Педагог-психолог мамандығы туралы эссе

Эссе: « Менің педагогикалық философиям»

№ 38 «Әлем» МДҰ педагог-психологі

Изятова А.М.

Педагог - балаларды адамзат мәдениетінің әлеміне, күрделі және алуан түрлі қарым-қатынастардың әлеміне ендіретін үлкендердің бірі. Педагог-психологтың еңбегі өлшеусіз, оған ешбір өлшем де тең келмейтіндей. Анасының «әлдиіне» үйренген бүлдіршіннің әлдебір тәтенің «талабына» мойын ұсынуы қиынның қиыны екеніне ешбір педагог дау айтпас деп ойлаймын. Мен бала тәрбиесі саласында жиырма жылдан астам уақыт еңбек етудемін. Өткен ғасырдың 90 жылдары еңбек жолымды бастаған мен әрбір он жылдықта мектепке дейінгі жастағы бала белсенділігінің күрделенуі ғылым жетістіктеріне жауап берушілік деп бағалаймын, ал ата-ана сұранысының кейбір келеңсіз тұстарын талдағанда, ұрпақ тәрбиесінің ақсап тұрған тұсы дер едім. Ол кезде көп жағдайда балалардың техникамен байланыс жасауы – теледидардан мультфильм көру және радиодан ертегі тыңдаумен шектелетін. Ал, қазіргі күні 5-6 жастағы бүлдіршін ғаламтордан қажетті мультфильмді табуды, компьютермен әртүрлі ойындар ойнауды, кейбіреуі әлеуметтік желілерге енуді игерсе, ал, барлығы дерлік ұялы телефонмен байланыс жасауды меңгерген.

Осыған орай, олардың әрбір іс-әрекетке қызығушылығын оятып, ынталандыруда бірнеше мүмкіндіктерді бастан кешіру керек. Мысалы, балапанды мүсіндеу үшін, оның суретін ғана көрсету, ол туралы ертегі оқу жеткіліксіз, оған бала қызықпайды, селқостық танытады. Ал, егер балапан туралы мултьфильм немесе слайд көрсетсе, оның жанды даусын тыңдаса, жоғары белсенділікпен, ынта-ықыласпен мүсіндейтіндігін аңғаруға болады. Әр мамандықтың өз қиындығы, өз қызығы бар. Психологтың жұмысы күрделі де, қызықты да. Шынын айтсам, кейде жұмыстан соң үйге келгенде, қатты шаршағанымды сеземін. Бірақ сол өткізген күнді талдай отырып, балалардың маған деген ықыласын, маған ұмтылған үміт толы көздерін елестетіп, олармен қайта қауышқанша асығамын. Мөлдір бұлақтың көзін ашып, тұнығына қану үшін қаншама қиын да, қызықты еңбек пен тер төгу керек десеңізші! Бұл - бала тәрбиесіне қатысты тұжырым. Балаларды жас ерекшелігіне байланысты танымдық қабілеттерін дамыту, шығармашылыққа бейімдеу, педагог-психологтың күнделікті жүргізетін жүйелі іс-әрекеттерінің көріністері.

Балғын бүлдіршінді тәрбиелеу, оған шыдамдылықты, ұқыптылықты, жауапкершілікті, ең бастысы өз міндетіне деген сүйіспеншілікті қажет ететіндігін естен шығармау керек. Педагог-психолог күн сайын ерлікке пара-пар жұмыс жасау…