Мектептегі саяхат сабақ жоспары 1 сыныпқа

Сабақ тақырыбы: Мектептегі саяхат

Күні : 16.10.19

СЫНЫП: 1-сынып

Оқу мақсаты:

Барлық оқушылар: мектепте қандай бөлмелердің болатынын, олардың неге арналғанын білy;

Оқушылардың басым бөлігі: олардың орналасқан жерлерін өз бетінше табуға үйренy.

Кейбір оқушылар: Алған білімді өмірде қолдана алады.

Тірек сөздер:

асхана – столовая – сafeteria; кітапхана – библиотека – library;

дәрігер бөлмесі – медицинский кабинет – medical office.

Ресурстар:

Интерактивті тақта, оқушылардың санына қарай бөлмелердің атауы жазылған үлестірме парақшалар, мектеп сұлбасының көшірмесі,

фотоаппарат, ғаламшар немесе дүниежүзілік карта.

Сабақтың мақсаты:

1.1.2.1 мектептің адам өміріндегі маңыздылығын түсіндіру

Сабаққа байланысты деректі материалдар

Сабаққа қатысты ескертпелер

Өзінің орналасуы және сәулеті жағынан ерекше мектептер туралы ақпарат.

Ашық кеңістіктегі мектеп (Дания) Мектептің ішінде бір де бір жеке кабинет және сынып бөлмесі жоқ. Есесіне мектептің ортасынан өтетін үлкен айналмалы баспалдақ бар. Мұнда барлық жерде сымсыз интернет бар, ал еденде ашық түсті жастықшалар жатыр.

Террасет – жер астындағы мектеп (TerrasetElementarySchool PTA (АҚШ)

Террасет мектебі Рестон қаласында орналасқан (Вирджиния штаты). Ол негізінен жер астында орналасқан. Оқу орыны 70-жылдардың ортасында салынған. Бұл кезеңде Америкада энергетикалық дағдарыс орын алды. Соған байланысты қала басшылары энергияны үнемдейтін жер астындағы мектепті ойлап тапты. Ол өзін-өзі жылытып тұрады.

Камбоджадағы қалқымалы мектеп. Бұл оқу орны судың үстінде орналасқан. Бұл жерде мұндай құбылыс ешкімді таңғалдырмайды: Кампонг Луонг ауылындағы барлық ғимараттар тура мағынасында суда қалқып тұрады. Мектепте шамамен 60 оқушы оқиды. Балалар мектепке арнайы легендерге отырып барады.

Тапсырма топтар бойынша беріледі. Мұғалім топтарға бөлуді былайша ұйымдастыра алады. Парақтарға тірек сөздерді (кітапхана, асхана, дәрігер бөлмесі) жазыңыз, оқушылар парақтарды таңдайды, оқиды және бөлмелерді атауы бойынша біріктіреді. «Кітапхана» тобы сұлбадан кітапхананы табады. Келесі топ – асхананы, ал үшінші топ дәрігер бөлмесін табады. Бұдан әрі мұғалім оқушыларға саяхат кезінде сұлбаны пайдалану тәсілдерін үйретеді. Бөлмелерге апаратын қысқа жолдарды табуға, ондағы адамдар мен заттарды анықтауға, оның неге арналғанын түсіндіруге тапсырма береді. Оқушылар мектеп сұлбасын алып, мұқият қарайды. Саяхат кезінде дәрігер бөлмесіне ерекше назар аударылады. Мұғаліммен бірге кабинеттен шығады. Саяхаттан кейін оқушылар жұмыс дәптерінде «Есіңе түсір және суретін сал» тапсырмасын орындайды.

Біздің мектепте қандай бөлмелер бар және олар неге арналған?» деген сұраққа жауап алудан бастасаңыз болады. Оқушылардың жауаптарын тыңдаңыз. Содан кейін олардан 1-суретке қарауын және суретте қандай бөлмелер бейнеленгенін, неге арналғанын және қайда орналасқанын айтуын сұраңыз. Суреттеген кезде оқушылардың «сол жақта», «оң жақта», «ортасында», «төменгі жақта», «жоғары жақта», «бірінші/екінші/үшінші қабаттарда», «жанында» және т.б. сөздерін дұрыс қолданғаны өте маңызды. Тапсырма қызықты болуы үшін «Көз алдыңа елестет» ойынын өткізуге болады.

Мектепте көптеген бөлмелер бар. Бұл – асхана, кітапхана, дәрігер бөлмесі. Әр бөлме белгілі бір қажетке арналған.