Мектепке дейінгі балаларға арналған математикалық сайыс

Күні: 10.03.2017

Тақырыбы: Математикалық сайыс Мақсаты : Қарапайым мысалдар мен тапсырмаларды орындай отырып, 10 көлеміндегі сан мен цифр туралы ұғымдарын қалыптастыру. Заттардың көлемін, орналасу кеңістігін анықтауға және уақытты бағдарлауға жаттықтыру. Геометриялық пішіндерден бейне құрастыру арқылы логикалық ойлау қабілетін дамыту. Математикалық ойындарға деген танымдық қызығушылығын тәрбиелеу.

Керекті құралдар: цифрлар, цифрлар кестесі, цифрлармен сәйкестендірілген әріптер тізбесі; әр қабатта жануарлар мен заттар орналастырылған үйшік; бала санына қарай қатты қағаздан жасалған саңырауқұлақтар, шыршалар; жылдың төрт мезгілі бейнеленген мазмұнды суреттер; геометриялық пішіндер, сандар мен әріптерден құралған ребус.

Сабақ түрі: сайыс сабақ Әдіс-тәсілдер: кестемен жұмыс, дидактикалық ойын, құрастыру

Жүру барысы: Ұйымдастыру кезеңі: (2 минут) Құрметті қонақтар, мектепалды дайындық тобында өткізілетін математикалық сайысқа қош келдіңіздер!

Сайыс бағдарламасы балаларымыздың игерген білім қорын нақтылай түсетін ойын-тапсырмалардан құралған.

Олай болса, ортада «Көңілді пішіндер» тобы және «Сиқырлы сандар» тобы .Сайыскерлер, өздеріңнің үйренген білімдеріңді бүгін ортаға салатын сәт туды. Егер өте жақсы жауап берсеңдер - қызыл жалаушамен, жартылай жауап берсеңдер – көк түсті жалаушамен , ал жауап бере алмасаңдар - жасыл түсті жалаушамен бағалайтын боламын.

Сайыс барысы:

Сайысымызды бастайық, Асықпайық, саспайық. Білгенімізді ортаға Мүдірмей ашық тастайық.

1 тапсырма. 1-ден 10 дейін санау (кестемен жұмыс) (2 минут) Балалар, барлығымыз 1-ден 10-ға дейін санап білеміз ғой, солай ма? Онда менің тапсырмамды мұқият тыңдаңдар. Алдарыңдағы сандар кестесіне мұқият қараңдар да, қандай сан жоқ және не артық екенін анықтап айтыңдар.

1 кесте. 9 саны жоқ; А әрпі артық. 2 кесте. 5 саны жоқ; үшбұрыш артық.

2 тапсырма. Оқы және шешуін тап. (6 минут) Екі топқа төрт әріптен құралған сөз құрастыруға – 4 мысал беріледі.

Топ мүшелері үстелге жақындап бір конверттен алыңдар. Топтарыңмен бірігіп конверттің ішінде берілген есептерді шығара отырып, шыққан санды мына кестеде көрсетілген әріппен белгілеулерің қажет.

О Т А Н

4 – 2 = А У Ы Л

2+1=3 О 1+3=4 А 3+2=5 Т 2+4=6 У 5-1=4 А 5-4=1 Ы 4+3=7 Н 4-2= 2 Л

Біздің Отанымыз - Қазақстан. Біздің ауылымыз - Ақтоғай.

3 тапсырма. Кім, не қайда орналасқан? (2 минут) Балалар алдарыңдағы үйшікте кім қай қатарда, қай терезеде тұрғанын сурет бойынша айтыңдар.

4 тапсырма. Көлемді анықта. (3 минут)

А) Саңырауқұлақтарды өсу ретімен қойыңдар.

Ә) Шыршаны кему ретімен қойыңдар.