Мен қазақпын ұланымын елімнің 10 сынып сағаты

Қазақ мектеп-гимназиясы

Сынып сағаты

Тақырыбы: «Мен - қазақпын, ұланымын

елімнің»

Дайындаған: 10 «А» сынып жетекшісі

Байтенова Г.Ж.

Петропавл қ, 2017 ж

Тақырыбы: Мен - қазақпын, ұланымын елімнің Мақсаты: Оқушыларға Ұлы Отанды сүюге, ерлік көрсеткен батырлардың бойындағы ержүректілік, отан сүйгіштік, ұлтжандылық қасиеттерін дәріптеу. Отанын, елін қорғай білуге тәрбиелеу.

1-жүргізуші: Армысыздар қымбатты қонақтар, аяулы оқушылар! Көңілдеріңізге көктем шуағындай сезім мен нұр құйып келген, 7 мамыр Отан қорғаушылар күні мерекесімен кұттыктаймыз. Осынау айтулы мерекенің қай кезде де орны бөлек.Олай болатыны, абзал азаматтарымызға деген ыстық сезім,алғыс пен құрмет ешқашан сөнбек емес.Олар-өмірдің мәні,көңілдің жыры, әр отбасының алтын қазығы. Ендеше бүгінгі мерекелік сынып сағатын бастауға рұқсат етіңіздер.

2-жүргізуші: Жүрекке адалдықтың ескен гүлін Ғажайып келешектің төккен үнін Ардақты ағаларға шын көңілден Жолдаймыз алғыс пенен сәлем бүгін. Құрметті азаматтар, ұлдар, жігіттер! Сіздерді 7 мамыр - Отан қорғаушылар күні мерекесімен және 9 мамыр Жеңіс күні мерекесімен шын жүректен құттықтаймыз! Отанға адал, елге қайырымды, отбасында мейірімді, қайырымды болыңыздар. Жүректеріңіз оттай лаулап, жандарыңыз әрдайым жас болсын. Қайратты, мақсатты болыңыздар. Оқуда және еңбекте табыс тілейміз. Қыздардың құттықтауы..................

1-жүргізуші: Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін! Жете бер аңсап күткен тілегіңе, Қылаудай дақ түспесін жүрегіңе. Отанның, ел-жұртыңның мақтаны бол, Алды бол қатарыңның бұл өмірде , - деп «Сарбаздар» әнімен ................... ортаға шақырамыз.

2-жүргізуші: Мектеп – кеме, ес білімнің ескегін, Әнге толсын, күйге толсын кештерің, Шын жүректен бақыт тілеп сарқылмас, Қол соғады барша әріптестерің

Мың бұралып билеген Аруды кім сүймеген . Күміс көмей аруларға Кімдер басын имеген-дей отырып, келесі кезекті ........................ орындауындағы биге береміз.