Мен есірткі жайлы айтып беремін оқушы жұмысы

«Мен есірткі жайлы айтып беремін...»

Адам денсаулығы – қоғам байлығы, әрбір адам өз денсаулығының мықты болуы жолдарын қарастыру керек. Дені сау адам еңбекке әрқашан да құлшыныспен кіріседі. Ұлтымыздың болашағына қауіп төндіріп отырған есірткі , арақ, темекінің келтірер зияны ұшан теңіз.Қазақпын мен жетті жұтты өткерген,Аман - есен өтіп келген өткелден.СПИД деген аждаһа бар, сақ болайық,Дүниені орап келер беткейден.Обасы ол ХХІ ғасырдыңАйырмаған досың менен қасың кім?Мың - миллиондап жеп келеді жегіқұрт,Қиылуда қыршынынан жасыл гүл.Солардың бірі – сол құрдымға бастаған,Маскүнемдік, есірткі теңеу бар ма оған? Есірткі - бұл адамның көңіл - күйін, сана - сезімін, мінез - құлқын бұзатын қауіпті, тыйым салынған химиялық зат.Ол адамның есін алып, құмарлық желігіне ұшыратады, есірткісіз өмір сүре алмайтын бейшара халге жетеді. Адам организміне түсетін барлық есірткі түрлері қан арқылы адамның барлық дене мүшесіне әсер етеді. Оның қызметін бұзады, уландырады.

Есірткіні алғаш қолданған адамның басы қатты ауырып, әлсіздік басады.Есірткіні анда-санда қолданатындардың іші өтеді, асқазаны ауырады, тамаққа тәбеті болмайды, жиі құсады, аяқ-қолдарының сіңірі оқтын -оқтын құрысады. Тері, жұқпалы ауруларымен жиі ауырады. Тері ауруларына, жұқпалы жыныс ауруларына, өкпе қабынуына шалдығады. Тамаққа тәбеті жоғалады, жиі шөлдейді. Олардың көз жанары солғын болады. Есірткіні жиі қабылдайтындардың миы әбден есірткіге үйреніп кетеді, тиісінше мидағы эндорофин заттары оған үйренеді де жүйке жасушаларын өлтіре береді. Адамның миы ештеңеге зейін қоймайтын, әлсіз болып қалады. Нашақорлық - бұл қоғамды улаған індет болып табылады.Қанша жерден бұл туралы ащы шындықтар айтылып жатса да,қоғамымыз әлі де бұл кеселден арылмай отыр.Нашақорлықтың зардабы өте көп.Ол әсіресе жас жеткіншектердің өміріне балта шабады, яғни адам өміріне кері әсерін тигізеді.

Есірткіні бір татып көрген адам оның торына қалай түскенін де аңдамай қалады. Есірткінің кесірінен қаншама отбасы талқандалды, қаншама нәресте ауру күйге ұшырап, о дүниелік болды. Бұл кесірдің әкелген кеселін тізе берсек, шегі жоқ-ау. Қазағым «Сатып алған аурудың емі жоқ» деп бекер айтпаса керек.