Мен өз елімнің патриотымын тәрбие сағаты 10-сыныпқа

Талдықорған қаласы Абай атындағы №1 орта мектеп-гимназиясы

Тақырыбы: «Мен – өз елімнің патриотымын» Мақсаты: Оқушыларды елімізде тұратын ұлттар мен ұлыстардың арасындағы достық пен ынтымақты дәріптеу, Қазақстанға деген патриоттық сезімін ояту. Өзара жағымды қарым – қатынасты дамыту, Отанына адал қызмет етуге, болашаққа сеніммен қадам басу, жас ұрпақты отаншылдыққа, адамгершілікке елжандылыққа тәрбиелеу. Отанды сүюге, құрметпен қастерлеуге, өз елін, тегін, тарихын білуге тәрбиелеу Қойылымның міндеттері: Бүгінгі жас ұрпақты Тәуелсіздіктің келу тарихына үңілдіре отырып, ата-бабамыздың арманының орындалғанын көрсету: Арқа төсіндегі Астанамыздың 20 жылдық тарихы туралы сыр шерте отырып, өз тарихын меңгеруге баулу Өтілетін орны: мектептің алды, фойе, мәжіліс залы Өтетін уақыты: 2018 жыл Құрастырған: қазақ тілі пән мұғалімі Досыкенова Алма Рахымберліқызы Жүргізушілер: 1. 10 «Б» - сынып оқушысы Рахымберлин Шамиль 2. 11 «Б» - сынып оқушысы Мұқатаева Ділназ

І БӨЛІМ (Мектептің алды. Қонақтар жиналған соң, шағын әскери шеру жүріп

өтеді. «Қара жорға» биі орындалады)

1-жүргізуші: Бірлігі мен ынтымағы халықтың, Көзімізде жарқырайды жарық күн, Ырыс, дәулет, бақыт үшін халықтың, Жайнай берсің, жайнай берсін жарық күн!

2-жүргізуші: Достық бізге тым ыстық, Бірлік – байлық, ырыс – құт. Жарқырасын күніміз, Жаса, жаса тыныштық

1- жүргізуші: - Ассалаумағалиейкум, қадірменді қауым!

2- жүргізуші: - Армысыздар, ағайын!

1-жүргізуші: Ата салтты – ардақтар Әрбір сөзді салмақтар! Аманбысыз, Қазынам! Ойы терең, Қарттарым!

2-жүргізуші: Көп жасаған қария Ақылы теңіз – дария! Көп өнеге сөзі бар Қош келіпсіз, Ардағым!

1 – жүргізуші: Қазағымның данышпаны, данасы, Ұлы тұлға Құнанбайдың баласы. «Абай» атты бір періште келгенде Тербеліпті ұлы қазақ даласы.!

2-жүргізуші: - Қазақ даласын терең ойымен тебіренткен ұлы Абай атындағы қаламыздың №1 орта мектеп-гиназиясына хош келдіңіздер!

1-жүргізуші: - Өздеріңіздің игі бастамаларыңызбен ұйымдастырылып отырған «Мен – өз елімнің патриотымын» атты әдеби-танымдық кешіміз басталды!

ІІ БӨЛІМ (Қонақтар мектепке кіреді. Фойеде екі көрме ұйымдастырылған. Бірі –

Абай оқуларына. Ол жерде оркестрдің орындауындағы сазды сәлемді

тыңдайды )

1-жүргізуші: - Ақын Қадір Мырза әлі: «Нағыз қазақ – қазақ емес, нағыз қазақ – домбыра!» деп, қазақ халқын, дархан даланың терең тарихын танығың келсе, қасиетті қара домбыраның үні мен шежіресіне жүгін деген екен.

2- жүргізуші: - Мектебіміздің жас ұстаздары мен оқушыларынан құралған ансамбліміздің орындауындағы «-----» күйі

(Екінші көрме. «Астанаға 20 жыл!» көрмесі. Өзге ұлт өкілдерінен

құралған оқушылар тобы Астана тарихымен таныстырады)

Астананың 20 ж ылдығына арналған көрме.

1 – оқушы. Милена 1997 жылы 20 қазанда Нұрсұлтан Назарбаев «Ақмола қаласын Қазақстан Республикасының астанасы деп жариялау» туралы жарлыққа қол қойды. 1997 жылы 10 желтоқсанда президент Н.Назарбаев ұсынысы бойынша Қазақстанның астанасы ресми түрде Алматыдан Ақмолаға көшірілді. Ақмола қаласы Қазақстан Республикасының Жаңа астанасы болды. Бұл шешім көптеген себептерге, ең алдымен экономикалық және геосаяси сипатқа байланысты болды.

2 – оқушы . Дарья Башар. 1998 жылы 6 мамырда Ақмола қаласына Астана қаласы деген атау берілді. Қаланың атауы қазақ тілінен алынған. Қазақша ол сөз «Елдің бас қаласы» дегенді білдіреді. «Астана» сөзі қазақ тіліне парсы тілінен ауысқан. Онда ол «киелі орын», «босаға» деген мағыналарға ие. 1998 жылдың 10 маусымында Қазақстан Республикасының жас астанасының тұсаукесер тойы болды. Биыл 6 шілдеде Астананың 20 жылдық мерейтойы болады.

3 – оқушы. Дмитрий. Қаланың сәулеттік бітімін әзірлеуде президент Н.Назарбаевтың қалаға Еуразиялық келбет беру туралы идеясы назарға алынды. Құрылыста Еуразиялық технологиялар қолданылды. Жергілікті фирмалармен бірге түрік, италия, француз, швейцар компаниялары қатысты.

4 – оқушы. София Н. 1999 жылы ЮНЕСКО – ның шешімі бойынша Астана қаласына «Әлем қаласы» деген атақ берілді және «Бейбітшілік қаласы» деп аталды. Астана – ХХІ ғасыр қаласы. Жаңа Астана тағдыры жас ұрпақ тағдырымен, жастардың үмітімен тығыз байланысты.

5 – оқушы. Софья Д. Қаланың ортасынан ағып өтетін Есіл өзенінің екі жағындағы қалың қамыстың орны қала халқы демалатын жағажайға айналды. Осының бәрі Н.Назарбаевтың еңбегі.

6-оқушы. Инесса. Қазақстан халқы 1 желтоқсан күні еліміз үшін елеулі оқиға –Тұңғыш Президент күнін атап өтеді. 2011 жылы ел Парламенті 1991 жылғы 1 желтоқсанда өткен Тұңғыш Президент сайлауына қатысты осындай шешім қабылдаған болатын. Себебі тәуелсіз Қазақстанның іргетасын қалап, шекарасын шегелеп, болашаққа бағыт-бағдар берген Тұңғыш Президенттің халық алдындағы еңбегі ұшан-теңіз.

7-оқушы. Элеонора. Сәл тарихқа шегініс жасар болсақ,1991 жылғы 1 желтоқсанда, алғаш рет жалпыхалықтық сайлау өтіп, егемен Қазақстанның негізін салушы – Нұрсұлтан Назарбаев тұңғыш рет Президент болып сайланды. Елбасының салиқалы саясатының арқасында тәуелсіз Қазақ елі қалыптасып, тарихымыз түгенделіп, тіліміз, дініміз және діліміз қайта оралып, мемлекетіміздің ұлттық рәміздері қабылданды.

8-оқушы. Ростислав. Расында да Қазақстанды қазірде әлем мойындайды. Найзаның ұшы, білектің күшімен ата-бабадан қалған елімізді бүгінде 27 жылға жуық басқарған Н.Ә.Назарбаев Қазақ елінің туын көкке көтеріп, әлем танымастай етіп өзгертті.

9 – оқушы. Эвелина. Қазақстанның бас қаласы 2000 жылдан бастап Астаналар мен ірі қалалардың халықаралық ассамблеясының мүшесі.

10-оқушы. Софья Р. Елордада Әлемдік және дәстүрлі діндер лидерлерінің съездері, Астана экономикалық форумы және өзге де маңызды халықаралық оқиғалар тұрақты түрде өтіп келеді. Астанада Еуропадағы Қауіпсіздік және ынтымақтастық ұйымының тарихи саммиті, Шанхай ынтымақтастық ұйымы мен Ислам ынтымақтастық ұйымының мерейтойлық саммиттері болып өтті.

11-оқушы. Милана 2011 жылдың басында республиканың елордасы VII Қысқы Азия ойындарының қатысушылары мен қонақтарын қабылдады.

12-оқушы. Денис 2017 жылы Астанада «Expo-2017» халықаралық көрмесі өтті.

13-оқушы. Данил О. Астана — Азия астаналарының ішінде солтүстік полюске ең жақын орналасқан.

14-оқушы. Роберт. Астана — ғаламшардағы ең суық астаналардың бірі, Моңғолия астанасы Ұлан-Батырдан жылы, Канада астанасы Оттавадан суық

15- оқушы. Анастасия. Әлемдегі астана аталатын астаналар тек қана Қазақстан астанасы — Астана қаласы және Оңтүстік Корея астанасы — Сеул қаласы. 16- оқушы. Амина Жаңарып ай,жылдарым, Жаңарып күн, Жаңғырып есімдері сан алыптың Күн шуақты Астана бой көтерді, Белгісіндей Бейне бір даналықтың 17-оқушы. Таир Астанам - бағы биік асқарымсың, Астанам – мәнгі жарық аспанымсың, Астанам пейіш қалам,ел арманы, Астанам – қайда жүрсем мақтанышым.

18-оқушы. Дарья Сән берген Сарыарқадай гүл өңірге Жайнаған Отанымның жүрегінде. Астанам - бақ ошағым,түп қазығым, Айналған бар қазақтың тірегіне.

19-оқушы. Дарина Ғұмыр ойы күресіп қайран бабам, Осы күнді аңсаған, армандаған. Сарыарқаның төсінде бой көтерді. Қазақтың Астанасы – арман қалам!

20 -оқушы. Злата Астанам! Ару қалам, асқақ ордам, Қалың жұрт, қазағыма қақпа болған. Ту ұстап, тұлпар мінген бабаларым, Бермеген ел намысын жатқа қолдан.

2-жүргізуші: - Абылай ханның арманының бірі – қала салу еді. Астана - Бабамыздың осы арманының орындалғанының бір белгісі.

1-жүргізуші: - Астана – Мәңгілік елдің мәдени орталығы. Ғылым мен білімнің ордасы. Еліміздің көгілдір туы желбіреген тәуелсіздігіміздің ордасы.

2-жүргізуші: - Дұрыс айтасың, Шамиль!

(21-23 оқушылар Гимн мен Елтаңбаның қасында тұрады) 21-оқушы . Айзере Тыңдаңыздар, мөлдір аспан, бұйра қырат, Таулардан сылдырап бір құла бұлақ! Тыңдаңыздар балдырғанның әсем әнін, Көпшілік, салыңыздар жырға құлақ.

Желбіресін байрағың желді күнде, Биіктесін мәртебең елдігің де. Таныта бер, Ұлы Тіл, бар әлемге Керегеңнің кеңдігін де, теңдігін де.

Сәулесі бар нұрыңда таңғы үміттің, Басын қосқан сан халық, сан ғұрыптың. Даңқың артсын, егеменді елім менің Серігіңе айналшы Мәңгіліктің!

22 – оқушы. Перизат Қазақ жері-қонақжай төрдің жері Қазақ елі-Қас сақтай ердің елі. Елі кедей болмаған, жері байтақ, Еділ ердей, Бабырдай шерлер ері.

Қазақ жері көп шеккен қасіретті Қазақ ері-өнерлі ,өсиетті. Египетті билеген Бейбарыстың Елі –текті, киелі, қасиетті.

Қорлаған жау, басқыншы халыққа мұң, Қорғаған ер, ойлаушы халық қамын. Қобыланды, Ер Тарғын, Алпамыстар Қорғап қалды ел бағын, алыптарым.

23-оқушы. Өздерің айтқандай қазақ елі-сонау Алтайдан Пиренейге дейін билік еткен Еділ батырдың елі. Қазақ елі-асқан батырлығымен, ақыл ,парасаттылығымен Египет еліне билік жүргізген Бейбарыстың, Үндіні билеген Бабырдың елі. ХҮ ғасырда қуатты қазақ хандығын құрды. Алайда қазақ мемлекеті бейбіт, тыныш өмір сүре алмады. Ұлан-байтақ елімізге жан-жақтан көз тігіп, ойран салушылар көбейді.

1-жүргізуші: - Иә, тәуелсіздік бізге жай-жай келген жоқ. Ол найзаның ұшымен, білектің күшімен, қайтпас қайсарлықпен келген еді

2-жүргізуші: - Тарих тамыры тереңде. Соның аздаған парағымен танысу үшін Сіздерді мәжіліс залына шақырамыз

(Қонақтар мәжіліс залына келіп отырады. )

ІІІ БӨЛІМ 1. Қонақтар орындарына отырғанша, қазақтың баяу әсем әні

орындалып тұрады