Мен еліктеген Айша апай туралы мақала, 1 сынып

ҒИБРАТ

МЕН ЕЛІКТЕГЕН АЙША АПАЙ

«Мұғалім мәңгі нұрдың қызметшісі, ол барлық ой мен қимыл әрекетіне ақылдың дәнін сеуіп, нұр құятын тынымсыз жалын иесі».

Чех педагогы Коменский

Тәуелсіз елдің жаңа ұрпағын бәсекеге қабілетті, өзіне-өзі сенімді, дүниетанымы дұрыс қалыптасқан азамат етіп тәрбиелеуде білім ордасы – мектептің орны айрықша. Мектеп өмірі балаға жаңа әлемнің есігін ашып, қоршаған ортаға деген пікірін қалыптастыратын, рухани дүниесіне серпін беретін алғашқы баспалдағы деп айтуға болады.

Сонымен бірге тәрбиелік жұмыстардың мәселелеріне терең бойлауға бастайтын, күнделікті тұрмыстағы кездесетін жағдаяттарға дұрыс ой жүгіртуге, оларды түсінуге бағыттайтын алғашқы баспалдақ десек қателеспейміз. Осы күрделі кезеңде, оқушының руханиятына әсер ететін, олардың адамгершілік тұлғасының қалыптасуына ықпал ететін адам - ұстаз десек қателеспейміз.

Ұстаз – алдындағы шәкірттерін білім нәрімен сусындатып, бойындағы жақсы қасиеттерді шәкіртке дарытатын еңбегі зор тұлға. Сондықтан да болар ол шәкіртке өзінің қасиетті бітім-болмысымен ерекшеленіп тұрады. Қарасақ барлық адам баласының үлгі тұтатын, өзінің еліктейтін мотиваторы болады. Меніңде сол секілді өзімнің бала кезімнен қызығып өскен, еліктеген ұстазым болды. Ол бастауыш пәнінің мұғалімі, математик Шаңбасова Айсұлу Рзақұлқызы.

2001 жылы алғаш мектеп табалдырығын аттағанда, өзінің құшағын жайып, білімге баулыған апайды әлі күнге үлгі тұтамын. Өзінің іскерлігімен, білімге мықты жан-жақтылығымен, сабырлы, нақты сөйлегіштігімен Айсұлу апайды біз Айша апай дейміз. Айша апайымыз көз алдында өскен балапандарына ерекше мейіріммен қарап, үнемі мақтап отыратын, ағат кеткен жеріміз болса керек кеңесін айтып, бойымызды тіктетін. Әр берген сабағына жіті мән беретін. Әлі есімде төртінші сыныпта жүргенде ана тілден өтірік өлең тақырыбын өттік. Апайдың тапсырмасы бойынша барлығымыз шығарма жаздық. Сол уақытта барлығымыздың жазғанымызды оқып, әр сөзіне мән беріп мені «Авторданда да мықты жазыпсың» , -деп оқушылар арасында бір мақтағаны бар. Ұстазыммен байланысты осындай балалық естеліктерім көп-ақ. Қазақта «Бір әріп үйреткенге, еңкейіп сәлем берсеңде артық болмайды» деген аталы сөз бар. Құрметтен туындаған сөз болса керек. «Ұстаз деген ұлағатты атауды естігенде, күні бүгінге дейін өзімді шәкірттей сезінемін» деген Серке Қожамқұловтың сөзінен ұстаз қауымына деген үлкен құрметтеушілікті…