде мен неше түрлі таңғажайыптарды көрдім. Ғажайыптар әлемінде әртүрлі ертегілер кейіпкерлері тұрады, сол себептен осында талай қызықтар болады. Менде ескі сиқырлы кітап бар, мен оның ішіне таңғажайып оқиғалар мен ертегілер жазып жүремін. Ал жайғасып отырыңдар.

Балалар кілемге жайғасып отырады.

Сиқыршы: Мен сендерге кәзір сиқырлы кітаптан бір ертегі оқып беремін.

«Бір алыстан алыс ғарыштың бір аймағында ғажайыптар планетасы болыпты. Бір күні....»

Сиқыршы: балалар, менің кітабімнан мына ертегінің жалғасы бар беттері жоғалып кетіпті. Не істейміз, қайдан табамыз. Сендер осы ертегінің жалғасын ойлап шығараласыңдар ма?

Балалар: Ия!

Сиқыршы: Оны осы сиқырлы кітапқа жазып қоямыз. Осы кітаптың жалғасын жазу үшін біз сыиқырлы әлемге саяхаттап келейік.

5. Ароматерапия.

Сиқыршы: Ал, балалар, онда сендер ешкім тұрмайтын әлемді табу үшін саяхатқа барасыңдар. Ол жерде сендер таңғажайып ертегі әлемін жасайсыңдар. Сол үшін мен сендерді сиқыршыға айналдыруым керек. Сиқырлы күшке ие болу үшін, мен сендерге бір хош иісті әтір беремін. Алақандарыңды алақанға уқалап жылытыңдар, мен сендерге сиқырлы күш сыйлаймын.

Сиқыршы балалардың алақандарына лимон майын тамызады.

Сиқыршы: сендер қазыр көздеріңді жұмып, алақандарыңдағы хош иісті иіскейсіңдер..

Әдемі әуен қосылады, балалар алақанындағы мандарин иісін иіскеп тұрады.

6. Құм терапиясы.

Сиқыршы балаларды құмсалғышқа алып келеді.