Мен сияқты жаса тақырыбындағы ашық сабақ, мектепке дейінгі топ

Білім беру саласы: Таным Ұйымдастырылған оқу қызметі: Сенсорика

Тақырыбы:Мен сияқты жаса. Мақсаты:Бір-бірімен байланысты тура және кері әрекеттерді орындау; алу және салу, пластикалық бөтелкенің тығынын жабу арқылы саусақ моторикаларын жетілдіру, түстерді ажыратуға және сәйкестендіруге баулу.

Көрнекіліктер:Қораптар,массаждық доптар, пластикалық бөтелкелер.

Шаттық шеңбер

Оң қолымда бес саусақ,

Сол қолымда бес саусақ.

Алақанды қосқанда

Болып шықты он саусақ.

- Балалар, менің қолымдағы не нәрсе деп ойлайсыңдар?

-Түсі қандай?

-Оның ішіне не құямыз?

-Су құйып болған соң қақпағын жабамыз.

-Балалар, менің қолымда пластикалық бөтелке. Мынау оның қақпағы. Бірінші қақпақты солға қарай бұрап ашамыз, оңға қарай бұрап жабамыз.

(балалардың қолына пластикалық бөтелкерлерді таратып беру, тәрбиешінің тапсырмасын жасау)

Сергіту сәті

Аққу болып ұшамыз,

Көлге келіп қонамыз.

Көлдің бетін құшамыз,

Қайта самғап ұшамыз.

Дидактикалық ойын «Себеттегі алмалар»

Тәрбиеші ортаға алма салынған себетті қояды. Себеттің ішінде түрлі-түсті алмалар бар. Балалар көк алманы көк қорапқа, қызыл алманы қызыл қорапқа салады.

Тыныс алу жаттығулары

Пластикалық бөтелкедегі қағаздарды үрлеу.

Жарайсыңдар балалар!

Қорытынды

-Балалар, біз бүгін пластикалық бөтелкенің қақпағын ашуды және жабуды, қораптарға алмаларды түсіне қарай сәйкестендіріп, алып салуды үйрендік.

Жұмыс жасау барысында балалардың іс-әрекетіне талдау жасап,мадақтайды. Жақсы жасалған жұмыстарды ерекше атап өтеді.

Күтілетін нәтиже: Біледі: бөтелке мен қорапты.

Игереді: ашуды, жабуды, алуды, салуды.

Меңгереді:Тура және кері әрекеттерді.