Мен адаммын тақырыбындағы сабақ жоспары, 5 сынып

Өзін-өзі тану пәнінің жоспары

Тақырыбы: Мен адаммын

Құндылық: Дұыс әрекет

Қасиеттер: мейірімділік, қамқорлық, қайырымдылық

Сынып: 5 «ә,а»

Оқушы саны: 25

Сабақтың мақсаты: оқушыларға жақсылық, қайырымдылық жасаудың мағынасын кеңейте отырып, дұрыс әрекет құндылығының мәнін ашу.

Сабақтың міндеттері: оқушыларға мейірімділік қасиеті туралы түсінік беріп, өзін-өзі тәрбиелеу туралы халық даналығымен қалыптастыру;

-оқушыларды өзіне және өзгелерге қайырымды іс жасауға, өзін кемелдендіруге баулу арқылы қамқорлық қасиетіне баулу.

-оқушыларды жақсы адам болуға, қайырымдылыққ, шыншылдыққа мейірімділікке тәрбиелеу.

Ресурстар (құралдар, мәліметтер):

Оқулық, дәптер, шарлар, стикерлер, күн суреті, жүрекше, ақ парақтар.

Ұйымдастыру бөлімі.

Өзін-өзі тану 5-Т ережесі мен құндылықтарды еске түсіру.

«Бұзық телефон» ойыны

Үй тапсырмасын сұрақтар арқылы талдау.

«Қарапайым адам» аңыз мәтінін мазмұндау.

-Адамды қалай тануға болады?

-Жақсылық жасау үшін адамға қандай қасиеттер қажет?

-Қарапайым адам деп кімді айтамыз?

-Адам жақсылықты не үшін жасайды деп ойлайсыңдар?

-Өзіңе басқалар жақсылық жасаған кезде қандай күйде боласың?

Сабақ барысын талдау

Дәйексөз.

Адам деген ардақты ат.

Халық нақылы

Әңгімелеу:

Ертеде екі данышпан өмір сүріпті. Біреуі өз шәкірттеріне: «Көп затты танып білу үшін қиындықтарды жеңе білу керек, шыңға өрлеп, биік асудан өтіп үйрену қажет», - дейді екен. Ол өз шәкірттерін адам аяғын баспаған құзды шыңдарға апарып, биік асулардан, тар соқпақтардан өтуге үйретеді. Екіншісі болса: «Ақылды адам шыңға өрмелейді, оңай жолын іздейді», - деуден жалықпайды. Ол өз айтқанынан қайтпай, шәкірттерімен сол шыңды айналып, жеңіл де оңтайлы жол іздеуден танбайды. Алғашқылары қиындықты жеңе отырып, өмірден көп нәрсені үйренеді, өздерінің мүмкіншіліктерін, қабілеттерін дамытып, шыңды бағындырады. Сөйтіп, айналсындағыны алыстан көруін үйренді. Соңғылары қиындықтан қаша жүріп, асуды айналып өтеді, жолда не іліксе, соған риза болады. Олар тек жанындағыны ғана көргендеріне мәз болады.

Өзіңді, өмірді танып білу үшін қиындықтан жасқанбай, «тар жол, тайғақ кешуден» тайсалмау керек.

Сұрақтарға жауап беру:

•«Алыстан көруін үйренеді» дегенді қалай түсінесіңдер? •Сендер танымның қай жолын таңдап алар едіңдер? Неге? •Қай данышпанның тағылымы табандылыққа, болашақты болжауды үйретеді? Неліктен?

Шығармашылық жұмыс.