Мектепке дейінгі балаларға арналған саусақ жаттығулары

Ересек топқа арналған саусақ жаттығулары картотекалары

Саусақ жаттығуы: «Секіргіштер» Картотека №1

Күні бойы, күні бойы,

Біздің қыздар секірді,

Оң аяқпен секірді,

Сол аяқпен секірді,

Алға қарай секірді,

Артқа қарай секірді,

Айналдыра секірді,

Айналдыра секіргішті

Биікке де секірді.

Екі саусақпен кезек-кезек алға-артқа, солға-оңға секіріп, үстел үстінде орындалатын жаттығу.

(сөйлеуді дамыту, математика негіздері)

Саусақ жаттығуы: «Мысық пен тышқан» Картотека №2

Оң қолым тышқан болсын,

Сол қолым мысық болсын,

Саусақтарды жаттықтырып,

Мысық-тышқан ойыны болсын.

Тышқан жерді тырнайды.

Мысықты алдайды,

Құйрығымен мысықты.

Тышқан түртіп, зып етті,

Мысық оны күтіп отыр,

Тышқан інде күліп отыр.

Балалар саусақтарын біріктіріп, қарама қарсы ұстайды, оң қолы тышқан, сол қолы мысық. Саусақтармен мысық пен тышқанның бейнесін жасайды. Сөзіне сәйкес қимыл жасау.

(сөйлеуді дамыту, математика негіздері)

Саусақ жаттығуы Картотека №3

Қане, қайсы алақан,

Біз-кішкентай. (балапан)

Аралардың нәрі,

Бау-бақшаның сәні. (гүл)

Тік, тік, тік пісте,

Қысы-жазы бір түсте. (шырша)

Менің тұрақты мекенім,

Сәнді етіп жүремін. (үй)

(көркем әдебиет, қоршаған ортамен таныстыру)

Саусақ жаттығуы: «Қуырмаш» Картотека №4

Қуыр-қуыр қуырмаш,

Балаларға бидай шаш.

Бас бармақ,

Балан үйрек,

Ортан терек,

Шылдыр шүмек,

Кішкене бөбек.

Сен тұр– қойыңа бар!

Сен тұр– жылқыңа бар!

Сен тұр– ешкіңе бар!

Сен тұр– сиырыңа бар!

Сен тұр– түйеңе бар!

Ал сен алаңдамай,

Қазан түбін жалап, үйде жат.

Мына жерде құрт бар,

Мына жерде май бар.

Мына жерде қатық бар,

Қытық, қытық! (сөйлеуді дамыту, қоршаған ортамен таныстыру)

Саусақ жаттығуы Картотека №5

Оң қолымда бес саусақ,

Сол қолымда бес саусақ.

Оларды атап шақырар,

Әрқайсысының аты бар.

Бас бармақ,

Балаң үйрек,

Ортан терек,

Шылдыр шүмек,

Кішкене бөбек.

(сөйлеуді дамыту, математика негіздері)

Саусақ ойыны “Ойыншықтар” Картотека №6

Үлкен диванда қатарда (Кезекпен шапалақтап, жұдырығымен ұрады.)

Машина қуыршақтары отырады:

Екі аю, Сайқымазақ(барлық саусақтарды кезекпен бүгу.)

Және көңілді Чиполлино,

Мысық та, піл де.

Бір, екі, үш, төрт, бес, (саусақтарды кезекпен ашу.)

Біз Машаға көмектесеміз (кезек-кезек қол шапалақтап, жұдырықпен ұрамыз.)

Біз ойыншықтарды санаймыз.

(Сөйлеу қарқыны мен ырғағы бойынша жұмыс.) (сөйлеуді дамыту, математика негіздері-қарым-қатынас іс-әрекеті, танымдық іс-әрекет)

Саусақ ойыны: «Орманда» картотека №7

Саусақтар-ау, саусақтар!

Сендер қайда бардындар?

Орманға бардық!

Кімді онда кезіктірдіңдер?

-Аюды, қасқырды,қоянды,түлкіні,тиынды!

Бәріне сәлем бердік!

Бәріне сыйлық бердік!

Бәрі де алғыс айтты.

Алақанды еркін ашып-жұму. Басбармақты басқа саусақтармен түйістіру.

(көркем әдебиет, қоршаған ортамен таныстыру-танымдық, қарым-қатынас іс-әрекеті)

Саусақ ойыны: «Кіші шармен жаттығу» картотека №8

Мынау менің оң қолым,

Мынау менің сол қолым,

Кіші шарды аламын,

Жаттығу жасаймын,

Оң қолым мықты болсын!

Сол қолым мықты болсын,

Қолдырым менің күшті болсын!

Екі шарды алақанға салып, уысқа қысу, оң, сол қолды көрсетіп , жаттығу жасау.

(көркем әдебиет, қоршаған ортамен таныстыру-танымдық, қарым-қатынас іс-әрекеті)

Саусақ ойыны: Саусақ жаттығуы картотека №9

Тық-тық, тық-тық,

Тұр орыннан бас бармақ,

Балаң үйрек сен де тұр,

Ортан терек, сен де тұр,

Шылдыр шүмек сен де тұр,

Титтей бөбек қане тұр,

Саусақтарым, ал жүгір.

Үстел үстінде жасалатын жаттығу. Саусақтар үстел үстінде жатады. Айтылатын сөзге байланысты, саусақтарды кезек-кезек көтеріп, үстел үстіне «жүгіртеміз»

(көркем әдебиет, қоршаған ортамен таныстыру-танымдық, қарым-қатынас іс-әрекеті)

Саусақ ойыны: «Қаз» картотека №10

Қаз қанатын жиып алды,

Қауырсының жуып алды,

Оңға қарап, солға қарап,

Жерден дәнді тауып алып,

Дәннің бәрін шоқып алып,

Қанаттарын жайып алып,

Су мен жемге тойып алды.

Саусақтармен сөздерді бейнелеу.

(көркем әдебиет, қоршаған ортамен таныстыру-танымдық, қарым-қатынас іс-әрекеті)

Саусақ ойыны: «ҚЫЗЫҚ-АЙ» картотека №11

Күлкілі, әрі қызық-ай (екі қолды жая иықтарын көтереді, бастарын шайқайды)

Қой қағып тұр қақпаны (сөз ырғағына сәйкес жұдырықпен аяқтарын соғады)

Теуіп және сүзіп-ай (аяқтарын топылдатады, «мүйіз» жасайды)

Қой қағып тұр қақпаны (сөз ырғағына сәйкес жұдырықпен аяқтарын соғады)

Күлкілі, әрі қызық-ай екі қолды жая иықтарын көтереді, бастарын шайқайды)

Аша алмады бұзып-ай (сөз ырғағына сәйкес жұдырықпен аяқтарын соғады)

Басын ауыртты, тапқаны (жұдырықпен аяқтарын қатты нығарлайды)

Күлкілі, әрі қызық-ай (екі қолмен бастарын сипайды, иықтарын көтереді)

Қой қағып тұр қақпаны (сөз ырғағына сәйкес жұдырықпен аяқтарын соғады)

Соғар қойдың өзін-ай (қабағын түйіп, сұқ саусақпен доқ көрсетеді)

Табылар ма жан қане (екі қолды жая иықтарын көтереді

(көркем әдебиет, қоршаған ортамен таныстыру-танымдық, қарым-қатынас іс-әрекеті)

Саусақ жаттығуы: «САЛАТ» картотека №12

Сәбізді алып тазалаймыз (оң қолды жұдырыққа түйіп, сол қолдың алақанына ысқылайды)

Үккішпен үгіп майдалаймыз (екі қолды жұдырыққа түйіп кеідеге ұстап, жоғары-төмен қозғайды)

Қанттай сеуіп дәмдейміз (саусақтардың ұшымен қант себеді)

Қаймақ құйып сәндейміз (қолды жұдырыққа түйген күйі (қаймақ құйған сияқты) қол білегін жоғары-төмен қозғайды)

Міне, дайын нәр тағам- (екі қолын алдына жайып көрсетеді)

Дәруменге байыған (алақанымен іштерін сипалап, тойғандықтарын білдіреді)

(көркем әдебиет, қоршаған ортамен таныстыру-танымдық, қарым-қатынас іс-әрекеті)

Саусақ жаттығуы: «ҚОЛТЫРАУЫН» картотека №13

Қолтырауын қонақ күтуде (екі қолдың саусақтарын түйіп қайта ашып қалады)

Тістері тура шегедей (саусақтарын ашқан күйі оң алақанды сәл дөңгелетң үстіне беттестіре саусақтарды сәл дөңгелете «қолтырауынның аузын ашқан сияқты» ашып-жабады)

Бұл жерден қой өтпеді ме? (қолды төмен бос тастап, иықты жоғары көтереді)

Деп сұрадым ойын білмекке (алақандарын бір-біріне ысқылайды)

Ал ол болса тымпиып жатыр (көздерін қысады)

Көзін қысып қылқиып жатыр

(көркем әдебиет, қоршаған ортамен таныстыру-танымдық, қарым-қатынас іс-әрекеті)

Саусақ жаттығуы «КІМ КЕЛДІ?» картотека №14

Қане, қане кім келді? (екі қолдың бас бармақтарының ұштарын созады)