Мектепке дейінгі балаларға көңіл күймен бөлісу ашық сабағы

«Астана» бөбекжай-бақшасы

Өз көңіл-күйіңмен бөлісе біл!

(ересек топтарына арналған тренинг)

Психолог: Курманова М.Т.

Өз көңіл-күйіңмен бөлісе біл!

(ересек топтарына арналған тренинг)

Мақсаты: Көңіл күй әлемінің тереңдігі жайында балалардың білімдерін кеңейту. Өзгелердің көңіл-күйлерін түсіне білуге үйрету. Әр түрлі эмоциялар түрлерін ажырата білулерін дамыту. Сурет арқылы өз эмоцияларын көрсете білуге дағдыландыру.

Барысы: Балалар мен сендерді көргеніме өте қуаныштымын! Сендердің көңіл- күйлерің қалай? (Балалардың жауаптары)

Балалар шеңберде бір- бірінің қолдарынан ұстап тұрады.

Психолог: Біз үлкен бір жақсы аңбыз. Қане ол қалай тыныс алады тыңдайықшы.

Балалар өздерінің және көршілерінің қалай тыныс алып жатқанын тыңдайды.

Психолог: Ал енді бәріміз бірге тыңдаймыз.Терең тыныс алып, бір қадам алға, тынысты шығарып, бір қадам артқа жүреміз. Аңдар тек қана тыныс алып қоймай, сонымен бірге оның үлкен мейірімді жүрегі де осылай соғады екен. (балалар қолдарын жүректеріне қойып, тыңдап көреді)

Психолог: Мен сендерге бір әңгіме оқып берейін. Анасы жұмысқа кеткенде, ұлы мысығымен үйде қалады. Бала шие тосабын өте қатты жегісі келеді. Сосын бүкіл тосапты қалай жеп қойғанын сезбей де қалады. Анасы үйге келіп, ұлынан «Тосапты кім жеді?» деп сұрайды, ал ұлы «мысық жеді» деп жауап береді. «Мысықтар тосап жей ме?» деп анасы таң қалады. Анасының қалай таңданғанын көрсетіңдерші.(Балалар мимика арқылы таң қалу эмоциясын көрсетеді) Ендеше бәріміз «Көңіл- күй лотосы» ойынын ойнайық.

«Көңіл күй-лотосы» ойыны.

Мақсаты: Өзгелердің көңіл- күйлерін түсіне білуді дамыту. Өз көңіл -күйлерін көрсете білуге үйрету.

Үстел үстінде эмоция суреті бейнеленген карточкалар жатады. Балалар бір біріне көрсетпей карточка алады, сосын әрқайсысы мимика, пантомимо арқылы көрсетеді. Ал қалған балалар оны табады.

Психолог: Балалар, сендерге ойын ұнады ма? Не себептен?

Сонымен көңіл- күйлерің қандай?

Ал, көңіл- күйді қалай жақсы етіп өзгертуге болады? (балалардың жауаптары)

«Сөйлемді жалғастыр» жаттығуы.

Балалар шеңбер бойымен бір- біріне допты беру арқылы мына сөздерді жалғастырады:

«Мен қуанамын егер де,.............»

«Мен ашуланамын егер де,..........»

«Мен ренжимін егер,...................»

«Мен жылаймын егер,...............»

«Мен қорқамын егер,..................»

«Мен таң қаламын егер,..............»

«Иә, жоқ» ойыны.

Мақсаты: Импульсивті қимыл- әрекеттеріне бақылау жасай білуді дамыту.

Балалар төмендегі сұрақтарға «иә» немесе «жоқ» сөзін қолданбай жауап береді.

-Құстар ұшады ма?(Ұшады)

-Қазір күз мезгілі ме?(Қыс мезгілі)

-Доп төртбұрыш па?(Дөңгелек)

-Тұз тәтті ме?(Ащы)

-Мысық құс па?(Үй жануары)

«Эмоцияны жаттықтырамыз» жаттығуы.

Мақсаты: Балалардағы психоэмоционалды қысымды түсіру үшін эмоцияны бейнелеуге үйрету.

Барысы:

Баладан тұнжырауын сұранамыз – күзгі бұлт секілді, ашулы адам кейіпі.