Мен таңдаған мамандық туралы жұмыс үлгісі

Мен таңдаған мамандық

Адамзат баласы өмірінде екі нәрсе таңдаудан қателеспеу керек, бірі-жар таңдау болса, бірі-мамандық таңдау. Адамдар мамандықты жүрегімен қалап, қызығушылықпен түсуі керек. Өйткені таңдаған мамандығың сенің тікелей болашағың. Таңдаған мамандығыңды сүйіп, оның қиын да қызықты сәттерінен ләззат ала білген адам өз ісінің қас шебері болары мәлім. Менің таңдаған мамандығым өте қарапайым болғанымен, артылған жүгі өте ауыр мамандық. Қоғамның қай арнаға бұрылары тікелей біздерге яғни ұстаздарға байланысты. Жас ұрпақты білім нәрімен сусындатып, санасына гүл егер бағбандар- ұстаздар. «Бала жүрегі- кішкентай күй сандық. Сол сандықтың кілтін тапсаң ғана ашылады. Мұғалімнің қолында әр кезде сол кілт тұру керек» - деп, М. Шаханов атамыз айтқандай, әр баланың жүрегіне жол табу, бала бойындағы дарынды ашу мұғалімнің ең басты міндеті деп білемін. Алдымызда отырған балалар-ата-анасының сенген үміті, әр баланы аманат етіп саған табыстаған соң, сол аманатқа қиянат жасамау үшін барынша тырысып бағу қажет.

Мектеп-оқушының екінші үйі болса, ұстаз-екінші анасы. Әр үйдің еркелерін бір арнаға тоғыстырып, оларды тәрбиелеп жұмыс жасау оңайға соқпайды.Оқушылардың мінездері бір болмайды, бірінің мінезі ашық-жарқын болса, бірі-тұйық болады. Барлығының тілін тауып, тілдесіп, жақсы тәлім-тәрбие беру үлкен мәртебе, ғанибет. Суретші ақ парақ бетіне қалай сурет салса, ұстаз да дәл солай оқушының таза санасына адамгершілік, имандылық, сауаттылық нәрін салады.

Ғылым иесі-ғалым, ел қорғаған-батыр, тастай қатқан темірдіде жібіткен жұмысшыларда ұстаздан тәлім алған жандар. Сондықтан да бүкіл ел ұстаздарға құрметпен бас иеді.

Ұстаз әрқашан шәкірттеріне бүгінгі алған білімінің ертеңгі күні қажеттілігін сездіре алатындай қасиеті бар, мектеп табалдырығын аттаған әрбір жас өреннің болашақтағы көздеген мақсаттарына қол жеткізуіне бағыт бере алатын үлкен тұлға.

Мамандығымды таңдамас бұрын өте қатты ойландым, қорықтым өйткені менің мамандығым-елдің болашағы, менен тәрбиеленген бала қандай болып шығады? Болашағы жарқын бола алама? Балалардың жарқын болашағының күл талқанын шығарып алмаймынба? Елімнің сорын арқалаған сауатсыз мұғалімдер қатарына жатсам не болады? Деген секілді мың сауал санамды жаулап алды. Неде болса өзімді тәрбиелеген, әлі де тірбиелеп жатырған мұғалімдерді бір сәт еске…