Мен педагогпын эссе жаратылыстану саласына арналған

«Мен- педагогпын!» - эссе.

Сөздің басын ұлы ғұлама Әл-Фарабидің мына сөзімен бастағым келіп отыр.

«Ұстаз ... жаратылысынан өзіне айтылғанның бәрін жете түсінген, көрген және естіген нәрселердің барлығын жадында жақсы сақтайтын, бұлардың ешнәрсесін ұмытпайтын... алғыр да аңғарымпаз ақыл иесі..., меніңше шешен, өнер –білімге құштар , қанағатшыл жаны асқақ және ар- намысын ардақтайтын , жақындарына да , жат адамдарына да әділ..., жұрттың бәріне... жақсылық пен ізеттілік көрсетіп... қорқыныш пен жасқану дегенді білмейтін батыл, ержүрек болуы керек»

Мен, І санатты химия пәнінің мұғалімі Сатаева Баян Мырзабайқызы жиырма сегіз жылдан астам уақыт бойы ұстаздық қызметін атқарып келемін.Бүгінгі таңда талпынысқа толы ХХІ ғасыр талабына сай жаңашыл ұстаздардың бірімін. Өзім педагог ретінде мұғалім заман талабына сай жаңа ұрпақтың қызығушылығын түсіну керек деп ойлаймын. «Ұстаздық мамандық –бұл адамтану, адамның күрделі және қызықты, шым-шытырығы мол, рухани жан дүниесіне үңіле білу, адамның өмір бойы білім алып, оны шәкіртіне жеткізе білу бұл ұстаздық қасиеттің ең жоғары жетістігі болып табылады». Сондай үлкен ұғымдағы ұстаздық қасиетке барынша адалдық танытып, бар ғұмырымды мектеп саласына арнап келемін.

Бүгінгі таңда бізге , мұғалімдерге, ең қажетті нәрсе – заман талабына сай лайықты жаңа адамды қалыптастыру, тәрбиелеп өсіру. Заман күннен күнге дамып өркендеу үстінде. Олай болса , біз алдымызда тәрбиелеп отырған шәкірттерімізге адамгершілік пен өз елін сүйетін ұлтжандылық қасиетін қалыптастырып, оны бар асылындай қадірлей білетін , өткенін бағалап болашағына зор сеніммен қарай білетін ең жақсы қасиеттерді үйрете білуіміз қажет. Ендеше, мен де әрдайым оқушылармен бірге үйрене отырып, оларды тек қана алға жетелеймін.

К.Д.Ушинский «Мұғалім- ол өзінің білімін үздіксіз көтеріп отырғанда ғана мұғалім .Оқуды , ізденуді тоқтатысымен оның мұғалімдігі де тоқтайды» деп бекер айтпаған . Сол үшін де ұстаздықтың қыр сырын жетік меңгеріп, еңбек етіп келемін. Оқушыларды білімге, шығармашылыққа , еңбексүйгіштікке баули отырып, оқыту үрдісінде жаңа технологияларды қолдану арқылы шығармашылықпен жұмыс істейтін ұстаз екенімді көрсетіп жүрмін. Сабақта қолданатын технологиям деңгейлеп саралап оқыту . мұның мен ұшін тиімділігі сынып…