Мен адаммын тақырыбына сабақ жоспары 5 сынып

Күні: 15,16.10.10.2018 ж

Мектеп: «Достық» ЖОМ

Сабақтың тақырыбы: Мен – адаммын! (7 сабақ)

Құндылық: Дұрыс әрекет

Қасиеттер: мейірімділік, қамқорлық, қайырымдылық

Мұғалім: Алиханова.Д

Сынып: 5 «А», «Ә»

Сабақтың мақсаты:

-үйлесімділік таба отырып дұрыс әрекет құндылығының мәнін ашу

-оқушыларға жақсылық, қайырымдылық жасаудың мағынасын түсіндіре отырып, мейірімділік қасиеті туралы түсінік беру.

- оқушыларды өзіне және өзгелерге қайырымды іс жасауғааа, өзін кемелдендіруге баулу арқылы қамқорлық қасиетіне баулу.

-оқушыларды жақсы адам болуға, қайырымдылыққа тәрбиелеу

Ресурстар:

Мультимедиялық тақта, оқулық, дәптер, мақал-мәтел, дәйексөз, маркер,

аққағаз, гүл, жүрек, көбелек суреттері

5 «Т» ережесі.

тәртіп, талап,тыныштық,татулық,тазалық

Тыныштық сәті . Нұрға бөлену. Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды

өтіп, тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден кеудеңіз ге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашу да. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқындап және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге,достарыңызға, таныстырыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.