Мектепке дейінгі балаларға арналған қоян суреті сабағы

Ашық ұйымдастырылған оқу қызметінің технологиялық картасы

Білім саласы: Шығармашылық

Ұйымдастырылған оқу қызметі: Сурет

Тақырыбы: Қоян

Мақсаты: Жануарлардың ерекшеліктерін ескере отырып салуға үйретуді дамыту.

Әдіс – тәсілі: Сұрақ жауап, ойын, сурет салу, түсіндіру, көрсету.

Алдын – ала жүргізілетін жұмыстар: Тақпақ жаттау, қара сөз жаттау

Көрнекілігі: Қоянның суреттері,слайд,интерактивті тақта,

Әрекет кезеңдері

Тәрбиешінің оқу қызметі

Балалар іс - қимылы

Мотивациялық қозғаушы

Іздену

Билингвалдық компонент

Балалар назарын өзіне аудару.

Шаттық шеңберіне тұрғызу.

Үлкенге де сіз,

Кішіге де сіз.

Күлкіменен қонақтарды,

Қарсы аламыз біз.

Қазір жылдың кай мезгілі?

Қыс мезгілінде неше ай бар?

Атап өтейк

Аптаның бүгін нешінші күні?

Бірінші күн қалай аталады?

Апта күндерін атап өтейік?

Енді орысша атап отеміз.

Өтілген сурет оқу қызметінен біз «Шырша» бейнесін салған болатынбыз.

Шырша түсі қандай болды?

Шыршаны біз қайда пайдаланамыз?

Шыршаны қырқуға рұхсат барма?

Жұмбақ

Құлағы ұзын,

Көзі қыли.

Қорқады да,

Жүреді ылғи.

Дұрыс балалар, бұл жұмбақтың шешімі қоян.

Балалар, қоян үй жануары ма, әлде дала жануары ма?

Қоян орманда өмір сүргесін ол дала жануары қоян деп саналады.

Бірақ үйде де өсірілетін қояндар болады. Оны балалар үй қояны – кролик деп атайды.

Үй қоянын көрсету.

Құлағы қандай?

Неше құлағы бар?

Қоян нені жақсы көреді?

Балалар, сендер қалай ойлайсыңдар, қоян неден қорқады?

Йә, дұрыс балалар.

Балалар, енді назарларыңды бері аударыңдар.

Қоңыр қоян және ақ қоянның суреттерін көрсету.

Қоян туралы мәлімет беру (слайдтан көру).

Қояндардың салмағы 0,1 – 4,5 кг, дене тұрқы 12 – 75 см. Қоянның терісі жұқа, жүні жұмсақ мамықтай болады.

Ал, енді құлағына қарайықшы, қоянның құлағы тік, ұзынша болып келеді екен. Ол қорыққан кезде құлақтарын төмен қарай салбыратып, бүрісіп отыра қалады. Балалар, байқадыңдар ма, қоянның тұмсығының астында жіп сияқты мұртшалары бар екен. Бұл мұртшалары иісті ажыратып сезеді. Қоянның төрт аяғы болады. Алдыңғы екі аяғы қысқалау, ал артқы екі аяғы сәл ұзындау. Қоян қорқақ, өте үркек жануар. Сондықтан да көбіне ертегілерде қоянды «Қорқақ», «Ұзынқұлақ», «Қыликөз» - деп атайды.

Жазда түсі сұрғылт қоңыр, қыста түгелдей аппақ болып түлейді. Өйткені ол қорқақ болған соң табиғатта тіршілік үшін, қоян өзінің жауларынан қорғану үшін қыста қармен бірдей ақ тон киеді, ал жазда қоңыр тоны болады. Қоян туралы тақпақ, мағлұмат білеміз бе?

Нұрхан

Қоян – шөпқоректі жануар. Оның денесі ұзын, иілгіш, қарғуға , секіруге икемді, құйрығы қысқа. Ұзын құлақтары дыбысты жақсы сезеді.

Еркеназ

Ор қоян –едәуір ірі аң. Ол орман тоғайлар мен далалы жерлерді мекендейді. Қыста оның сұр жүнінің орнына қардай аппақ жүн өседі. Құлақтарының ұшы мен мұрны ғана қара болады.