Мен – өз елімнің патриотымын, 4-сынып тәрбие сағаты

Тәрбие сағаты

тақырыбы: «Мен – өз елімнің патриотымын»

Білім сабағының тұжырымдамалық идеясы: қоғам мүддесінде азаматтық, әлеуметтік әрекеттерге дайындықты қамтамасыз ететін өскелең ұрпақты патриотизмге тәрбиелеудің қажеттілігі

Таңдау негіздемесі.

- МӘҢГІЛІК ЕЛДІҢ жеті берік негізі ретінде Жаңа Қазақстандық Патриотизмді түсінуге арналған мемлекет орнатудың белгілері:

1) Тәуелсіздік және Астана, Жалпыұлттық бірлік;

2) бейбітшілік пен келісім;

Мақсаты – қоғамда өздерін көрсете және өз еліне пайдалы бола алатын, Жаңа Қазақстандық Патриотизмнің құндылықтары мен мұраттары жүйесін иеленетін білім алушы-патриот тәрбиелеу.

Міндеттері:

- жаңа білімді, ақпараттық ресурстарға сүйене отырып зияткерлік қажеттіліктерін меңгеруін қамтамасыз ету;

- ұлттық рәміздер, негізгі құндылықтар, жаңа қазақстандық патриотизм, «Мәңгілік Ел», ұлттық сана ұғымдарын меңгеруге көмектесу;

- зерттеу, шығармашылық, коммуникативтік құзыреттіліктерін дамыту;

- шығармашылық дамыту;

Ресімдеу

Мемлекеттік Елтаңба, Мемлекеттік Ту бейнеленген плакаттар. Қазақстан Республикасының картасы

Сабақтыңтехникалыққұрал-жабдықтары: бейнепроектор

Мақсаты: Барысы: 1. Ұйымдастыру.

Бүгін 1 қыркүйек – Білім күні. Әрбір адам баласының өміріндегі елеулі күн. Өйткені, Білім күні – өз мектебін сүйетін және ұмытпаған адамдардың дәстүрлі мерекесі.

2. Негізгі бөлім-Отан – әр адамның жүрегіне жылы тиер қасиетті сөз.Отан –сенің туған елің, туған жерің, дос –жарандарың, туған туысқаның. Отан- бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді.Біз Отанымызды, елімізді сүйеміз. Біз – Қазақстанның патриотымыз! Отан деген не, кім қалай түсінеді? Көп аузынан түспейтін, Отан деген немене? Оның тұлға түс кейпін, Достым білгің келе ме?

-Біздің Отанымыз қалай аталады?-Қазақстан Республикасы.- Біздің Отанымыз – Қазақстан Республикасы. Сан ғасырлар бойы ата-бабаларымыз жерін жаудан қорғап, бүгінгі ұрпақ – бізге жеткізді. Қазақстан жер көлемібойынша 9 орында тұр.Қазақстанда үлкен қалалар көп. Олар: Алматы, Астана, Қарағанды, Шымкент, Көкшетау, Қостанай, Ақтау, Павлодар, Ақтөбе, Тараз, Қызылорда, Өскемен, Семей және туған қаламыз – Талдықорған. Бұлар – әдемі қалалар.Астана- Отанымыздың бас қаласы, астанасы. Астана қаласын қазір бүкіл ел біледі.

- Қазақстан – тәуелсіз, егеменді, көп ұлтты мемлекет. Онда қазақтар, орыстар, ұйғырлар, өзбектер, корейлер, украйндер және тағы басқа ұлттардың өкілдері тұрады. Олар тату-тәтті, бірлікте өмір сүріп жатыр.

-Қазақстан Республикасының президенті кім?

- Нұрсұлтан Әбішұлы Назарбаев.