Мектепке дейінгі балаларға арналған сабақ жоспары

ТӘРБИЕЛЕУ-БІЛІМ БЕРУ ПРОЦЕСІНІҢ ЦИКЛОГРАММАСЫ

Білім беру ұйымы (балабақша/ шағын орталық, мектепалды сыныбы)

Топ/сынып

Ортаңғы топ

Тобы, топтың реттік саны, атауы

Балалардың жасы

3 жасар балалар

Педагогтің аты-жөні

Жоспардың құрылу кезеңі (апта күндерін, айды, жылды көрсету)

07.11-11.11.2022ж.

Апта күндері

Дүйсенбі

Сейсенбі

Сәрсенбі

Бейсенбі

Жұма

Күн тәртібі

Балаларды қабылдау

Таңғы сүзгі: балалардың терісін, дене қызуын, сыртқы келбетін тексеру. Балаларды жақсы көңіл күймен қарсы алу және оларға қолайлы жағдай жасау. Баланың көңіл күйін, оның жеке пікірін, қызығушылығын анықтау. (сөйлеуді дамыту)

Ата-аналармен әңгімелесу, кеңес беру

Ата-аналармен "Баланың өзін-өзі бағалауы" тақырыбында әңгімелесу.

Балалардың дербес әрекеті (баяу қимылды ойындар, үстел үсті ойындары, бейнелеу әрекеті, кітаптар қарау және тағы басқа әрекеттер)

Бөлме өсімдіктерін суару.

Мақсат-міндеттері. Балаларға өсімдіктерге күтім жасау тәсілдерін үйретуді жалғастыру (күнге жақын өсімдіктерге суды көбірек құйып, көлеңкеде өсетіндерге аздап құю, қажеті бойынша суару), бөлме өсімдіктеріне ұқыпты қарауды үйрету.

Аквариумдағы балықтарды қоректендіру.

Мақсат-міндеттері. Балыққа қамқорлық жасауға дағдыландыру (жемді үгітіп шашырату), аквариумдағы балықтың тіршілігіне қызығушылық таныту.

Ойыншықтарды сөрелерге қою.

Мақсат-міндеттері. Балаларға ойыншықтарды сөрелерге белгілі тәртіпте қою амалын игерту; тәртіп сақтауға ұмтылысты қолдау; ойыншықтарға ұқыпты қарауға тәрбиелеу.

Асхана бойынша кезекшілік.

(тәрбиешінің көмекшісімен бірге)

Мақсат-міндеттері. Балалардың ересектерге көмектесуге, нұсқауларды нақты орындауға деген ұмтылыстарын ояту: ыдыс-аяқты үстел бетіне дұрыс қоюды үйрету.

Кітаптарды көркем әдебиет бұрышына орналастыру.

Мақсат-міндеттері. Балалардың кітаптарға ұқыпты қарау дағдыларын қалыптастыру, белгілі бір тәртіппен кітаптарды салу мүмкіндігін іс-тәжірибеде көруді үйрету.

"Жол белгілерін қою" дидактикалық ойыны.

Мақсат-міндеттері. Балалардың жолда жүру туралы алған білімдерін тиянақтау, жол белгілерін айыра білу. Балаларды мейірімділікке, байқағыштыққа тәрбиелеу. (қоршаған ортамен танысу, сөйлеуді дамыту)

"Ұшады, жүзеді, жүреді" дидактикалық ойыны.

Мақсат-міндеттері. Тілдің лексикалық жағын дамыту (етістік сөздігін кеңейту).

Барысы: педагог балаларға суреттерді таратады, оларды қарастыруға және атауға шақырады, содан кейін "Ол не істеп жатыр?" деген сұрақ қояды. Мысалы: автобус жүреді, жолаушыларды тасымалдайды, тоқтайды. (сөйлеуді дамыту, қазақ тілі)

Саусақ жаттығуы", "Пойыз келе жатыр".

Пойыз келе жатыр:

Тоқ-тақ-тоқ,

Тоқ-тақ-тоқ (саусақтарды үстел бетінде ырғақтарға сай кезегімен, күйсандықтың пернесін басқандай тықылдату).

Жылдам келе жатыр:

Тоқ-тақ-тоқ, тоқ-тоқ (саусақтарды үстел бетінде ырғақтарға сай кезегімен, күйсандықтың пернесін басқандай тықылдату).

Барлық бала күтіп қалды:

Алақан, алақан (алақандарды жайып, өзара уқалау)

Қуанышпен қарсы алады.

- Алақай! Алақай! (қол шапалақтау) (сөйлеуді дамыту)

"Геометриялық пішіндерден автобусты құрастырамыз" дидактикалық ойыны.

Мақсат-міндеттері. Балалардың қиялын, шығармашылық ойлау қабілеттерін дамыту.

Барысы: педагог геометриялық пішіндерді қолдана отырып, балаларға көлік түрлерін құрастыруды ұсынады. (математика негіздері, құрастыру)

"Сипаттама бойынша таны" дидактикалық ойыны.

Мақсат-міндеттері. Қиялын, сөйлеу қабілетін дамыту.

Барысы: педагог бір баланы шақырады, оған сурет береді және онда қандай көлік бейнеленгенін сипаттауды ұсынады, бірақ атауын атамайды. Қалған балалар оны сипаттамадан анықтайды. Сипаттамасы бойынша таныған бірінші бала келесі суретті алып, басқа балаларға жасырады. Ойын жалғасады. (сөйлеуді дамыту, қазақ тілі)

Таңертеңгі жаттығу

Жалпы дамыту жаттығулары (алақанға сыятын текшелермен)

1. Бастапқы қалып: аяқ алшақ, дене тік, қол төменде

1.1. Балалар қолдарын алдарына созып, алақандарын ашып, текшелерді көрсетіп: "Міне!" дейді;

1.2. Бастапқы қалып (жаттығу 4-5 рет қайталанады).

2. Бастапқы қалып: аяқ алшақ, дене тік, қолдағы текшелер көкірек тұсында

2.1. Оңға бұрылып, қолдарын созып, текшелерін көрсетіп: "Міне!", "Міне!" дейді;

1.2. Бастапқы қалып (жаттығу 4-5 рет қайталанады).

2.2. Бастапқы қалып (дәл осы жаттығу сол жаққа қайталанады және 4 рет қайталанады).

3. Бастапқы қалып: аяқ алшақ, дене бос, қол төменде

3.1. Жерге отырып, қолдарын алдына созып: "Міне!" дейді;

1.2. Бастапқы қалып (жаттығу 4-5 рет қайталанады).

3.2. Бастапқы қалып (жаттығу 3 рет қайталанады).

4. Бастапқы қалып: аяқ бірге, дене бос, қолдағы текшелер көкірек тұсында.

4.1. Бір орында тұрып секіру, қолдарын көкірек тұсында ұстап, алақандарын жұму.

4.2. Бастапқы қалып алақандарын ашу "Міне!" дейді (жаттығу 3 рет қайталанады). (дене шынықтыру, дербес әрекет)

Таңғы ас

Дұрыс тамақтану мәдениетін қалыптастыруды жалғастыру: асхана құралдарын дұрыс қолдану (ас қасық пен шай қасықты, шанышқыны); майлықты ұқыпты пайдалану; нанды үгітпей жеу, асты ауызды жауып шайнау, тамақ ішіп отырғанда сөйлемеу; әдепті болуға тәрбиелеу (ас үшін алғыс білдіру, тазалық пен тиянақтылық қажеттілігі.)

Біздерде бар қасықтар

Сиқырлы екен құралдар.

Қолға қасық аламыз.

Дәмді астан аламыз.

Осы сөздерден кейін балалар таңғы астарын ішеді. Тамақтану барысында тәрбиеші балалардың орындықта дұрыс отыруын қадағалайды. Бала орындықта дұрыс отырмаса, оның қасына келіп түзу отыру керектігін айтуға болады. (мәдени-гигиеналық дағдылар, көркем сөз, сөйлеуді дамыту)

Ұйымдастырылған іс-әрекетке дайындық

"Гараж" құрастыру.

Мақсат-міндеттері. Педагог балаларға математикалық есептеу таяқшаларын таратады. Балалар өздерінің қиялдары және ойлау қабілеттеріне байланысты "гараж" құрастырады. (математика негіздері, құрастыру)

"Жүк көлігін құрастырамыз" құрастыру.

Мақсат-міндеттері. Педагог бала санына қарай әртүрлі геометриялық пішіндерді таратады. Балалар геометриялық пішіндерден жүк көлігін құрастырады. (математика негіздері, құрастыру, танымдық дағдылар)

"Трактордың бөлшектерін тап" дидактикалық ойыны.

Мақсат-міндеттері. Балалардың танымдық қабілеттерін дамыту.

Барысы: педагог балаларға трактор суретінің бірнеше бөлшектерін береді, сол бөлшектерді мұқият қарап отырып, тракторды құрастырады. (танымдық дағдылар, құрастыру)

"Торғайлар мен көлік" қимылды ойыны.

Мақсат-міндеттері. Көлік пен торғайлардың қимыл-қозғалыстарын екі түрлі белгілердің біріне сай келтіріп, кеңістікте еркін қозғалуды үйрету.

Барысы: торғайлардың маскаларын киген немесе қалташаларын таққан балалар, белгі бойынша қолдарын жан-жаққа жайып "ұшып", "жерге қонып" жүреді. "Көліктің" рөлін педагог немесе белсенді бала, қолына руль ұстап, белгі бойынша "торғайларға" қарай жүреді, "торғайлар" орындарынан қозғалып, белгілі бағытқа "ұшып" кетеді. Балаларға торғайларға маскаларды немесе қалташалары үлестіріледі. (дене шынықтыру)

"Көлік" ойыны.

Педагог:

- Балалар, бәріміз бірге "Көлік" ойынын ойнайықшы?

Мақсат-міндеттері. Балаларды шеңбер бойымен орындықтарға отырғызып, машинаның қалай оталдырылатынын, қалай жүретінін, қалай дыбыс шығаратынын балаларға көрсетеді. (қоршаған ортамен танысу)

Білім беру ұйымының кестесі

бойынша ұйымдастырылған іс-әрекет

Дене шынықтыру

"Машина зырылдап жүреді".

Мақсат-міндеттері. Балаларды бірінің артынан бірі аяқтың ұшымен және өкшемен сап түзеп жүруге жаттықтыру; сапқа өз еріктерімен тұру қабілетін жетілдіру; таяқ астынан тізе мен саусақты жерге тіреп, төрттағандап еңбектеу және алға жылжи отырып, екі аяқпен бір орында жеңіл секіру дағдысына үйрету.

"Мысық пен торғайлар" қимылды ойыны.

Мақсат-міндеттері. Ереже бойынша ойнауды үйрету. Жылдам жүгіру дағдысын дамыту.

Дене шынықтыру

"Рулімізді бұрайық".

Мақсат-міндеттері. Балаларда сапқа өз еріктерімен тұру қабілетін жетілдіру; тепе-теңдікті сақтай отырып, бір-бірінен 10 см қашықтықта орналасқан тақтай бойымен жүру дағдыларын қалыптастыру; таяқ астынан тізе мен саусақты жерге тіреп, төрттағандап еңбектеу дағдыларын дамыту.

"Бағдаршам" қимылды ойыны.

Мақсат-міндеттері. Ойынды ереже бойынша ойнауды үйрету. Түстерді ажыратуды бекіту, тәртіп бойынша қимылдауды үйрету.

Музыка

"Көңілді машина".

Мақсат-міндеттері. Балалардың әнді орындау кезінде дұрыс тыныс алу дағдысын дамыту; музыка әуенімен бірге би қимылдарын және адымдау жаттығуларын үйлесімді орындауды үйрету; музыкалық аспапта (бубен) ойнау қабілетін дамыту.

"Доп неге ұқсайды?" дидактикалық ойыны.

Мақсат-міндеттері. Ойынды ереже бойынша ойнауды, таңбалауыштарды жылдам жинауды үйрету.

Дене шынықтыру

"Зу-зу етіп көшеде".

Мақсат-міндеттері. Балаларда гимнастикалық таяқтың астынан төрттағандап еңбектеп өту және алға жылжи отырып екі аяқпен бір орында жеңіл секіру техникасын бекіту; бір-бірінен 10 см қашықтықта орналасқан тақтай бойымен жүру дағдыларын жетілдіру.

"Көлік пен торғайлар" қимылды ойыны.

Мақсат-міндеттері. Алаңда бір-біріне соқтықпай жүгіруді үйрету.

Қазақ тілі

"Жолға дайындал ..." Көліктер. Түстер әлемінде."

Мақсат-міндеттері. Қазақ тілінде көлік түрлерінің атауларын, негізгі түстерін тыңдап, атауды үйрету; етістіктер мен көсемше, зат есімдердің көмегімен көліктердің жүру амалдарын білдіретін сөз тіркестерін құруға, зат есіммен сын есімдердер сөз тіркесін құруға жаттықтыру.

"Кел, сәлемдесейік!" жаттығуы.

Көліктер туралы әңгіме.

"Сенде не бар?" жаттығуы.

"Қонақтар немен жетті?" сергіту сәті.

"Не артық?" дамытушылық ойыны.

"Әртүрлі көліктер" рефлексия.

2- таңғы ас

Дастарқанға ыдыстарды рет-ретімен қою үшін кезекші тағайындау; балаларға тамақ ішетін дастарқанды жабдықтауға көмектесу; тамақ ішер алдында балалар бір-біріне астың дәмді болуын тілеп, тамақтан соң алғыс айтулары. (мәдени-гигиеналық дағдылар, дербес әрекет)

Серуенге дайындық

Балаларды серуенге ынталандыру; серуенге ойын жабдықтарын іріктеу; балалармен жеке әңгімелесулер; шалбарын, бас киімі мен бәтеңкесін реттілікпен киюін қадағалау. (мәдени-гигиеналық дағдылар, дербес әрекет)

Серуен

Көліктерді бақылау. (қоршаған ортамен танысу, сөйлеуді дамыту)

Мақсат-міндеттері. Көліктер және олардың түрлері туралы білімдерін толықтыру, жүргізуші мамандығына қызығушылықтарын қалыптастыру.

Бақылау барысы.

Тәрбиеші көшеде кетіп бара жатқан көліктерге қарауды ұсынады.

- Жеңіл көлік қай жерде жүреді. (Жерде.)

- Бізге көлік не үшін керек? (Жұмысқа, қонаққа, мектепке бару үшін.)

- Балалар, көліктер әртүрлі болады. Көшеде біз көптеген көліктерді көреміз, көліктер ұзақ жолдың бойымен ағылып кетіп жатады.

Еңбек әрекеті: құрғақ бұтақтарды жинау, ауланы сыпыру.

Мақсат-міндеттері. Тазалық пен тәртіпке, бірлесіп жұмыс істеуге үйрету.

"Түрлі түсті көліктер" ойыны. (танымдық дағдылар, дене шынықтыру)

Мақсат-міндеттері. Заттар (рөлдер) арқылы дене белсенділігін дамыту; ережені сақтауға, кеңістікті бағдарлауға дағдыландыру.

Құралдары: балалардың кеуделеріне ілінетін таңбалар (түрлі түсті машинар), рөлдер.

"Тауық пен түлкі" ойыны. (дене шынықтыру)

Мақсат-міндеттері. Белгі бойынша жылдам әрекет ету қабілеттерін жетілдіру, ептілікті дамыту.

Дене тәрбиесі бойынша жеке жаттығулар.

Мақсат-міндеттері. Екі аяқпен бір орында секіру, дұрыс қозғалу.

Балалардың еркін ойыны.

Аспанды бақылауды жалғастыру. (қоршаған ортамен танысу, сөйлеуді дамыту, көркем әдебиет)

Мақсат-міндеттері. Балаларға аспанның әсемдігін байқауды үйрету; бұлтты ажырата білу, аспан бұлтты, бұлтсыз екенін байқату; бұлттың қозғалысы және өзгерісі жөнінде бақылауды дамыту; табиғаттың әсемдігін тамашалауға тәрбиелеу.

Ашық аспанда бұлтты байқау оңай, оның баяу қозғалатынын, бірте-бірте көбейіп, өзінің түрін өзгертетінін, мақтаға ұқсайтын массаға айналатынын немесе азайып, ыдырайтынын атап өтуге болады.

Жұмбақ.

Көзі жасты – жылауық, келе жатыр бір алып.

Жабырқаса, жылайды, жадыраса құлайды. (Бұлт.)

Тақпақ.

- Ақсың, сұрсың, қарасың,

Қайда қалқып барасың?

- Жерге нөсер төгемін,

Өссін гүлдер, көп егін!

- Гүл-гүл жайнап өсер көк,

Нөсерлетсең, нөсерлет.

"Не жөнінде айтылады?" ойыны.

Мақсат-міндеттері. Сипаттамалық белгісі бойынша табиғат құбылысын шеше білуге машықтандару (жарқырайды, аспан, бұлыңғыр найзағай ойнайды).

"Доппен лапта ойнау" қимылды ойыны.

Мақсат-міндеттері. Екі топқа бөлінуді үйрету, ойыншыларға допты лақтыру, ойын тәртібін (сызықты баспай) сақтап отырып; қозғалыс тепе-теңдігін дамыту.

Еңбек әрекеті: қурап қалған шөптерді жинау (тәрбиешінің көмегімен).

Мақсат-міндеттері. Балаларды қарапайым еңбек дағдыларына баулу.

Құралдары: қолғаптар, қаптар.

Педагог балалардың шөптерге аллергиясын ескеруі тиіс.

Балалардың еркін ойыны.

Мақсат-міндеттері. Балаларды ойын тақырыбын өздеріне таңдауды үйрету.

Құстарды бақылау. (қоршаған ортамен танысу, сөйлеуді дамыту, көркем сөз)

Мақсат-міндеттері. Құстар (торғай, көгершін, қарға, сауысқан) туралы жалпы ақпарат беру; жылы жаққа ұшып кететін құстар (қарлығаш, көкек, бұлбұл) туралы түсінікті тиянақтау.

- Балалар, қандай құстарды білесіңдер?

- Құстар немен қоректенеді?

- Жылы жаққа ұшып кететін құстарды білесіңдер ме?