Мен өскенде кім болғым келеді оқушы жұмысы

Мен өскенде кім болғым келеді?

Қазіргі таңда менің ойымша кандай мамандық болсын адам өмірі үшін маңызы зор. Мысалға алатын болсақ: дәрігер, өрт сөндіруші, полиция қызметкері, спортшы, мұғалім сияқты тағы да басқа мамандықтар. Осыларды ашып айтсақ, адам өміріне араша түсуші – дәрігер қызметкері, әртүрлі апаттық жағдайлардан қорғаушы – өрт сөндірушілер, түрлі қылмыстық оқиғалар мен зорлық, жапа шегуге байланысты – полиция қызметкерлері, балаларға білім нұрын беретін – мұғалім. Мен де болашақта елге, халыққа пайдасы орасан зор сондай бір мамандық иесі болғым келеді. «Спорт – денсаулық кепілі» дегендей мен спорт саласын таңдадым. Спорт денсаулық үшін де, өзіңді қорғау үшін де қажет.

Мен өскенде – қазақ елінен шыққан күресші-бапкер болғым келеді. Әрине, ол үшін көп еңбектену керек. Мен күресші-бапкер болу үшін өзімді аянбай еңбек етуге баулимын. Ол үшін күрес үйірмесінен қалмай, әдіс-тәсілдерді жетік меңгеруім керек. Мен бапкер ағаларымнан үлгі алғым келеді. Жақсылық Үшкемпіров атамыздай қазақ елін әлемге танытып, паш етсем деймін. Басқа елде үлкен жарыстардан жеңіске жетіп, жүлделі орындар алып қазақ елінің туын желбіретіп, Әнұранымды шырқатқым келеді. Мен сол өзімнің ойлаған армандарыма қол жеткіземін деп алдыма мақсат қойдым. Жыл жарымнан бері «Қазақша күрес» үйірмесіне қатысамын. Қалалық, облыстық жарыстарға қатысып, жүлделі орындарға ие болып жүрмін. Нұрсұлтан атамыз айтқандай «Спорт-денсаулық кепілі» деген қағиданы басты назарда ұстаймын. Спорттың денсаулыққа пайдасы өте зор екенін қатар достарыма айтқанмын. Қазіргі таңда менің Мадияр, Мағжан, Жәңгір деген достарым менімен бірге күрес үйірмесіне қатысып жүр. Елбасымыз айтқандай «Болашақ жастардын қолында» дегендей қазақ еліміздің әр азамат, азаматшасының спортқа қатысқанын қалаймын. Ел болашағы – біздің қолымызда.

Мен өз ойымды қорытындылай келе осы алға қойған мақсаттарыма қалай да аянбай еңбек етіп, тер төгіп жету. Ел абыройын, ата-анамның абыройын асқақтату менің басты арманым. Өз елімнің мақтанышы, патриоты боламын.