Мен кішкентай патриотпын тәрбие сағаты 2 сыныпқа

№3 жалпы орта білім беретін қазақ мектебі

Білім күніне арналған тәрбие сағаты.

Тақырыбы:

Мен кішкентай патриотпын

Сынып жетекшісі: Шиланова.Ж.Д

2018 жыл

Сабақтың тақырыбы: «Мен кішкентай патриотпын» Сабақтың мақсаты:

а) Оқушыларды саяси саналылыққа, достыққа, адамгершілікке, саналылыққа, елінің мұрасын жалғастырушы азамат болуға тәрбиелеу. «Патриот » деген сөздің терең мәнін түсіндіріп өту.ә) Елін, жерін, тілін, әдет-ғұрпын құрметтейтін, өз Отанын сүйетін тұлға қалыптастыру. Балаларды Отанға деген мақтаныш, патриоттық сезімін дамыту.б) Тілін дамыту, ойын жеткізе білуге үйрету. Отанды сүюге, ата заңымызды қадірлеуге, туған еліне, жеріне деген сүйіспеншіліктерін арттыру. Отанды сүю – от басынан басталады.Отансыз адам,

Ормансыз бұлбұл.Кісі елінде сұлтан болғанша,

Өз еліңде ұлтан бол.Мақалдардың мағынасын талқылап, түсіндіру, балалардың пікірлерін тыңдау.Көрнекіліктер: суреттер, қарындаштар, ақ қағаз, түрлі - түсті қарындаш.Жаңа сабақпен таныстыру.

Қазақстан Республикасының әнұраны орындалады.

Мұғалім сөзі: Құрметті оқушылар сіздерді бүгінгі білім күнімен және кеше ғана өткен 30 тамыз Конституция күнімен құттықтаймын. Еліміздің болашағы сіздер Ата Заңымызды құрметтеп, білімді, тәрбиелі болуы керек.

Өркендедік, ел болдық та кемелді,

Тереземіз өзгелермен теңелді.

Елім менің Ата Заңын ардақтап,

Егемендік шуағына бөленді.

Сұрақ - жауап.- Балалар «патриот» деген сөзді қалай түсінесіңдер?- «Патриот» қандай болу керек деп ойлайсыздар?- Интерактивті тақтамен жұмыс: «Патриот» болудың өсиетті сөздері бар екен, қане тыңдайық: /слайд арқылы көрсету/ Патриот – ұлтын сүйетін, өз тарихын, туған тілін құрметтейтін, ұрпақтан – ұрпаққа жалғасқан салт – дәстүрін дәріптейтін, ұлттық қадір – қасиеттерімізді арттыруға үлес қосатын саналы тұлға. Туған елі үшін үнемі тер төге қызмет етіп, халқымыздың мол рухани құндылықтарын бағалай білетін асыл адам.

Отан – әр адамның жүрегіне жылы тиер қасиетті сөз. Отан – бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді. Біз Отанымызды, елімізді сүйеміз. Біз, Қазақстанның патриотымыз!

Бұл сабақта әрбір азаматтың қандай құқығы мен міндеті бар екендігін түсінеміз.Азаматтың құқығы ғана емес, азаматтық парызы да бар.Әрбір азаматтың төлемақысыз білім алуға, дәрігерге қаралуға, бір -…