Мен өзіме сенемін 11 сыныпқа арналған ашық сабақ

Шеңбертал орта мектебі

ПСИХОЛОГИЯЛЫҚ

ТРЕНИНГ

Тақырыбы: « Мен өзіме сенемін» психологиялық тренингі

Сыныбы: 11 сынып

Уақыты: 20.01.2017 жыл

Өткізген: С.Баймұханов мектеп психологі

2016-2017 оқу жылы

«Мен өзіме сенемін» психологиялық тренингі

Психологиялық тренинг мақсаты:

Оқушыға өз өмірінің субъектісі екеніне көзін жеткізуге көмек жасау. Сонымен қатар ҰБТ-ның жаңа форматын тапсыру кезінде барынша толық өз мүмкіндігін іске асыру. Біздің қолдауды қажет ететін оқушыларғы көмектесу: үздіктер және ҰБТ-ның жаңа форматына дайындық кезінде белгілі бір қиындықта, түлектерге жағымды психоэмоционалды күйіне жетуге тиімді жағдай тудыру.

Міндеттері:

ҰБТ-ның жаңа форматына дайындық тиімділігін арттыру.

ҰБТ-ның жаңа форматы кезінде психологиялық тұрғыдан дұрыс ұстау.

Ойлау жұмысын дамытуға әрекет ету.

Шешуші сәтте өзін жұмылдыра білу.

Өз эмоцияларын басқара алу.

Тренингтің жоспары:

«Танысу» жаттығуы

«Дыбыстық гимнастика»

«Өз жұбыңды тап» жаттығуы

Түлектерге арналған аффирмация (Аффирмация тақтадан көрсетіліп, дауысталып оқылады.)

«Ойымды аңғар» ойыны

«Эксперимент» жаттығуы

Өміршеңдік ережелер.(Ережелер интерактивті тақтадан көрсетіледі, қатысушылар бірге оқиды.)

«Шындықты айтқанда» жаттығуы

Қорытындылау. «Тілек бәйтерегі».

Құрал-жабдықтар: Слайд, ақ қағаз, қалам, түрлі-түсті карандаштар, кеспе қағаздар.

1. «Танысу» жаттығуы

Қатысушылар шеңбер бойы тұрып әр қайсысы өз есімдерінің бас әрпінен басталатын адамның асыл қасиеті туралы айтып береді.

2 . «Дыбыстық гимнастика»

Нұсқау: Психологтың нұсқауы бойынша берілген әріптерді хормен қайталау. Психолог айтылған әріптердің адам ағзасы үшін маңыздылығын түсіндіреді.

А – дыбысы, барлық ағзаның жұмысын жақсартады

Е – дыбысы, қалқанша безінің жұмысын күшейтеді

И –ми, көз, құлақ, мұрынның жұмысын жақсартады

О –жүрек және өкпенің жұмысын белсендіреді

Х- барлық ағзамыздың тазаруына көмектеседі

Ха – ха – көңіл күйді көтереді.

3. «Өз жұбыңды тап» жаттығуы. Қатысушылар шеңбер құрап отырады. Мен сіздерге жануарлардың аттары жазылған текшелер таратып беремін. Атаулар екі текшеде қайталанған. Мысалы, егер сіздің қолыңызда піл деп жазылған болса, сіз тағы біреудің қолында сондай текше бар екенін біліңіз. (Жаттықтырушы текшелерді таратады, егер қатысушылар саны тақ болса, жаттығуға жаттықтырушы өзі де қатысады). Сіздің текшеңізде не жазылғанын оқыңыз. Жазуды сіз ғана көруіңіз керек. Енді текшені жинап қойса болады. Әрқайсысыңыздың міндеттеріңіз өз сыңарыңызды табу. Бірақ, сөйлеспейсіздер, өзіңіздің жануарыңызға тән дыбыстар шығармайсыздар, тек әртүрлі қимылдар арқылы кез-келген әрекетті үнсіз жасайсыз. Егер өзіңіздің жұбыңызды тапсаңыз, бірге тұрыңыз, бірақ үндемейсіз, сөйлеспейсіздер. Тек барлығы өз сыңарын тапқан кезде ғана, қандай нәтиже болғандығын тексереміз. Топ мүшелері өз сыңарын тапқаннан кейін, жаттықтырушы «Сіз кімсіз?» деп сұрап шығады. Әдетте, бұл жаттығу өте көңілді өтеді, нәтижесінде топ мүшелерінің көңіл-күйі көтеріліп, шаршағандығы тарқайды. Жаттығу қатысушылардың ары қарай ашыла түсуіне септігін тигізеді.

4. Түлектерге арналған аффирмация (Аффирмация тақтадан көрсетіліп, дауысталып оқылады.)

Аффирмация – (өзін-өзі сендіру, ойды бекіту сөздері болып табылады).• Мен табысқа жететініме толық сенімдімін, менің үнемі жолым болады.• Әр бір күн, әр бір сағат сайын менің өмірім жақсарып барады.• Жақсылық, дұрыс таңдау және амандық үнемі менің қасымда.• Болып жатқан істің барлығы – менің игілігім үшін жасалуда.• Қазірдің өзінде мен үшін өте сәтті мүмкіндіктер қалыптасып келеді. • Мен қандай болсам, өзімді сол қалпымда жақсы көремін.• Менің қабілетім әр күн сайын жақсаруда.• Менің өміріме сәттіліктің, атақ-даңқтың келуін қуана қабылдаймын.• Маған өз ісім ұнайды, қуана, рахаттана, шабытпен айналысудамын.• Өзіме деген сенімділік үнемі менің…