Мектептің 50 жылдық тарихы туралы мақала

Биылғы жылы біздің мектебімізде үлкен той, мереке. Сонау 1974 жылы іргетасы қаланған біздің мектебіміз бүгінде 50 жасқа толып отыр. Осынау жарты ғасырға жуық ғұмырында 50 рет алғашқы қоңырауы мен 50 рет соңғы қоңырауын соққан білім ошағы қаншама жас ұрпақты тәрбиелеп, білім нәрімен сусындатып келеді. Мектебімізден түлеп ұшқан түлектердің ішінде биіктің биігін, шыңның шыңын бағындырған, бірі хакім, бірі ғұлама болған шәкірттері қаншама. Осындай шәкірттерді тәрбиелеуде аянбай еңбек еткен ұлағатты ұстаздарымыздың еңбегі еш кетпейтініне сенімдіміз.

Бүгінгі 50 жылдық мерей тойы тойланып жатқан Түркістан облысы, Жетісай ауданы Білім бөліміне қарасты «А. Байтұрсынов атындағы №5 жалпы білім беретін мектеп» коммуналдық мемлекеттік мекемесі халқымыздың қадір қасиетін жан-тәнімен қабылдаған, ұлттық рухымыз бен рухани мұраларымыздың қайнар бұлақтарынан нәр алған, еліне, жеріне адал азаматтарды, небір дарындар мен даналарды шығарған және әлі де шығара берер киелі қара шаңырақ, руханият ордасы.

Бүгінде Жетісай қаласында 1974 жылы іргесі қаланған «А. Байтұрсынов атындағы №5 жалпы білім беретін мектеп» коммуналдық мемлекеттік мекемесіне 50 жыл толып отыр. Бұл мектеп тарихы Жетісай қаласы тарихымен тығыз байланысты болып табылады. Мырзаның шөлінде осы бір гүлденген мекен 1969 жылы қала статусын алған соң өсіп, өркендей» бастады. Тың жерлерді игеру, мелиорация жағдайларын жүргізу мақсатында көптеп жұмыс күштері жинақтала бастады. Оған мысал; «Казголстепводстрой» тресті, артынша №3 Жетісай ауыл құрылысы тресті ашылды. Бұл жағдай қала халқының өсуіне әсер еткендіктен қаладағы 5 мектеп балаларды оқумен толық қамтамасыз ете алмайтын болды. Осыдан мектеп салу қажеттілігі туындап бүгінгі 50 жылдық мерей тойы өтіп жатқан қазіргі «А. Байтұрсынов атындағы №5 жалпы білім беретін мектеп» коммуналдық мемлекеттік мекемесі сол кездегі А. С. Пушкин мектебін салу туралы шешім қабылданды. Бұл шешімнің қабылдануына сол кездегі қалалық депутаттар кеңесінің Әжібеков Сапарбектің басшылығымен аудандық ппартия комитетінің төрағасы Мороз Иван Константиновичке ұсынысы негіз болды. Бұл ұсыныс сол кездегі халық депутаттарының Аудандық кеңесі төрағасы Атай Емешов тарапынан қолдау тапты. 1974 жылы 19 нау

Алғашқы 1974-1975 оқу жылында мектепке 1106 оқушы қабылданып, 32 сынып, оның 18 орыс сыныптары, 14 қазақ сыныптары жарақталды. Алғашқы директор Мәжит Абишев ағамыз тағайындалып 1994 жылға дейін адал еңбек атқарды. 1994 жылдан мектепті 2012 жылға дейін Мұхан Әліпбеков ағамыз басқарған болса, 2012 жылдан 2023 жылға дейін Сауырбаева Гүлмира басқарды. Ал 2023 жылдың қаңтар айынан бастап мен, Донбаева Гүнар Орынбекқызы басшылық етуде.

Алғашқы кездері орыс-қазақ мектебі болып ашылған бұл мектепті таза қазақ мектебіне айналдыру мәселесі 1991 жылы 31 маусымдағы мектеп педагогикалық кеңесінде қаралып, қазақ мектебіне өткізу туралы шешім қабылданды. Педагогикалық кеңестің бұл шешімі Жетісай аудандық атқару комитетінде қолдау тауып мақұлданды. 1991 жылы 12 тамыздаЖетісай аудандық депутаттар кеңесінің шешімі негізінде мектебімізге қазақтың ақыны, әдебиет зерттеуші ғалым, түркітанушы, публицист, педагог, аудармашы, қоғам қайраткері, қазақ халқының XX ғасырдың басындағы ұлт-азаттық қозғалысы жетекшілерінің бірі, мемлекет қайраткері, қазақ тіл білімі мен әдебиеттану ғылымдарының негізін салушы ғалым, ұлттық жазудың реформаторы, ағартушы Ахмет Байтұрсыновтың есімі берілді.