Мектепті бәсекеге қабілетті басқару туралы мақала

30 мектепті бәсекеге қабілетті етемін

Сейілханов Берік Дүйсенғалиұлы - 1977 жылы Әйтеке би ауданы,Қайрақты ауылында жарық дүние есігін ашқан.Еңбек жолын 1997 жылы Хромтау ауданындағы кәсіптік техникалық училищесінде бастаған.Қазіргі таңда Әйтеке би аудандық білім бөлімінің басшысы.Бұған дейін, Т. Жүргенов атындағы ЖОББ мектебінде директор қызметін атқарған.

Алғаш директорлық лауазымды алғанда қандай сезімде

болдыңыз?

— Мен 2008 жылы Т.Жүргенов атындағы ЖОББ мектебіне директор лауазымына тағайындалдым.Сол уақытта мектептің ауқымды болуы мені ерекше сезімге бөледі .Себебі, елді мекеннен келгеннен кейін аудан орталығындағы ірі мектептің жауапкершілігін сезіндім. Ең бастысы, үлкен мектептен,білімге құштар түлектерді жетілдіру мақсатқа айналды.

Тәртібі нашар оқушылардың болғаны анық.Олармен қалай жұмыс жасадыңыз?

— Мектепте жұмыс жасағанан кейін әр түрлі тәртіптегі оқышыларды кездестіреміз. Тәртібі өте нашар оқушылар болмайды,тәртібі орташа десек жөн болар еді.Оларға үнемі кешігетін,сабаққа келмей қалатын,оқушылар арасында жанжал шығаратындарды жатқызуға болады.Бұндай жағдайда, оқушының белгілі бір салаға деген қызығушылығын тауып, сонымен жұмыстану керек. Сол сәтте, тәртібі орташа оқушы ұстаздан келген қолдауды көріп, аз ғана уақытта тәртіпті оқушыға айналады.

Қазір білім бөлімінің басшысы болып сайландыңыз,бұл салада алға қойған қандай жоспарларыңыз бар?

— Басты мақсат қол астымдағы 30 мектепті заманға сай жабдықпен қамтамасыз ету.Білім сапасын көтеру үшін барымды салып,қала мектептеріне бәсекелес болатындай оқушыларды дайындау.Әрине, білімнен бөлек өнерге де көңіл бөлу керек. Мен мектептерде әр түрлі үйірмелерді ашамын деген жоспарым бар.

Қазақстанның білім сапасына қандай баға бересіз ?

— Өзіңізде біліп отырсыз,қазір жаңартылған білім бағдарламасына көшіп отырмыз.Бұлда жаңа бастама.Қазіргі таңда білім және ғылым министрі Асхат Аймағанбетовтың 2021-2025 ғылым мен білімді дамытудағы стратегиялық бағдарламасы құрылды.Кезең кезеңімен жыл сайын іске асып келеді.Бұл жерде жаңа мектеп салу ,мектеп интернаттарын салу т.б сынбы жұмыстар қарастырылған.Егер 2025 жылға дейін үздіксіз жұмыс жасайтын болса біздің білім әлемдік дәрежеге жететініе сенемін!

2020 жылғы статистикалық мәліметтер бойынша елде 19137 шетел азаматтары жұмыс жасап жатыр.Бұл Қазақстанда мамандардың дұрыс оқымағандығының кесірі ме ?