Мектепке дейінгі ұйымда дәстүрден тыс сурет салу мақаласы

Мектепке дейінгі ұйымда сурет салудың дәстүрден тыс тәсілдерін қолдану

Мектепке дейінгі мекемеде ұйымдастырылатын оқу қызметтерінде сурет салу әдістемесі кеңінен қолданылады. Сурет салу оқу қызметінде балалар қоршаған заттарды, олардың алуан түрлі пішіндерімен, түстерімен, өлшемдерімен және басқа да ерекшеліктерімен танысады. Сурет салу баланың жүйке жүйесін тынықтырып, арман – қиялын жетілдіріп, өз ойын сурет арқылы көрсетіп беруге мүмкіндік туғызады. Бала бойындағы осы қабілеттерді одан әрі жетілдіріп, сурет салуды қызықты ету үшін дәстүрден тыс әдістерді қолдануға болады. Оқу қызмет жүйесіне енгізілген дәстүрден тыс әдіс-тәсілдер балалардың бойында шығармашылық ізденіске деген құштарлықты арттырып өзіндік бейне, өзіндік іс-әрекет жобасын құруға мүмкіндік жасайды. Балалар да қызығушылықпен орындайды. Ұжымдық жұмыс жасаған кезде де осы тәсілдерді араластыра қолданып тұтас мазмұнды сурет салуға болады.Мен өзімнің іс – тәжірибемде дәстүрден тыс әдістерді көптеп қолданамын. Бұл әдістерді сәбилер тобынан бастап ересек топтарға дейін қолдануға болады. Тек қауіпсіздік ережелерін сақтасаңыз болғаны.

Мақсаты: Мектепке дейінгі жастағы балалардың шығармашылық құзыреттілігін қалыптастыру міндеттеріне сәйкес бейнелеу өнерінің мазмұнын толықтыру, сурет салудың барлық түрлеріндегі іскерліктерін жетілдіру, бейнеленетін бейнелерді түсіну қабілеттерін тәрбиелеу мен эстетикалық сезімдерін қалыптастыру.

Негізгі міндеттері: * Бейнелеу өнеріне деген ықыласты ояту, дүниетанымын кеңейту;* Айнала қоршаған ортадағы бейнелердің мазмұнына эмоциялық үн қосу. * Қимылды үйлестіру және қолдың саусақтары мен буындарын қатайту;* Бейнелеу өнері қызметінде дәстүрден тыс әдіс – тәсілдерді қолдану арқылы балалардың қызығушылығын арттыру.

Нәтижесінде сіздің балаңыз:

- Сурет салуға днген қызығушылығы артады

- Ұсақ қол қимылдары жетіледі

- Ой-өрісі

- Байқағыштығы

- Зейіні

- Елестетуі

- Қиялы

- Кеңістікті бағдарлай алуы

- Түс пен пішінді сезінуі дамиды

- Көңіл - күйі көтеріліді

- Жағымды әсер алады

- Сурет салу алдындағы қорқынышы сейіледі.

Сурет салудың дәстүрден тыс тәсілдерінің түрлері

«Саусақ іздері немесе алақан таңбасы»

Қажетті құралдар: Субояқ, қылқалам, сурет дәптері

Жұмыс тәртібі: Балалар саусақтарын бояуға батырып немесе алақандарына бояу жағып қағаз бетіне таңба түсіреді. Пайда болған суреттердің тағы не нәрсеге ұқсайтынын сұрап әрі қарай толықтыруға болады.