Мен таңдаған мамандық 10-сыныпқа арналған тәрбие сағаты

«Мен таңдаған мамандық» атты пікірсайыс

9-11 сынып оқушылары

Мақсаты:

1. Оқушыларға кәсіби бағдар беру. 2. Оларды өз пікірін еркін айтуға, басқаның пікірін сыйлай

білуге, жүйелі ойлауға баулу; 3. Оқушылардың қоғамға деген азаматтық позициясын

қалыптастырып, отансүйгіштікке тәрбиелеу.

Барысы: І. Ұйымдастыру кезеңі. ІІ. Негізгі бөлімі.

1. Жүргізуші: Армысыздар, құрметті ата аналар мен қадірлі

ұстаздар және құрбы құрдастар! 2. Жүргізуші: Білім нәрін берген алтын ұя мектебімізбен

қоштасып, біздің әрқайсысымызды «Кім болам?» деген сұрақ мазалап, өмірден өз орнымызды табу мақсатында жауапты сынаққа түсер сәт те алыс емес. Жүргізуші:

Халқымыздың ұлы ақыны Абай:

«Әсемпаз болма әрнеге Өнерпаз болсаң, арқалан, Сен де бір кірпіш дүниеге Тетігін тап та бар қалан»,-деп әр адамның өмірде өз орнын табудың маңыздылығын атап өткен. Жүргізуші: Адам өміріндегі жауапты кезеңдердің бірі-мамандық таңдау болып табылады. Мамандық таңдау дегеніміз - оқушы өз бойындағы ерекшелікті тани білуі, бейімділігін бағамдау, содан кейін ұнататын кәсіптерінің біреуін таңдауы. Мамандық таңдағанда біріншіден, қызықтыратын мамандықты таңдау қажет, екіншіден, оны игеретіндей білімді болу керек, үшіншіден, оқу орнын дұрыс таңдай білу қажет. Жүргізуші: Кез келген қоғамда адам өмірде өз орнын табу үшін өз жанына жақын кәсіпті меңгеріп, белгілі бір мамандық иесі болуы керек. Ел болашағы бүгінгі өскелең ұрпақтың, яғни біздің қолымызда. Мамандық таңдау дегеніміз – тағдырыңды таңдау деген сөз. Кейінгі өмірде өкінбейтіндей, өз қабілеті мен бейімділігіне сай кәсіп түрін таңдауымыз керек. Жүргізуші: Мінекей, бүгін біз «Мен таңдаған мамандық» деген тақырыпта өткелі отырған пікірсайысқа ақылдасып, шешім қабылдау үшін бас қосып отырмыз.