Мен қалаған мамандық туралы математика пәнінен эссе

Ақырын жүріп,анық бас,

Еңбегің кетпес далаға.

Ұстаздық қылған жалықпас ,

Үйретуден балаға -

деген Абай сөзін өзінің өмір қағидасы еткен ұстаз әрдайым құрметті. Ол өзінің бойындағы бар аталық мейірімін, білімін, тәжірибесін алдындағы шәкірттеріне беріп, олардың рухани дүниесін байытады, өмірде неғұрлым адаспай, дұрыс жолмен жүруге дайындайды. Халықтың «Ұстазыңды. атаңнан да әзіз тұт» дейтіні де сондықтан .

Мен оқушы кезімнен бері анама және де, өзімді білім нәрімен сусындатқан ұлағатты ұстаздарыма қарап ҰСТАЗ болуды армандайтынмын. Арманыма жету үшін қиындығы мен қызығы мол ұстаздық жолды таңдадым.Міне осы арманым орындалып, ұстаздық жолымды ақырындап бастап келемін. Мұғалімнің бейімділігі, дарындылығы көбінесе оқушының тағдырын шешеді. « шәкіртсіз ұстаз тұл», «ұстаздық еткен жалықпас үйретуден балаға » дейді қазақ. Бұл басқа емес, дәл педагог мамандығына арнап айтылған мақал. Әрине, ұстаз деп тек мұғалімдерді айтуға болмайды. Менің өміріме бағыт берген, кәсібімді үйреткен, тіршілігіме нәр берген адамның барлығын ұстаз санаймын. Егер мектептегі ұстазға келер болсақ, бұларды жаны өте нәзік, жомарт, сезімтал жандар деп айтар едім. Оқушыға ұстаздық жасайтын адамның бойында өз мамандығына берілген, бар қуатын оқушыға сарқып бере алатын, онымен бірге қуана да, қайғыра да білетін барлық асыл қасиеттер болу қажет. Менің ойымша, ұстаз болу - кез-келген адамның қолынан келе бермейді. Нағыз ұстаз шәкірттерін «біз жақсы ұстаздан сабақ алдық» деп айтатындай дәрежеге жеткізу керек. Мен ұстаздарымды, ата-анамды «нағыз ұстаз» деп айта аламын және олардың жолын қуып өзімнің де ұстаз болғаныма қуаныш

«Орта мектепті аяқтағаннан кейін еш ойланбастан мұғалімдік мамандықты таңдап, Қ.Жұбанов атындағы Ақтөбе Мемлекеттік университетіне оқуға түсіп 4 жыл бойы аталған жоғарғы оқу орнында білім алдым.Мұндағы өткен 4 жыл мен үшін зымырап тез өте шықты. Қолыма диплом алып, өзім 11 жыл бойы білім алып, білім нәрімен сусындаған Байғанин орта мектебіне математика пәнінің мұғалімі болып орналастым. Оқушыларым менің жаңалықтарыма, жаңа тәжірибеме қызығушылықпен жауап берді. Осылайша менің бірінші ұстанымым пайда болды: оқушыларды оқыту үшін, бірінші өзің оқуың керек, оқушыларға тәрбие беру үшін, тәрбиені өзіңнен бастауың қажет, оқушыларды дамыту үшін, әрдайым өзің іздену, даму үстінде болуың қажет. Сонда ғана осы мамандыққа лайықтымын деп санаймын. Бәрі бірден жақсы болып кете қоймайды, әрине. Мен көп іздендім, өз ісінің нағыз мамандарын, ең үздіктерін іздедім. Осылайша, мен өзімнің екінші ұстанымыма келдім: биіктерге жету үшін, болашаққа көз жүгіртіп,…