Мен педагог тақырыбындағы эссе үш бет көлемінде

Батыс Қазақстан облысының білім басқармасы

Облыстық экологиялық - биологиялық орталығы

«Мен – педагог»

Эссе

Сапарова Шаттыгул Радиковна

ОЭБО қосымша білім беру педагогі

БҚО, Орал қаласы

Мен – педагог

Ұстаздық - ұлық емес, ұлы қызмет.

Бауыржан Момышұлы

Ұстаз… Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Ұстаздық еткен жалықпас, үйретуден балаға деп ұлы Абай атамыз айтқандай, осындай қастерлі мамандықтың иесі болғанымды мақтанышпен айтамын. Ұстаз ол балаға тәрбие мен қатар білім беруші, бағыт – бағдар беруші. Адам баласының жүрегінде қадір тұтып, құрметтейтін екі ұғым болса, соның бірі - Ұстаз. «Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады. Менің ойымша, кез - келген педагог үнемі жаңалыққа ұмтылып, ізденіс үстінде болып, мақсаты жоғары болуы керек. Себебі, ұстаздық өнер – тағылымы терең өнер. Ал өнерлі болу кез- келген адамға қона бермейді. Олай болса, шын ұстаз болу үшін табиғи дарын, ізгілікті ізденіс пен ерен еңбекке ұштастырылуы шарт.

Ұстаз - мақтан тұтар мамандық. Соның ішінде қосымша білім беру педагогінің үздіксіз білім беру жүйесінде алатын орны ерекше. Өмір үнемі өзгеріп, қоғам үздіксіз дамып отырған шақта ақыл - ойы озық, білімі мен біліктілігі жоғары, жан - жақты дамыған тұлғаны тәрбиелеуде қосымша білім беру педагогінің қызметі маңызды. Көптеген мамандықтардың ішінде жан - жақты білімділікті, икемділікті, шеберлікті, ерекше шәкірт жандылықты, мейірімділікті қажет ететін мамандық. Мен осындай қызығы да, қиындығы мол мамандықты таңдадым.

Мен қосымша білім беру педагогімін. Бұл саланың негізгі мәселелерінің бірі-шығармашыл тұлғаны дамыту және қалыптастыру. Үйірмеге қатысатын оқушылардың барлығы дерлік дарынды оқушылар. Себебі, олар өздерінің сүйікті ісімен айналысады. Сол себепті қосымша білім беру орталығындағы педагогтер әр баланың бойынан жақсылықтарын тауып, бұлақ көзін аша білсе, сол мұғалімнің мақсатының бір бөлігі орындалғаны. Менің ұғымымда, алдымыздағы әрбір бала қайталанбас бір ғажайып әлем десек, сол зерттелмеген таза құпияға терең үңіліп, баланың басқаға ұқсамайтын ерекше қасиеттерін тану, оның жүрегіне,…